S t a t u t a 
C o m m u n i s
B u g e l l a e

R U B R I C A   X I I
D E   P L A T I O ,
P L A N O   E T
F O R T E L I C I J S
E O R U N D E M .

________________________________

196.

[I]
QUOMODO QUIS TENEATUR
FORTILITIAS COMUNIS FACTAS
IN SUO MANUTENERE.

Statutum et ordinatum est quelibet teneatur et debeat manutenere et custodire sepem et palencatum factum super terram suam per comune circa placium et planum suis expenssis secundum quod fuerint ei consignata per consules.< nisi bene sciret ostendere qui ipsas deuorasset. uel asportasset. uel nisi faceret notum consulibus quando essent sice uel marcide.

197.

[II]
NON EUELLAT QUIS
TERMINOS FOSSATORUM
POSITOS PER COMUNE.

Item statutum est quod aliqua persona non debeat arrancere uel strepare terminos positos per comune bugelle circa fossata placij et plani uel alio quocumque loco ubi positi fuerint per nuntios comunis. Et qui contrafecerit soluat pro quolibet et qualibet uive sol. XX. pp.

198.

[III]
PUNIATUR QUI NON
DENUNTIAT QUANDO IUXTA
SUUM COMUNIS TERMINUS
EST EUULSUS.

Item statutum est quod omnes et singuli homines debeant denunciare consulibus bugelle infra VIIIo dies si fuerit arrancatus aliquis terminus comunis sicilet ille super quem territorium fuerit arrancatus. siue habitans ibidem. Et qui contrafecerit soluat bannum sol. V. pp.

199.

[IIII]
CAUANS ET INCIDENS
A TERMINIS USQUE
IN FUNDUM FOSSATI.

Item statutum est quod aliqua persona non debeat cauare. nec sappare. nec cexias talliare a predictis terminis. usque in fundum fossati. Et qui contra fecerit soluat pro quolibet et qualibet vice sol. V. pp. nisi ille qui voluerit Incidere cexiam super suum prius plantauerit spinatas duas. et eas alleuauerit infra quinque annos scilicet unam predictarum spinatarum circa medium. et aliam in capite extra terminos. Et consules teneantur bis in anno facere inquiri predicta per IIIIor officiarios. et si inuenirent aliquid factum contra predicta. teneantur excutere predicta banna.

200.

[V]
BANNUM BATENTIUM
PELLITIAS ET PELLES IN
PORTICUBUS UEL PLATHEIS.

Item statutum est est quod aliqua persona non debeat batere aliquam pelliciam uel pellicias vel aliquod pilum in aliquibus portucubus uel uiis publicis placij uel plani. Et qui contrafecerit soluat pro quolibet et qualibet uice sol. V. pp. Et consules non possint dare licenciam.

201.

[VI]
PENA TENENTIUM
TRABES IN UIJS PUBLICIS
ULTRA ANNUM.

Item statutum est quod nullus de bugella debeat tenere trabes aliquas per platheas placij vel plani bugelle ultra annum unum. Et qui contrafecerit soluat bannum sol. XX. pp. Et si aliquis conqueretur quod aliqua trabs ei noceret. quod consules teneantur dictas trabes facere aufferri infra octo dies.

202.

[VII]
IN DIE IOUIS ALIBI QUAM
SUB TECTO COMUNISQUIS
VENDERE NON PRESUMAT.

Item statutum est quod non possit uendere salem in die iouis in portucubus. nec super communi. nec in platheis nisi ubi est saleria comunis sub tecto mercandie. Et qui contrafecerit soluat pro qualibet uice sol. XX. pp. nisi esset mercator de foris qui uenderet ipsam salem in saco ad quartaro. et a quartarono supra. et consules non possint dare licentiam set tenentur inquirere.

203.

[VIII]
QUI CAUAT PER PERTICAM
UNAM PROPE APALENCATO.

Item statutum est quod nullus homo debeat uel presumat cauare uel sapare justa palencatum plani prope ipsum una pertica a parte uerssus planu Et qui contrafecerit soluat bannum X pp. et illud quod ibi esset plantatum destruatur.

204.

[VIIII]
QUI TRANSIT
CLAUSURAS UEL PALENCHATA
PUBLICA PUNIATUR.

Item statutum est quod si qua persona transsiuerit ultra palencata siue claussuras soluat bannum sol. XX. pp. de die. et de nocte sol. XL. pro qualibet uice. Et quilibet posit accussare.

205.

[X]
IN UIJS PUBLICIS
LEAMUM QUIS FACERE
NON PRESUMAT.

