S t a t u t a 
C o m m u n i s
B u g e l l a e

R U B R I C A   X I X
D E   R U G I A .

________________________________

315.

[I]
A MOLENDINO SUPERIUS
RUGIAM QUIS RUMPERE
NON SIT AUSUS.

Statutum est quod qui traheret rugiam placij de suo lecto a molendino placij superius sine licencia soluat sol. X. pp.

316.

[II]
PUNIANTUR IN RUGIA
TURPITUDINEM FATIENTES
ET QUE SIT
INQUISITIO FATIENDA.

Item statutum est quod illa persona que deturparet uel fedaret rugiam uel que faceret sozuram in ea. a ponte prexonerie usque ad canales doloe soluat bannum sol. decem. Eo saluo quod quisque possit vtilitatem suam facere. In rugia a tercia in antea excepto quod nulli ponere in ipsa rugia nec lauere pannos fedatos nec menuta bestiarum nec coria neque pelles nec aliquod pilum calcinentum nec aliquod bruterium coriorum nec alterius rei nec facere in ipsa aliquem sozuram. et qui contrafecerit soluat bannum sol. X. pp. et quilibet possit accussare. Et consules teneantur inquirere.

319.

Item statutum est quod nulla persona possit nec debeat tenere aliquam strumeriam neque facere aliquam sozuram que possit labi neque fedare rugiam placij. Et qui contrafecerit. soluat bannum. sol. decem. pp. et postea eam altet taliter non fedet ipsam rugiam. et qui non altauerit soluat bannum pro qualibet edomada post quam ei preceptum fuerit quod eam altet. sol. V. pp. Et consules teneantur bis in anno inquirere totam rugiam per placium et si unuenerint ibi aliquod bruterium uel sozuram faciant altari et auferri. et consules teneantur singulis mensibus mittere duos officiales ad inquirendum stimerias et aquarolios descendentes in rugiam.

317.

[III]
IN TRIUOLO
CANALIBUS UEL
FORTELICIJS OFFENDENTES.

Item statutum est quod qui runperet triuolum uel canales uel qui offenderet in aliquod bastimentum placij et plani soluat bannum pro quolibet et qualibet vice sol. LX. pp. et emendet dampnum et quilibet possit accussare palam et priuatim et consules teneantur inquirere.

318.

[IIII]
BESTIE INTRANTES
RUGIAM INFRA
TERTIAM PUNIANTUR.

Item statutum est quod nullus dimitat ire suos porcos neque anseres neque aneas In rugia usque terciam et qui contrafecerit. soluat bannum denar. VI. pro qualibet vice.

320.

[V]
ANTE DOMUM PROPRIAM
DEBET QUID PONTEM
PROPRIIS SUMPTIBUS
CONSERUARE.

Item statutum est quod quilibet habens pontem super rugiam ante domum suam debeat illum tenere actatum bonum et bene actatum et qui contrafecerit soluat bannum. sol. V. pp. Et consules teneabtur eos inquirere bis in anno.

321.

[VI]
QUOMODO QUANDO
ET QUO TEMPORE
PER PLANUM RUGIA
SIT DUCENDA.

Item statutum est quod quilibet qui voluerit ducere Rugiam per planum debeat prius dare sol. LX. pp. et ducat ubique ab hora none usque ad ortum solis tantum. et quod nullus possit eam ducere. a medio junio usque ad sanctum eussebium. et a sancta maria de septembris usque ad festum omnium sanctorum et illa persona que ducere uel duci faceret ipsam rugiam sine licencia omnium consulum. soluat. sol. XL. pro banno. et sol. LX. pro menatura nisi esset causa ignis accenssi uel uenti. Et consules teneantur denunciare illi uel illis qui ducet rugiam quod debeant dimitere venire per placium quartam partem dicte rugie sub banno sol. quinque. pp. et consules excutere teneantur per eorum Inquissicionem. Ita tamen quod illi qui haberent licenciam ducendi dictam Rugiam non possint eam capere nisi ubi est facta porta. et qui contrafecerit soluat pro qualibet vice sol. XL. pp. et consules teneantur per eorum sacramentum tenere altatam dictam portam et ibi facere tenere vnum foramen vnde possit venire quarta pars dicte rugie per placium.

