Ἀνθολογία Παλατινή

3. Τὰ ἐν Κυζίκωι ἐπιγράμματα

______________________________________________________________________

9.

Ἐν τῶι θʹ Πελίας καὶ Νηλεὺς ἐλλελάξευνται, οἱ Ποσειδῶνος

παῖδες, ἐκ δεσμῶν τὴν ἑαυτῶν μητέρα ῥυόμενοι, ἣν πρώην

ὁ πατὴρ μὲν Σαλμωνεὺς διὰ τὴν φθορὰν ἔδησεν, ἡ δὲ μητρυιὰ

αὐτῆς Σιδηρὼ τὰς βασάνους αὐτῆι ἐπέτεινεν

Μὴ Τυρὼ τρύχοι σὸν ἔτι σπείρημα, Σιδηροῖ,

Σαλμωνεῖ γενέται τῶιδ᾽ ὑποτασσομέναν·

οὐκέτι γὰρ δουλώσει ἐν ἕρκεσιν, ἐγγύθι λεύσσων

Νηλέα καὶ Πελίαν τούσδε καθεζομένους.

Ἀνώνυμος