noente geshtaltn

Varshe 1938

kval: The Joe Fishstein Collection of Yiddish Poetry

>>>  d"r Shloyme Etinger (.pdf, oyfn veb, Di velt fun yidish)

>>>  d"r Shloyme Etinger (.pdf, oyfn veb, Buffalo Yiddish Study Group)

Ayzik-Meyer Dik

>>>  Yankev Morgenshtern (.pdf, oyfn veb, Di velt fun yidish)

>>>  Mark Markovitsh Varshavsky (.pdf, oyfn veb, Di velt fun yidish)

zamlung un redaktsye funem tekst:

Heinrich Mohringer

_______________________________________________________________________

Ayzik-Meyer Dik

lebn Leybush Kaminskis hoyz hobn zikh gezamlt mentshn, kremer, bale-malokhes, sheyne yidn, un der iker vayber. vayber yunge un alte. azoyne, vos hobn shoyn opgekindlt un azoyne, vos greytn zikh ersht tsu kindlen. men hot geredt, gemakht mit di hent un getaytlt mit di finger tsu di fentster, fun vanen s'hot zikh getrogn a geveyn, a yomer.

«a moyd hot zikh ayngeakshnt un neyn un neyn un neyn, – hot gezogt an eltere yidene in a sheytl. – tate-mame viln zi farzorgn, gibn ir a nadn, oyf ale yidishe tekhter gezogt gevorn, der khosn iz a tsatske, a ben-toyre, a sharfer moyekh, halevay bashert mir der oybershter aza metsie far mayn tokhter, gloybt mir, ikh volt getantst in di gasn far simkhe.»

«halemay lomir zogn? – hot zikh opgerufn a tsveyte yidene, – shuldik zenen tate-mame. zey hobn ir tomed nokhgegebn, der bas-yekhide, zikh getsatsket mit ir, – tekhterl, efsher dos, efsher yents? – itst meynt zi, az zi vet poyeln. zi hot zikh ayngeakshnt un vil nisht dem khosn, vos tate-mame hobn oysgeklibn, zi veynt, shrayt, khalesht, un dos iz far der khasene – a sheyne komedye, kh'lebn.»

«a meshugene velt gevorn, – hot gezogt an elterer yid tsu a tsveytn. – di eyer viln zayn kliger far di hiner. bay di hayntike kinder hobn tate-mame di vert ot azoy fil.» der yid hot opgemostn oyfn finger, vos dos hot badarft tsu heysn: gornisht.

«ikh vel aykh zogn dem emes, r' Khaim, in dem alem zenen shuldik di mayse-bikhlekh, men volt zey badarft farbrenen, ot di mayse-bikher, oyfn fayer. koym bavayzt zikh der pakn-treger, vert a behole in shtub, men khapt zikh tsu tsu zey vi tsu matse-vaser. di vayber lekn mamesh di finger fun ot di oystrakhtenishn un di tekhter meynen, az altsding, vos s'shteyt dortn, iz toyres-moyshe, az men darf altsding nokhton, punkt, vi s'shteyt dort geshribn. ober mitn akurat.»

«na dir a sedre mayse-bikher, – hot opgefonfet an anderer yid unter der noz. – ikh bin a mol geven a baln tsu zen, vos s'shteyt geshribn in ot di mayse-bikhlekh – hob ikh ongeton di shpakuln, farshteyt ir mikh, un arayngekukt in aza mayse-bikhl. oyb kh'hob keyn toes nisht, iz oyfn shar-bletl geven ongegebn a geviser AM"D. er zol zayn take a higer, a Vilner heyst es, der mekhaber.»

«nu, nu – hot naygerik gefregt a tsveyter, – vos hot ir zikh dervust fun dem mayse-bikhl? tshekave tsu hern.»

«epes a mayse mit a farlibenish, – hot im opgeentfert der ershter. – halemay lomir zogn, s'iz geven zeyer kintsik geshribn, vitsik un shpitsik, vi s'shteyt oyfn shar-blat. di mayse mitn akurat gedenk ikh nisht, ober eyn zakh bin ikh gevoyr gevorn: az der mekhaber iz fun di naye feygl, vos haltn, az yidn zenen opgeshtanen, men darf zey a bisl oysbildeven, makhn mit laytn glaykh. ir veyst shoyn, mistome, vos dos heyst bay dem min shrayberlekh: mit laytn glaykh.»

