Ἀνθολογία Παλατινή

3. Τὰ ἐν Κυζίκωι ἐπιγράμματα

______________________________________________________________________

11.

Ἐν τῶι ιαʹ Πολυδέκτης, ὁ Σεριφίων βασιλεύς, ἀπολιθούμενος

ὑπὸ Περσέως τῆι τῆς Γοργόνος κεφαλῆι, διὰ τὸν τῆς

μητρὸς αὐτοῦ γάμον ἐκπέμψας τοῦτον ἐπὶ τὴν τῆς Γοργόνος κεφαλήν, καὶ ὃν καθ᾽ ἑτέρου θάνατον ἐπενόει γενέσθαι,

τοῦτον αὐτὸς κατὰ τὴν πρόνοιαν τῆς Δίκης ἐδέξατο

Ἔτλης καὶ σὺ λέχη Δανάης, Πολύδεκτα, μιαίνειν,

δυσφήμοις εὐναῖς τῶι Διὶ μεμψάμενος·

ἀνθ᾽ ὧν ὄμματ᾽ ἔλυσε τὰ Γοργόνος ἐνθάδε Περσεύς,

γυῖα λιθουργήσας ματρὶ χαριζόμενος.

Ἀνώνυμος