Ἀνθολογία Παλατινή

3. Τὰ ἐν Κυζίκωι ἐπιγράμματα

______________________________________________________________________

7.

Ὁ ζʹ ἔχει περὶ τὰ ἀρκτῶια μέρη Ἀμφίονος καὶ Ζήθου ἱστορίαν·

προσάπτοντες ταύρωι τὴν Δίρκην, ὅτι τὴν μητέρα αὐτῶν

Ἀντιόπην, διὰ τὴν φθορὰν Λύκωι, τῶι ἀνδρὶ αὐτῆς, ὑπὸ Νυκτέως,

τοῦ πατρὸς αὐτῆς, <παραδοθεῖσαν>, ὀργῆι ζηλοτύπωι

ἐνεχθεῖσα, ἀμέτρως ἐτιμωρήσατο

Ἀμφίων καὶ Ζῆθε, Διὸς σκυλακεύματα, Δίρκην

κτείνατε τάνδ᾽ ὀλέτιν ματέρος Ἀντιόπας,

δέσμιον ἣν πάρος εἶχε διὰ ζηλήμονα μῆνιν·

νῦν δ᾽ ἱκέτις αὐτὴ λίσσετ᾽ ὀδυρομένη·

5

ἇι γε καὶ ἐκ ταύροιο καθάπτετε δίπλακα σειρήν,

ὄφρα δέμας σύρηι τῆσδε κατὰ ξυλόχου.

Ἀνώνυμος