Item statutum est quod nullus debeat ponere stamum in viis publicis caussa facienda leamum. Et qui contrafecerit soluat bannum sol. X. et quod consules teneantur inquirere quoties fuerit eis denuntiatum. uel ad eorum peruenerit noticiam.

206.

[XI]
TENENTES FENUM
UEL PALEAS IUXTA DOMOS
UEL UIAS PUBLICAS PUNIANTUR.

Item statutum est quod aliqua persona habitens in bugella non debeat ponere fenum uel peleas in alqua domo per XV. pedes nec paliare prope domum ubi fiat ignis nec prope uiam publicam per X pedes. Et qui contrafecerit soluat pro quolibet et qualibet vice sol. XX. Et nichilhominus teneatur dictas paleas et fenum asportare. Et consules teneantur inquirere et recercare et Inquiri et recercari facere quocienscumque eis denuntiatum fuerit.

207.

[XII]
PENA ASCENDENTIUM
PLAUSTRA PER TERRAM
UEL BESTIAS SINE FRENO.

Item statutum est quod nullus qui ducat boues cum plaustro nec cum aliqua alia re quousque exiuerit burgum debeat ascendere plaustrum nec etiam aliqua alia persona debeat ascendere equam mulam ne aliquam aliam bestiam nisi habeat frenum uel bretolam In ore et hoc intelligatur tantum de die. Et qui contrafecerit soluat prop quolibet et qualibet vice sol. II. pp. videlicet a kalendis maij. usque ad festum sancte marie de septembre.

208.

[XIII]
NON DEBET CANEUA
INTRA FOSSATA TERRE
PUBLICA ADAQUARI.

Item statutum est quod aliqua persona non debeat adaquare caneuam In fossatis bugelle nec intra locum bugelle habitatum et qui contrafecerit soluat sol. V. pp. et consules non possint dare licentiam.

209.

[XIIII]
TENENTES AQUAROLIA SEU
DE LOBIJS AQUAMPROICIENTES.

Item statutum est quod aliqua persona non debeat tenere aliquod aquarolium cadens in vias pubblicas. et quod aliqua persona non debeat proicere aquas in lobijs siue solarijs in uias publicas nec in portucubus. Et qui contrafecerit soluat bannumsol. quinque. et quisque possit accussre et consules non possint dare licentiam.

210.

[XV]
DECOQUENTES FECIAS INTRA
TERMINOS ORDINATOS.

Item statutum est quod nullus debeat facere dequoqui fecias intra locum bugelle habitatum nec citra canales garelle nec citra sanctum blaxium. nec per tantum spacium prope bugellam. Et qui contrafecerit soluat sol. XX. pp. et consules non possint dare licentiam silicet pro qualibet die qua decoquerit fecias uel decoqui fecerit soluat predictum bannum.

211.

[XVI]
TENENTES AGNELLOS
TEMPORE INTERDICTO.

Item statutum est quod nullus debeat tenere nec alleuare agnellum nec agnellos in plano nec in placio a pasca resurrectionis usque ad festum Sancti Michaelis. ultra octo dies et qui contra fecerit soluat bannum sol. V. pp. et consules non possint dare licenciam.

212.

[XVII]
INTRA CLAUSURAS
TENTENTES SALICES
CONTRA FORMAM.

Item statutum est et ordinatum quod aliqua persona non possit nec debeat tenere nec alleuare aliquas salices intra clausuram plani uel placij nisi scaluata et strumpata fuerint omni anno. et qui contrafecerit soluat pro quolibet et qualibet uice sol. X. pp.

213.

[XVIII]
DANTES DAMPNUM
IN FOSSATIS ET TERRAGIJS
QUALITER PUNIANTUR.

Item statutum est quod nullus debeat a terminis positis pro diffiniendis terris et possessionibus singularium hominum de bugella a fossatis et terragnijs fossatorum plani bugelle. usque ad maxeriam et a maxeria usque in fundo fosati a parte exteriori. cauare sapare plantare claudere nec aliquas arbores uel plantas tenere. nec alleuare. nec maxeriam uel spinatam destruere uel guastare. nec ipsas transire. nec lapides fossatorum asportare. nec in ipsis fossatis tenere duces nec aquarolios nec canales ponere nec poni facere nec tenere nec aliquid de nouo quod peioret uel deuastet ipsa fossata uel fortilitias facere. Et qui contrafecerit in aliquo predictorum soluat bannum pro quolibet et qualibet vice sol. LX. pp. et quilibet possit accusare et denuntiare priuatim et palem. et tenere denuntiatores et accusatores priuatos. et habeat terciam partem banni acusator et denuntiator. et de quo banno nulla possit fieri gracia. et consules teneantur inquirere si eis fuerit denuntiatum. et quod non possit poni in credentia quod dictum statutum dispensetur. et camparij camporum et vinearum teneanur omni mense semel perquirere totum fossatum. et maxeria spinatas et fortilicias si factum fuerit aliquid noui contra predictum statutum. et illud quod invenissent factum accusare et denuntiare consulibus Et consules non possint dare licenciam.

