De viris illustribus

De grammaticis et rhetoribus

Grammatici

________________________________________________________________

Seuius Nicanor

V [1] Seuius Nicanor primus ad famam dignationemque docendo peruenit, fecitque praeter commentarios, quorum tamen pars maxima intercepta dicitur, saturam quoque, in qua libertinum se ac duplici cognomine esse per haec indicat:

Seuius Nicanor Marci libertus negabit,

Seuius †Nicanor posthus idem ac Marcus docebit†.

[2] Sunt qui tradant ob infamiam quandam eum in Sardiniam secessisse ibique diem obiisse.