Evangelistarium

fol. 76r

Ih. 16:5-14

____________________________________________________________

Manuscriptum

Dominica II

Sequentia sancti evangelii

secundum Iohannem

16:5

In illo tempore. Dixit Ihesus discipulis suis: Vado ad eum qui me misit; et nemo ex vobis interrogat me: Quo vadis?

16:6

sed quia haec locutus sum vobis, tristitia implevit cor vestrum.

16:7

Sed ego veritatem dico vobis: expedit vobis ut ego vadam: si enim non abiero, Paraclitus non veniet ad vos; si autem abiero, mittam eum ad vos.

16:8

Et cum venerit ille, arguet mundum de peccato, et de iustitia, et de iudicio.

16:9

De peccato quidem, quia non credunt in me.

16:10

De iustitia vero, quia ad Patrem vado, et jam non videbitis me.

16:11

De iudicio autem, quia princeps mundi huius iam iudicatus est.

16:12

Adhuc multa habeo vobis dicere, sed non potestis portare modo.

16:13

Cum autem venerit ille Spiritus veritatis, docebit vos omnem veritatem: non enim loquetur a semetipso, sed quaecumque audiet loquetur, et quae ventura sunt adnuntiabit vobis.

16:14

Ille me clarificabit, quia de meo accipiet, et adnuntiabit vobis.