Μῦθοι Αἰσώπειοι

___________________________________________________

131.

Ἔλαφος νοσοῦσα.

(C. 377. F. 337. B. 46.)

Ἔλαφος νόσωι περιπεσοῦσα, ἐπί τινος τόπου πεδινοῦ κατεκέκλιτο. Τινὰ δὲ τῶν θηρίων εἰς θέαν αὐτῆς ἐλθόντα, τὴν παρακειμένην τῆι ἐλάφωι νομὴν κατεβοσκήθησαν· εἶτα ἐκείνη τῆς νόσου ἀπαλλαγεῖσα, τῆι ἐνδείαι δεινῶς κατετρύχετο, καὶ τῆι νομῆι τὸ ζῆν προσαπώλεσεν.

Ὁ μῦθος δηλοῖ, ὡς οἱ περιττοὺς καὶ ἀνονήτους κτώμενοι φίλους ἀντὶ κέρδους ὑπ᾿ αὐτῶν ζημίαν μᾶλλον ὑφίστανται.