Μέλη

___________________________________________________

Μελῶν γ´

43 D

Athen. 10,427a; 11,475c

Ἄγε δή, φέρ᾽ ἡμίν, ὦ παῖ,

κελέβην, ὅκως ἄμυστιν

προπίω, τὰ μὲν δέκ᾽ ἐγχέας

ὕδατος, τὰ πέντε δ᾽ οἴνου

5

κυάθους, ὡς ἂν ἀνυβρίστιως

ἀνὰ δεῦτε βασσαρήσω.

. . .

ἄγε δηὖτε μηκέτ᾽ οὕτω

πατάγωι τε κἀλαλητῶι

Σκυθικὴν πόσιν παρ᾽ οἴνωι

10

μελετῶμεν, ἀλλὰ καλοῖς

ὑποπίνοντες ἐν ὕμνοις.

44 D

Stob. 4,51,12

Πολιοὶ μὲν ἡμὶν ἤδη

κρόταφοι κάρη τε λευκόν,

χαρίεσσα δ᾽ οὐκέτ᾽ ἥβη

πάρα, γηραλέοι δ᾽ ὀδόντες.

5

γλυκεροῦ δ᾽ οὐκέτι πολλός

βιότου χρόνος λέλειπται.

διὰ ταῦτ᾽ ἀνασταλύζω

θαμὰ Τάρταρον δεδοικώς·

Ἀίδεω γάρ ἐστι δεινός

10

μυχός, ἀργαλέη δ᾽ ἐς αὐτὸν

κάτοδος· καὶ γὰρ ἑτοῖμον

καταβάντι μὴ ἀναβῆναι.