«ikh hob lib, az yidn redn stam in der velt arayn, – hot zikh plutsem ongerufn eyner fun der eyde, – mayse-bikhlekh, farlibenish, eyner fun yene feygl – ikh, mayne libe yidn, hob geleyent, nisht nor arayngekukt. an erekh fun hundert mayse-bikhlekh fun dem dozikn shrayber, vos khasmet zikh AM"D un heysn heyst er Ayzik-Meyer Dik. di dozike mayse-bikhlekh zenen nisht keyn stam oystrakhtenishn – nisht geshtoygn, nisht gefloygn – nor bikhlekh, vos hobn a meyn. zey moln dos yidishe lebn mitn akurat, zenen oysn tsu bildn dem prostn mentsh, im dertseyln fun veltzakhn. emes, zey lakhn op fun dem min yikhes un andere narishkeytn, vos mir yidn haltn zikh nokh mit zey, glaykh zey voltn geshtamt funem barg Sinay. kh'lebn, s'volt nisht geshadt, az nisht nor vayber, nor afile yidn mit berd zoln araynkukn in di dozike mayse-bikhlekh. zey veln gevoyr vern, az nisht oyf yener zayt mil endikt zikh di velt, un az zey, ikh bet iber ayer koved, lign vi der vorem in khreyn un meynen, az keyn zisers iz nishto.»

yidn hobn zikh ibergekukt; ver iz dos der khokhem-atek? aha, s'iz r' Shlumke Apikoyres. a bal-melokhe, vos hot zikh tsugekhapt tsu di naye sforimlekh, vos geyen aroys oyf ivre-taytsh. zey, di frume yidn, voltn im geenfert, un nokh vi azoy geentfert, ven nisht a pasirung, vos hot alemen tsetreyslt un gemakht fargesn in dem biz nor vos gefirtn shmues.

in Leybush Kaminskis shtub hobn zikh ibergeshrign koyles. er, reb Leybush Kaminski, hot geshrign: «s'vet zayn azoy vi ikh vil.» zayn vayb, di ishe tsnue Perele, hot zikh gebetn: «nor nisht mit kaas, Leybush, biz ibermorgn vet zi zikh nokh ibertrakhtn. zi iz a getraye tokhter un vet ton vos tate-mame vet heysn» ...

di tokhter hot ober geveynt un veynendik geshrign: «neyn, neyn, neyn! ir vet bay mir gornisht poyeln. ikh vel gikher geyn fun der velt, eyder tsu nemen aza Kheytsikl Aleyn far a man.»

«ver iz dos der Kheytsikl Aleyn?» – hobn ibergefregt di vayber, – der khosn irer? dukht zikh, az er heyst gor in gantsn andersh.»

«Kheytsikl Aleyn, – hot zikh opgerufn Shlumke Apikoyres mit a troym-firndiker mine, – dos iz a held, a geroy fun Ayzik Meyer Diks mayse.»

di yidn un di yidenes hobn zikh ibergekukt, un zeyer iberkukn zikh hot batayt: er redt fun hits, tsi er iz stam a khoser-deye (Narr), ot der yid. vos ker zikh on ot der «geroy» fun Ayzik-Meyer Diks mayse mit Leybush Kaminskis tokhter un mit dem shidekh, vos reb Leybush vil yo un zayn bas-yekhide vil nisht, un s'iz ir libersht tsu geyn in keyver arayn, eyder tsu der khupe?

der «Apikoyres» hot, vayzt oys, farshtanen dos ibervinken zikh un er hot nisht keyn sakh gebrayet un ongehoybn tsu dertseyln di mayse mit dem noged, reb Shmerl Shiper, un zayn takhshet Kheytsikl. er hot di mayse gedenkt kimat vort bay vort un volt zi zikher dertseylt fun onhoyb bizn sof, ven s'volt zikh nisht derhert a moyrediker kvitsh, a sharf geveyn un dos geshray fun reb Leybush Kaminski: «a doktor! a doktor!»

Gershn der meshores iz aroysgelofn fayl-oys-boygn, zikh durkhgeshlogn mit di elnboygns durkh di redlekh yidn un yidenes, vos zenen geshtanen farn hoyz. mashmoes, az di bas-yekhide hot vider gekhalesht un nor eyn got veyst, vi di mayse vet zikh endikn.

«di mayse vet zikh endikn – hot zikh opgerufn Berl melamed -mit dem, vos reb Leybush vet oysfirn zayns. un di khasene vet zayn, vi got hot gebotn un – poter.»

