Ἀνθολογία Παλατινή

4. Προοίμια

______________________________________________________________________

γʹ

ΤΟΥ ΑΥΤΟΥ

Στῆλαι καὶ γραφίδες καὶ κύρβιες εὐφροσύνης μὲν

135

αἴτια τοῖς ταῦτα κτησαμένοις μεγάλης,

ἀλλ᾽ ἐς ὅσον ζώουσι· τὰ γὰρ κενὰ κύδεα φωτῶν

ψυχαῖς οἰχομένων οὐ μάλα συμφέρεται.

ἡ δ᾽ ἀρετὴ σοφίης τε χάρις καὶ κεῖθι συνέρπει,

κἀνθάδε μιμνάζει μνῆστιν ἐφελκομένη.

140

οὕτως οὔτε Πλάτων βρενθύεται οὔτ᾽ ἄρ᾽ Ὅμηρος

χρώμασιν ἢ στήλαις, ἀλλὰ μόνηι σοφίηι.

ὄλβιοι, ὧν μνήμη πινυτῶν ἐνὶ τεύχεσι βίβλων,

ἀλλ᾽ οὐκ ἐς κενεὰς εἰκόνας ἐνδιάει.