S t a t u t a 
C o m m u n i s
B u g e l l a e

R U B R I C A   X V I I I
D E   T A B E R N I S
E T   T A B E R N A R I J S .

________________________________

308.

[I]
PUNIATUR VENDENS
EMENS ET PONENS
UINUM IN SIPHO
CONTRA STATUTUM.

Statutum est quod nulla persona debeat vendere vinum in bugella plus XII. denar. quartinum et teneantur venditores vini ponere craterem siue medium quartinum. In manibus potatorum vel ante ipsos. ante quam ponant ipsum In miolo siue In cupa et dare rectam menssuram omnibis. Et qui contrafecerit in aliquo soluat bannum qualibet vice. sol. quinque. pp. et ille uel illi quibus daretur male menssuratum possint accussare Iurando et habeat suam partem banni. bannum tantum ponendi vinum In mjolo uel sypho sit sol. II. et consules yeneantur inquirere de hijs qui vendiderint vinum plus quam continetur In statuto. et quod non possit in credencia quod detur licencia quod uendatur plus ante festum sancti Iohannis. et si uendiderit uinum ultra id quod ordinatum fuerit per comune quod il illa domo in qua uenditum fuerit uinum non possit uendi uinum nec panis toto tempore dicti consolatus et accusas predicta occassione teneantur consules facere iudicari Infra menssem postquam facte fuerint et ipsis iudicatis domum faciant imbandari. Infra VIII. dies et consules teneantur inquirere quocienscunque fuerit eis denuntiatum. uel ad ipsorum peruenerit notitiam.

312.

Item statutum et ordinatum est quod quelibet persona que uendiderit uinum ultra quantitate positam et determinatam per comune bugelle. soluat pro qualibet mensura. sol. V. pp. et ille qui soluerit et emerit dictum uinum soluat bannum sol. II. pp. nisi accusauerit illum qui sibi uendiderit dictum vinum. et si accusauerit illum qui uendiderit non teneatur de banno.

309.

[II]
VLTRA NUMATAM
IN SIFO QUIS VENDERE
NON PRESUMAT.

Item statutum est quod aliqua persona que vendat vinum. non debeat dare nisi tantum numatam vini in vno sypho. nisi daret ad menssuram quartini uel medij quartini. uel tercij uel quarti. Et qui contrafecerit soluat bannum pro qualibet vice sol. quinque pp.

310.

[III]
PENA VENDENTIS
VINUM EI QUI NON TENETUR
HONERA SUBSTINERE.

Item statutum est quod nullus debeat dare suum vinum ad uendendum in domo sua. aliqui persone que non faciat guaciam et alia et sit subditus dicto comuni. et soluat fodrum banna sustineat et honera. et sit subditus quo ad munera realia et personalia cum comuni bugelle sicut alij homines bugelle et qui contrafecerit soluat bannum sol. XX. pp. Et si aliquis daret alicui vinum ad vendendum uel locaret nec faceret vendere alicui qui nollet attendere banna quod ille cuius esset vinum teneatur soluere banna.

311.

[IIII]
EMENTES ET VENDENTES
POST CAMPANAM
CUSTODIE PUNIANTUR.

Item statutum est quod aliquis de bugella qui inventus fuerit in aliqua taberna post quam campana custodum pulsata fuerit siue libat uel comedet siue non. soluat bannum. sol. quinque pro qualibet vice. Et tauernarius soluat simile bannum.

313.

[V]
VINUM VENDENTES CLAUSO
HOSTIO PUNIANTUR.

Item statutum est quod qui uendiderit vinum ostio clauso de die soluat pro qualibet vice sol. XX. et consules teneantur inquirere quociens fuerit eis denuntiatum.

314.

PENA VENDENTIS
VINUM AD MINUTUM
CONTRA STATUTA.

Item statutum est quod aliqua persona non possit vendere vinum ad minutum nisi ad pintas totundas. latas de supter et strictas de super. secundum quod sunt pinte quas habet comune et mensurent vinum ita quod semper spargat de foris. et qui uendiderit ad aliam mensuram. solat. pro qualibet vice et qualibet mensura mensura sol. XV. et consules omni mense semel contra tabernarios inquirere. teneantur. et quod omnes mensure in quibus inuente fuerint aditiones appositiones adiunctiones sofisticationes. preter quam illud quod habent tempore confectionis. et que non habent laborem liberum et rotundum. habeantur pro falsis. ita quod a banno nullatenus excusentur.