«fun ven on zent ir es aza khokhem, reb Ber? – hot zikh gehitst der «Apikoyres». – loyt men shmuest, zenen melamdim davke nisht fun di gor groyse khakhomim. un az ir vilt aykh ibertsaygn oyf klor, geyt aheym un leyent aykh durkh Diks «mayse vegn dem melamed r' Khaykl Yentes fun der shtot Pinsk, vos iz geshvumen keyn Amerike», un s'vet aykh likhtik vern in di oygn.»

a vort far a vort, der melamed mitn «Apikoyres» hobn zikh gehitst. der melamed hot geshotn mit psukim un der «Apikoyres» mit glaykhvertlekh un mit taytsheshe verter, vos er hot zikh oysgelernt fun Diks mayse-bikhlekh.

ver veyst mit vos di milkhome volt zikh geendikt. nor grod in der rege, ven s'hot shoyn gehaltn bay petsh, iz farn hoyz farforn a karete un der kristlekher doktor, in a langn, shvartsn havelok, iz arayngegangen tsu reb Leybush Kaminski oyf a vizit.

«vos kumt do for?» – hot plutsim a freg-geton Ayzik Meyer Dik, vos iz grod farbaygegangen un gezen dos gezeml mit yidn un yidenes.

gefregt hot er eynem, nor ongehoybn tsu dertseyln hobn etlekhe mit a mol. yeder hot epes gevust, vos der tsveyter hot opgeleyknt, bavizn, az s'iz punkt kapoyer. iz dukht zikh gut, kumt der driter un zogt, az er kon bavayzn mit eydes, az s'iz gor andersh, vi yene beyde hobn gezogt.

Dik iz geshtanen un hot zikh tsugehert mit groys interes. er iz a geniter. er ken zayne yidn un veyst, az oyb er vil epes gevoyr vern, muz er ale lozn oysredn, oystaytshn, dreyen mit di finger, un dernokh fun hundert verter oyfkhapn eyns, ober a vikhtiks. yedes vort iz a shlisl tsu epes, ober nisht yeder shlisl past zikh tsu yedn shlos. men darf gefinen dos pasike vort, vos zol klor makhn dem inyen ...

un s'hot nisht gedoyert keyn sakh un s'iz far im alts gelegn oyf der hant. klor biz tsum veytik. faran nokh a sakh tunkele vinklen in yidishn leben, vos noytikn zikh in a tikn. aynredenishn un abergloybenishn flatern arum, vi fledermayz un filn zikh heymish oyf der yidisher gas. er dermont zikh dos tshekave bagegenish fun tsurik mit etlekhe vokhn. er iz aheymgegangen shpet bay nakht, un durkhgeyendik dem shulhoyf hot er gezen, vi Yisrolik der yosem dreyt zikh arum eyner aleyn ibern shulhoyf, un er, Ayzik Meyer Dik, volt gekont shvern, az er hot gezen di zilberne late, vos di levone hot mayse-khoyzek tsugeleygt tsu dem yosems hoyker.

meyle a yosem – hot er denstmol(t) getrakht. s'makhn zikh azelkhe zakhn. tate-mame muzn shtarbn. azoy iz der seyder-hooylem. ober tsi yeder yosem muz zikh valgern in shulhoyf, dos iz shoyn a kashe. un tsu vos toyg der hoyker, ikh bet aykh? kedey di levone zol oyf im leygn ir khoyzek-late?

azoy hot Dik getrakht denstmol(t) un dos eygene trakht er itst. di khoyzek-late oyfn yidishn hoyker brent un yidn filn es afile nisht, zey trogn dem hoyker mit gadles vi an emesn yikhes-briv.

der oylem iz zikh tsubislekh funandergegangen. yeder in zayn veg. un Ayzik Meyer Dik hot zikh oykh dermont, az eygntlekh hot er shoyn fun lang badarft tsu zayn in Roms drukeray. ershtns, hot er mit zikh a shpogl-naye mayse «der vayberisher sod». der oylem vet fun der mayse gor onkveln. un tsveytns, tsveytns vil er ibershmuesn mit ir, der drukerin, Dvoyreke, ir gebn tsu farshteyn, az tsvey rubl far a mayse-bikhl iz tsu veynik. – s'taytsh, – vet er ir zogn, – Dvoyreke, zolt ir mir gezunt zayn, mayne mayse-bikhlekh leyent men, keyn eyn-hore, geshmak. men rayst di kleyne bikhlekh fun AM"D mamesh fun di hent, un far vos zhe zol take der mekhaber nisht hobn khotsh dray rubl far a mayse?