214.

Item statum est quod aliqua persona de bugella uel aliunde undecunque sit non audeat uel presumat exportare uel exportari facere aliquos lapides de fossatis plani bugelle. nec de terragnio dictorum fossatorum. et qui contrafecerit soluat pro quolibet et qualibet uice sol. XX. pp. et quilibet possit accusare et consules teneantur inquirere quocienscunque ad eorum peruenerit notitiam uel fuerit denuntiatum.

215.

Item statutum et ordinatum est quod aliqua persona non audeat uel presumat pascare nec pasculari facere a capite palencati uel macerie fosati usque in profundum ab utroque lattere. nec herbam seare nec spinatam incidere arranchare seu deteriorare nec ipsum fossatum transire. et qui contra fecerit soluat prop quolibet et qualibet uice sol. XX. die. et sol. XL. de nocte. et quilibet possit accusare et consules teneantur inquirere. et habeat terciam partem banni.

216.

Item statutum est quod qui sapauerit. arronchauerit uel splanauerit seu clauderit ultra terminos possitos ad terralium fossatorum bugelle soluat pro quolibet et qualibet uice sol. LX. pp.

217.

Item statutum est quod qui transiuerit fossata seu spinatam uel fortilitias plani et placij aliunde quam per portas pubblicas soluat pro quolibet et qualibet uice. sol. LX. et consules teneantur inquirere quociens fuerit eis denuntiatum. et quilibet possit accusare et denuntiare. et teneantur priuati et habeant tertiam partem banni.

218.

Item statutum est quod nulla persona debeat uel presumat transire nec aliquod dampnum facere in muris fortiliciarum. placij et plani. comunis bugelle in pena et banno librarum X. pp. pro quolibet et qualibet vice et ultra ad arbitrium consulum et communis. qualitate persone et enormitate delicti. diligenter inspecta. Item quod quociescunque ortum fuerit.

219.

[XIX]
NON SINT IN PLANO
BANCHA UEL TRABES
ULTRA COLUMPNAS.

Item quod aliqua persona non faciat aliquod monotinum leami nec tenere bancha uel trabes extra collumpnas a putheo neacani usque ad domum galuagni bertoldani et a campanili sancti stephani usque ad domum Johannis borgesij. et qui contra fecerit soluat pro qualibet uice sol. X. pp. et consules non possint dare licentiam.

220.

[XX]
SICANTES BLADUM
IN DOMIBUS PALEATIS.

Item quod aliqua personal de bugella non audeat sicare nec sicari facere aliquod bladum in domibus uel caxinis que non sint cohoperte de cupis. et qui contra fecerit soluat pro quolibet et qualibet uice sol. XX. pp.

221.

PENA FACIENTIUM
SOCURAM PROPE PORTAS.

Item statutum est quod aliqua persona non audeat uel presumat facere aliquam socuram uel fetorem nec afaytamentum seu calnarium nec aselare uel urinam facere prope portas publicas plani et placij. a parte exteriori nec interiori per sex perticas et qui contra fecerit soluat pro quolibet et qualibet vice. sol. V. et quilibet possit accusare pubblice et privatim.

222.

PENA HABENTIUM
DOMUM COPERTAM
DE PALEIS IN
LOCIS INTERDICTIS.

Item statutum est quod aliqua persona non possit nec debeat facere aliquam domum uel casinam copertam de paleas a porta ripe usque ad portam ronciliasci prope viam pubblicam per XV. pedes. et illi qui modo habent copertas de paleis teneantur paleas exportasse infra festum sanctio Eusebij proxmimi. et qui contrafecerit soluat pro qualibet vice qua accusatus fuerit dol. XX. et pro qualibet edomada qua teneret postea sol. X. et consules tenenantur inquirere quociens fuerit eis denuntiatum vel ad eorum aurem pervenerit.

223.

Item eodem modo prout in precedenti proximo statuto continetur statutum est ut debeat de cetero in omnibus obseruari a plathea de roere usque ad putheum bonini de barbo et a dicta plathea de roere usque ad domum albertini Marte super viam qua itur in planum. et eodem modo seruari debeat iusta quamlibet viam publicam et vicinalis tocius plani.