Avianus novus

Liber I

____________________________________________________________

Fabula XI

[De pisce reprehendente alios pisces]

Avianus XXXVIII

Mente sub intenta vati subcurrere tempta,

invidiam seda, lusibus apta dea.

cum semper perdant, cum magnis vilia certant,

si ratione caret, vincere nemo valet.

5

dando fidem dictis recitetur fabula piscis

vincere clara monens, vilia victa docens.

flumine deiectus, rapido quem turbine vectum

fulgentem squamis excipit unda maris,

aequoreos spernit pisces, splendore superbit

10

et verbis nocuit quam ferius potuit:

«argenti lamna magis est mihi fulgida squama,

[penna mari similis monstra vehit viridis]

est vobis miseris penna mari similis.»

postquam derisit quos nare per aequora vidit,

15

cum iactando ferat, quod speciosus erat,

ira ferox phocae dat talia murmura voce:

«vanior es vanis, talia quando canis.

si capiar tecum, si plebs diiudicat aequum

iudicio plebis tu superatus eris.»