un Ayzik Meyer Dik zet shoyn in dimyen, vi di dozike breyte yidene, mit di kluge, shvartse oygn, ranglt zikh mit im, vil nisht ayngeyn oyf zayne tvies, ober s'vet ir helfn, vi a toytn bankes. vorum vos, a shteyger, kon zi ton? oyfhern drukn Diks mayses? geyt shoyn geyt. yidishe vayber veln hobn farshterte shabosim un Dvoyreke vet onvern a nishkoshedikn pidyen, vos beyde zakhn, – azoy trakht Ayzik Meyer Dik, – konen nisht gemolt zayn. saydn s'vet zayn bashert an umglik r"l.

der shvartser doktor in der karete iz farbaygeforn. Dik hot im bamerkt un er hot zikh dermont in dem, vos di yidn hobn im dertseylt vegn Leybush Kaminski un zayn tokhter. s'iz nisht di ershte un nisht di letste tragedye in yidishn familye-lebn. a sakh mol endikt zikh aza sikhsekh mitn nitsokhn fun tate-mame, ober in dem fal iz faran di sakone, az oyb r' Leybush Kaminski vet nisht nokhgebn, zol dos yunge meydl geyn fun der velt. dos khaleshn ale vayle un dos muzn onkumen ale mol tsum doktor, vayzn bashaynperlekh, az s'kon zikh, kholile, oyslozn zeyer, zeyer shlekht.

di fantazye fun dem fuftsik-yorikn mayse-shrayber hot ongehoybn tsu shpiln. er hot befeyresh gefilt, vi es pikt zikh oys a naye mayse, a mayse, genumen funem lebn. «a mayse-shehoye, vos hot pasirt in der shtot Ilun. fun der mayse kon ayeder zen, sara umglik s'iz a mol geshen mit der bas-yekhide fun reb Leybush Kaminski, vos var vunder-sheyn.»

azoy trakhtndik un klerndik iz er tsugekumen tsu Roms drukeray. er hot ibergegebn zayn manuskript un farfirt a shmues vegn dem un yenem, biz er iz tsugekumen tsu dem inyen, vos hot im gekvetsht, nemlekh, az er vil fun haynt on far a mayse-bikhl dray rubl, un nisht vi biz itster tsvey. «kh'lebn, – hot er getaynet, – s'iz nisht keyn yoysher, a mekhaber muz oykh lebn, bifrat, az mayne mayse-bikhlekh shlingt men, vi holeshkes» ...

Dvoyreke di drukerke hot oyfgeefnt moyl un oyern: «s'tayts, – hot zi getaynet, – vosh redt ir, r' Ayzik Meyer? tsvey rubl zenen shoyn oykh tsu fil. ver hot es gehert azoyns: dray rubl far a mayse-bikhl? geyt soyn geyt. ir traybt katoves.»

s'hot ir ober gornisht geholfn. Ayzik Meyer Dik hot zikh ayngeshpart un hot oysgefirt zayns. zayne mayse-bikhlekh hobn shoyn a shem. zey zenen i interesant, i balerndik, mit katoveslekh un mit ernst. men kon zey i leyenen, i lernen fun zey. letstns hot er ongehoybn tsu shraybn mit a sakh taytshishe verter mit der kavone, az zayn «tayere lezerin» zol zikh oyslernen a bisele «tayts».

di drukerke hot im far dem nayem mayse-bikhl batsolt gantse dray rubl. a shtik gezunt hot es ir gekost, ober zi hot batsolt, un Ayzik Meyer iz aroysgegangen hoferdik, tsufridn fun dem nitsokhn. itst vet er, vi der shteyger, yede vokh oder tsvey tsushteln a naye mayse un bakumen mit a bikhl mer.

farbaygeyendik oyf tsurik r' Leybush Kaminskis hoyz, iz er shteyn geblibn, zikh a vayle tsugehert, ober er hot gornisht gehert. s'iz shoyn geven shtil, glaykh gornisht geshen. efsher, – hot er a trakht geton, – iz di tokhter shoyn maskem tsum shidekh un di khasene vet take zayn morgn, ibermorgn, vi tate-mame viln.

vi azoy s'zol nisht zayn, – hot er bashlosn, – in der mayse, vos ikh vel itst shraybn, vel ikh zey gebn a gob, ot di dozike tates un mames. un di tokhter, di bas-yekhide, vet in mayn mayse khasene hobn davke mit dem, vos ir harts bagert. er hot hanoe gehat fun dem shpitsl, vos er greyt zikh optsuton in zayn nayer mayse un mit aylike trit iz er aheymgegangen, kedey zikh tsu zetsn shraybn ...

kval: NYBC (noente geshtaltn un andere shriftn, S. 26-32)