322.

[VII]
PER COSTAS PLACIJ
ET UERNATI RUGIA
NON DUCATUR.

Item statutum est quod aliqua persona vndecunque sit non possit ducere nec duci facere Rugiam per costam andurni. nec per costam glare. nec per costam vernati. et qui contrafecerit soluat bannum pro quolibet et qualibet vice sol. XL. pp. nisi esset necessitas ignis accenssi. Et consules teneantur Inquirere.

323.

[VIII]
PROPE CANALES
PER QUATUOR PERTICA
RUGIA NON FRANGATUR.

Item statutum est quod aliqua persona non debeat Ronpere nec Ronpi facere Rugiam placij. In aliquibus canalibus Rugie nec prope ipsas canales per quatuor perticas. Et qui contrafecerit uel fieri fecerit soluat bannum pro quolibet et qualibet uice. sol. XX. pp. et consules non possit dare licenciam set teneantur Inquirere si siuerint uel si fuerit eis denunciatum et tenere denunciatores priuatos.

324.

[VIIII]
LAUANTES MANUS IN RUGIA
ANTE TERTIAM PUNIANTUR.

Item statutum est quod qui se lauauerit manus in Rugia ante terciam soluat bannum sol. II. pp.

325.

[X]
PER UIAM GLARIE RUGIA
NON DUCATUR.

Item statutum est quod aliquis non possit nec debeat ducere. nec duci facere Rugiam placij per viam glare. a Rugia usque ad platheam de rouore. Et qui contrafecerit soluat bannum sol. XX. pp. et de comuni sol. XX. pp. pro menatura. et consules possint exinde dare licenciam dando sol. XX. pp. secundum formam alterius statuti rugie.

326.

[XI]
A PONTE TORRATIE
SUPERIUS FRANGENTES
RUGIAM PUNIANTUR.

Item statutum et ordinatum est quod omnes et singuli de bugella frangentes seu Rupi facientes rugiam placij a triuolo inferius vsque ad pontem toracie seu ducentes aquam de dicta Rugia teneantur emendare dapnum datum eorum causa ocaxione dicte fractionis seu ducture acque. et actare uiam seu canales ac dapna data predictarum ocasione et prestare securitatem ydoneam in manibus consulum de predictis omnibus et singulis atendendis et firmiter obseruendis.

327.

[XII]
VBI PER QUOS FRANGATUR
RUGIA SI IN PLATIUM
INCENDIUM ORIATUR.

Item quod quocienscunque ortum fuerit incendium in plano quod Gisulfus de berta rubea et alij qui pro temporibus stabunt ubi ipse nunc habitat teneantur frangere rugiam incontinenti. et ipsam uoluere uersus planum. et ille qui uuoluerit sit absolutus a faciendis Guachis et laboribus personalibus comunis.

328.

NEMO TRAHAT RUGIAM
PLANI DE SUO LOCO.

Item statutum et ordinatum est quod aliqua persona non debeat trahere rugiam plani bugelle de suo proprio loco assignato per comune et qui eam traxerit ad ducendum alibi soluat bannum pro quolibet et qualibet vice sol. XX. pp. Et qui eam abotauerit intra fossata plani ita quod spargat in via soluat bannum sol. II. pp. pro quolibet et qualibet vice. Et consules teneantur omni anno ponere vnum custodem priuatum ad custodiam dicte Rugie. Et unum publicum qui sit exactus a laboribus viarum comunis et Guachijs et teneatur accusare. et quod quelibet persone ab utraque parte vie teneantur et debeant tenere actatam et remondatam ita quod non spargat in viam coram domibus suis. In pena et banno sol. X. pp. pro quolibet et qualibet vice. et nichilominus teneantur eam reficere. En consules non possint dare licenciam. set consules teneantur inquirere.