S t a t u t a 
C o m m u n i s
B u g e l l a e

R U B R I C A   X I
D E   P L A T I O
E T   O R N A M E N T I S  
E I U S .

________________________________

182.

[I]
EMENTES DIE IOUIS
EXTRA PORTAS PLATIJ
ALIUD QUAM LIGAMEN.

Statutum et ordinatum est quod nulla persona debeat emere aliquid in die iouis preter lignamen extra portas placij. occaxione reuendendi in eadem specie. in qua emerint. Et qui contrafecerit soluat pro quolibet et qualibet vice sol. V. pp. Et consules teneantur inquirere.

183.

[II]
EMENTES ET VENDENTES
SALEM VEL BLADUM ALIBI
QUAM AD DOMUM COMMUNIS.

Item statutum et quod mercatum bladi. leguminorum, et salis fiat iusta domum comunis. et in portucubus et platheis domus ipsius communis. Et qui contrafecerit soluat bannum emptor et venditor pro quolibet et qualibet uice sol. V. pp. Excepto quod quilibet possit emere ubi voluerit secundum quod consuetum est pro suo proprio usu.

184.

[III]
PENA TENETIUM
INTRA PLATIUM DOMOS
COPERTAS DE ALIO QUAM
DE CUPIS, ET QUANDO
SIT INQUIRENDUM.

Item statutem est quod aliquis homo non debeat. nec sibi leceat facere uel tenere aliquam coperturam nisi de cupis intra fossata placij bugelle. uel nisi de axidibus. sub quibus axidibus non fiat ignis. Et qui contrafecerit soluat bannum sol. XX. pp. Et consules teneantur bis in anno querere totum burgum. et si inueniretur aliqua edificia coperta alia re quam de cupis uel de axidibus faciant illi comburi.

185.

[IV]
TENENTES PALEAS VEL
FRASCHAS SUPER LOBIAS
PUNIATUR SI NON
FUERINT BUTUMATE.

Item statutum est quod nullus debeat ponere fenum. paleas. frascas. neque facere ramatam frascarum. super strayam nec super solarium quod sit super uiam placij nec plani nisi solarium esset butumatum. Et qui contrafecerit soluat bannum sol. XX. pp. et postea aufferat predicta.

186.

[V]
PUNIATUR PROTIENS
LAPIDES SUPER TECTA.

Item statutum est quod aliquis non trahat lapides nec aliud super mercandium. beccariam. nec calegariam. nec super aliquam domum bugelle. Et qui contrafecerit soluat bannum sol. V. pp. de die. et postea emendet dampnum.

187.

[VI]
FATIENS MONTONOS LEAMI
INFRA PLATIUM OUNIATUR.

Item statutum est quod qui fecerit aliquod montonum leami in placio a domo Jacobi sartoris infra tantum quantum durat beccaria debeat ipsum asportasse infra VIIIo dies postquam fecerit ipsum montonum ibi. Et qui contrafecerit soluat bannum sol. V. pp. Qui autem fecerit monotonum leami in aliquo alio loco placij. debeat ipsum asportasse infra. XV. dies et qui contrafecerit soluat bannum sol. II. pp. et consules omnes simul possint dare licenciam pro necessitate. Ita tamen quod non fiat aliquod monyonum leami a macello usque ad domum Jacobi sub banno sol. V. pp. nec inde possit haberi licencia nisi standi per octo dies videlicet a domo Johannini Vcelle et furno alberti boserij. usque ad domum Jacobi Judei ab utraque parte. Et consules tenantur inquirere si eis fuerit denuntiatum.

188.

[VII]
FATIENS SOZIURAS INTRA
PLATIUM PUNIATUR.

Item statutum est quod aliqua persona non debeat facere aliquam sociurum in portucubus. uel platheis. vel in uiis publici a domo Jacobi iudei usque ad domum heredum quondam petri passalaque. Et qui contrafecerit soluat bannum pro quolibet et qualibet uice sol. quinque. pp.

189.

NON LICET SBOGIARE
MENUTA TEMPORE ET
LOCIS INTERDICTIS.

Item statutum est quod aliqua persona non debeat nec ei liceat sbogiare aliqua menuta a domo Jacobi sartoris. usque ad palacium comunis iuxta putheum. extra domos nec in vijs pubblicis a ramis palmarum. usque ad sanctam Martinum. Et qui contrafecerit soluat pro quolibet et qualibet uice sol. quinque pp.

190.

[VIII]
BATANTES BLADUM SUPER
PALATIUM PUNIANTUR.

Item statutum est quod nullus possit nec presumat batere bladere aliquod. nec aliquam rem aliam super Palacium comunis. sub banno sol. V. pp. Et consules super hoc non possint dare licenciam.

191.

[VIIII]
AD PLATHEAM COMUNIS
ALIUD QUAM BLADUS
QUIS PONERE VEL VENDERE
NON PRESUMAT.

Item statutum est quod nulla persona ponat in plathea noua Palacij nec super muros aliquid nisi bladum et sal in sacis. Et qui contrafecerit soluat pro qualibet uice sol. quinque. pp.

192.

[X]
PUNIATUR NON HABENS
SUFITIENTES CANALES
IN PLATIO SUPER PORTICUS
INTRA DOMOS.

Item statutum est quod omnes homines de placio habentes domos a porta toratie usque ad portam uersus uernatum ab utraque parte. Et a porta uersus uernatum usque ad portem glarie. et a porta glarie usque ad portem toracie ubi sunt uie publice et habitentes In eis teneantur tenere bonas canales Inter unam domum et aliam. tales et ita bonas quod pluuie non possint In porticubus pluere. et explanare rianas seu solare eas. et tenere copertas et planas ad modum porthycorum In pena et banno sol. XX. pp. quas canales et explanationes seu solaturas et coperturas fecisse teneantur. Infra exitum proximi menssis magij sub pena predicta. Et consules non possint dare licenciam. Et quod nullus possit tenere pertichas supra pontes Rugie placij buggelle sub pena predicta.

193.

[XI]
PENA DANTIUM
DAMPNUM IN FOSSATIS
DUCENDO AQUAM.

Item statutum est quod aliqua persona non ducat vel ducij faciat aquam ad aliquam suam possessionem que cadat de ducibus uel dampnum faciat in fossatis et qui contra fecerit soluat pro quolibet et qualibet vice sol. X. pp. et teneatur emadare dampnum et vacuare fossatum et possit quilibet acusare.

194.

[XII]
PENA EMENTIUM DIEBUS
FORI ALIQUID EXTRA PORTAS.

Item statutum et ordinatum est quod aliqua persona non possit nec ualeat emere nec emi facere aliquam merchandiam. [.......................] extra portas plani nec extra portam uernati contiguam cum placio preter lignamen. in die Jouis nec in die dominica. et qui contra fecerit soluat pro quolibet et qualibet uice sol. X. pp.

195.

[XIII]
NON FIAT ENORME
VEL TURPE AD PLATHEAM
UBI CONSULES COMORANTUR.

Item statutum et ordinatum est quod aliqua persona non debeat facere aliquam sulzuram nec bestias excoriare nec scanare nec etiam applicare nec applicatas tenere nec coria super bancis tenere in plathea merchandie a riana becarrie usque ad stadias ubi redditur ius per dominum episcopum. et qui contra fecerit soluat bannum pro quolibet et qualibet uice. sol. V.

[XIIII]
DUCENS BESTIAS DE BASTO
VEL PLAUSTRA PER PORTICHOS
PLATIJ PUNIATUR.

(Hoc cap. suo loco in textu deest.)