idish – konspekt fun a kurs

in dem 2"tn moskver

melukhishn universitet

_______________________________________________________________________

konspekt funem kurs fun yidish, geleyent inem tsveytn moskver melukhe-universitet in 1922-23-tn lernyor.

forvort.

aroysgebndik in 1926 yor dem kurs, vos iz geleyent gevorn in 1922-23 yor, vayz ikh on folgndikes: bay hayntikn tog hobn mir in der yidisher literatur a hipshe tsol filologishe arbetn, nor zey farnemen zikh oder mit a detaler bashraybung fun bazundere struktur-fragn fun yidish (sheneanu 1), niger 2), borokhov 3), landoy 4), birnboym 5), prilutski 6), u.a.v.), oder dos iz populere gramatik, vos ir eyntsiker tsil iz oyslernen dem talmid boygn di verter un shraybn mit yener ortografye, vos der mekhaber halt far a rikhtike.

bay a farantvortlekhn kurs fun yidisher filologye far lerer fun der ii-ter shtufe kon men, vayzt oys, nit onvendn keyn eynem fun didozike traktirung-tipn: a gramatik far kinder vet di tsukunftike lerer nit bafridikn, un a detale fananderarbetung fun velkher nit iz eyn frage vet zey nit gebn dem algemeynem yedies-minimum, on velkhn zey veln zayn iberdertseyler nor fun fremde gedanken un veln zelbshtendik nit konen filologish trakhtn.

der forgeleyenter kurs iz geven a pruv ayntsufasn in di ramen fun eyn akademishn yor di ale filologishe yedies, vos a lerer darf hobn, onvayzndik derbay di antshprekhndike grunt-literatur iber di barirte temes.

ikh hof, az derdoziker kurs, vos iz farfiksirt in der form fun a konspekt, vet gebn di meglekhkayt fil lerer tsu revidirn zeyere yedies un vet nutsn eynike kolegn baym greytn zikh tsu lektsyes in hekhere lern-anshtaltn.

shpilrayn.

―――――――

1) Saineanu, 1900-1990 

2) Shmuel Niger, 1883-1955 

3) Ber Borokhov, 1881-1917 

4) Alfred Landau, 1850-1935 

5) Salomo/Shloyme-Osher Birnbaum, 1891-1989 

6) Noyekh Prilutski, 1882-1941