Μῦθοι Αἰσώπειοι

___________________________________________________

233.

Κύων κρέας φέρουσα.

(S. 132. C. 209. F. 219 et 339. B. 79.)

Κύων κρέας ἔχουσα ποταμὸν διέβαινε· θεασαμένη δὲ τὴν ἑαυτῆς σκιὰν καταὰ τοῦ ὕδατος, ὑπέλαβεν ἑτέραν κύνα εἶναι, μεῖζον κρέας ἔχουσαν· διόπερ ἀφεῖσα τὸ ἴδιον ὥρμησεν ὡς τὸ ἐκείνης ἀφαιρησομένη. Συνέβη δ᾿ αὐτῆι ἀμφοτέρων στερηθῆναι, τοῦ μὲν μὴ ἐφικομένηι, διότι μηδὲ ἦν, τοῦ δ᾿, ὅτι ὑπὸ τοῦ ποταμοῦ παρεσύρη.

Πρὸς ἄνδρα πλεονέκτην ὁ λόγος εὔκαιρος.