Carmina

Carmen LXVIIIc

[ad Allium.]

_________________________________________________________

metrum: distichon dactylicum

Conclusio epistulae

Hoc tibi, quod potui, confectum carmine munus

150

pro multis, Alli, redditur officiis,

ne vostrum scabra tangat rubigine nomen

haec atque illa dies atque alia atque alia.

huc addent divi quam plurima, quae Themis olim

antiquis solita est munera ferre piis.

155

sitis felices et tu simul et tua vita,

et domus, in qua <nos> lusimus et domina,

†et qui principio nobis terram dedit aufert†

a quo sunt primo | omnia nata bona,

et longe ante omnes mihi quae me carior ipsost,

160

lux mea, qua viva vivere dulce mihist!