Evangelistarium

fol. 124r-124v

Lc. 6:43-48

Lc. 19:1-10

____________________________________________________________

Manuscriptum

In dedicatione Aeclae.

Sequentia sancti evangelii

secundum Lucam

6:43

In illo tempore. Dixit Ihesus discipulis suis: Non est enim arbor bona, quae facit fructus malos: neque arbor mala, faciens fructum bonum.

6:44

Unaquaeque enim arbor de fructu suo cognoscitur. Neque enim de spinis colligunt ficus: neque de rubo vindemiant uvam.

6:45

Bonus homo de bono thesauro cordis sui profert bonum: et malus homo de malo thesauro profert malum. Ex abundantia enim cordis os loquitur.

6:46

Quid autem vocatis me Domine, Domine: et non facitis quae dico?

6:47

Omnis qui venit ad me, et audit sermones meos, et facit eos, ostendam vobis cui similis sit:

6:48

similis est homini aedificanti domum, qui fodit in altum, et posuit fundamentum supra petram: inundatione autem facta, inlisum est flumen domui illi, et non potuit eam movere: fundata enim erat super petram.

Item ubi supra

Sequentia sancti evangelii

secundum Matthaum

19:1

In illo tempore. Ingressus Ihesus perambulabat Hiericho.

19:2

Et ecce vir nomine Zachaeus: et hic erat princeps publicanorum, et ipse dives:

19:3

et quaerebat videre Ihesum, quis esset: et non poterat prae turba, quia statura pusillus erat.

19:4

Et praecurrens ascendit in arborem sycomorum ut videret illum: quia inde erat transiturus.

19:5

Et cum venisset ad locum, suspiciens Ihesus vidit illum, et dixit ad eum: Zachaee, festinans descende: quia hodie in domo tua oportet me manere.

19:6

Et festinans descendit, et excepit illum gaudens.

19:7

Et cum viderent omnes, murmurabant, dicentes quod ad hominem peccatorem divertisset.

19:8

Stans autem Zachaeus, dixit ad Dominum: Ecce dimidium bonorum meorum, Domine, do pauperibus: et si quid aliquem defraudavi, reddo quadruplum.

19:9

Ait Ihesus ad eum: Quia hodie salus domui huic facta est: eo quod ipse filius sit Abrahae.

19:10

Venit enim Filius hominis quaerere, et salvum facere quod perierat.

Finis.