Μῦθοι Αἰσώπειοι

___________________________________________________

98b.

Ἄλλως.

(S. 42.)

Ἀνὴρ γεωργὸς μέλλων τελευτᾶν καὶ βουλόμενος τοὺς αὑτοῦ παῖδας ἐμπείρους ποιῆσαι τῆς γεωργίας, μετακαλεσάμενος αὐτοὺς ἔφη· «τεκνία μου, ἐν ἑνί μου τῶν ἀμπελώνων θησαθρὸς ἀπόκειται.» Οἱ δὲ μετὰ τὴν αὐτοῦ τελευτὴν ὕννας τε καὶ δικέλλας λαβόντες πᾶσαν αὑτῶν τὴν γεωργίαν ὤρυξαν, καὶ τὸν μὲν θησαυρὸν οὐχ εὗρον, ἡ δ᾿ ἄμπελος πολλαπλησίονα τὴν φορὰν αὐτοῖς ἀντεδίδου.

Ὁ λόγος δηλοῖ, ὅτι ἡ κάματος θησαυρός ἐστι τοῖς ἀνθρώποις.