Ἀνθολογία Παλατινή

3. Τὰ ἐν Κυζίκωι ἐπιγράμματα

______________________________________________________________________

5.

Ὁ εʹ ἔχει Κρεσφόντην ἀναιροῦντα Πολυφόντην, τοῦ

πατρὸς τὸν φονέα· ἔστι δὲ καὶ Μερόπη βάκτρον κατέχουσα καὶ

συνεργοῦσα τῶι υἱῶι πρὸς τὴν τοῦ ἀνδρὸς ἐκδημίαν

Κρεσφόντου γενέτην πέφνες τὸ πάρος, Πολυφόντα,

κουριδίης ἀλόχου λέκτρα θέλων μιάναι·

ὀψὲ δέ οἱ πάις ἧκε φόνωι γενέτηι προσαμύνων

καί σε κατακτείνει ματρὸς ὑπὲρ Μερόπας.

5

τοὔνεκα καὶ δόρυ πῆξε μεταφρένωι, ἁ δ᾽ ἐπαρήγει,

βριθὺ κατὰ κροτάφων βάκτρον ἐρειδομένα.

Ἀνώνυμος