persona

Publilius Syrus libertinus, mimographus et archimimus, natus ante annum 46 fortasse Antiocheiae, obiit post annum 43 ante Christum natum.

«[6] Is Publilius, natione Syrus, cum puer ad patronum domini esset adductus, promeruit eum non minus salibus et ingenio quam forma. Nam forte cum ille servum suum hydropicum iacentem in area vidisset increpuissetque, quid in sole faceret, respondit: «Aquam calefacit» Ioculari deinde super cena exorta quaestione, quodnam esset molestum otium, aliud alio opinante ille: «Podagrici pedes» dixit. [7] Ob haec et alia manumissus et maiore cura eruditus, cum mimos componeret ingentique assensu in Italiae oppidis agere coepisset, productus Romae per Caesaris ludos omnes, qui tunc scripta et operas suas in scaenam locaverant, provocavit, ut singuli secum posita invicem materia pro tempore contenderent. Nec ullo recusante superavit omnes, in quis et Laberium. [10] Publilii autem sententiae feruntur lepidae et ad communem usum accomodatissimae.»

(Macrobii Saturnalia 2,7,6-7;10)

opera

fragmenta

sententiae

secundaria

Publilii sententiae (editio Woelfflin, 1869)

fontes