Fragmenta

Textus:

Publilii Syri fragmenta

in : Comicorum Romanorum Fragmenta

ed. O. Ribbeck, Leipzig 1873

___________________________________________________

Fragmentum I

M u r m u r c o :

Cellas servorum converri . . . . . . . . . . . .

(Priscianus 10, 42; ed. Ribbeck)

Fragmentum II

P u t a t o r e s :

Progredere et ne quis latibuletur, prospice.

(Nonius 133, 9; ed. Ribbeck)

Fragmentum III

(subditivum ?)

E x   i n c e r t a   f a b u l a :

Trimalchio, rogo, inquit, magister, quid putas inter Ciceronem et Publilium interesse? ego alterum puto disertiorem fuisse, alterum honestiorem. Quid enim his melius dici potest?

Luxuriae rictu Martis marcent moenia.

Tuo palato clausus pavo pascitur

plumato amictus aureo Babylonico,

gallina tibi Numidica, tibi gallus spado;

5

ciconia etiam, grata peregrina hospita

pietaticultrix gracilipes crotalistria,

avis exul hiemis, titulus tepidi temporis,

nequitiae nidum in caccabo fecit tuae.

Quo margaritam caram tibi, bacam Indicam?

10

An ut matrona ornata phaleris pelagiis

tollat pedes indomita in strato extraneo?

Zmaragdum ad quam rem viridem, pretiosum vitrum?

Quo Carchedonios optas ignes lapideos?

Nisi ut scintillet probitas e carbunculis.

15

Aequum est induere nuptam ventum textilem,

palam prostare nudam in nebula linea?

(Petronii satyrica 55, 6; ed. Müller/Ehlers)

Fragmentum IV

E x   i n c e r t a   f a b u l a :

Quid ergo in ventre parti sarabaras tuo

Suspenderit? . . . . . . . . . . . .

(Isidori orig. 19, 23, 2; ed. Ribbeck)