Evangelistarium

fol. 101r

Mc. 8:22-26

____________________________________________________________

Manuscriptum

Feria IIII.

Sequentia sancti evangelii

secundum Marcum.

8:22

In illo tempore. Venit Ihesus Bethsaidam, et adducunt ei caecum, et rogabant eum ut illum tangeret.

8:23

Et adprehensa manu caeci, eduxit eum extra vicum: et exspuens in oculos eius inpositis manibus suis, interrogavit eum si aliquid videret.

8:24

Et aspiciens, ait: Video homines velut arbores ambulantes.

8:25

Deinde iterum inposuit manus super oculos eius: et coepit videre: et restitutus est ita ut videret clare omnia.

8:26

Et misit illum in domum suam, dicens: Vade in domum tuam: et si in vicum introieris, nemini dixeris.