Monosticha

1514

______________________________________________________________________________

Caput primum

1.

In allem beginsel sal men got anropen.

2.

Dat men gode entüt, dat nimt de duvel.

3.

Kleine potte hebben ôk oren.

4.

Kleine vogels hebben kleine nest.

5.

Dat eine swęrt holt dat ander in der scheiden.

6.

Men sal de perlen nicht vor de swyne werpen.

7.

Achter rugge lêrt men einen best kennen.

8.

Ogendeiners en sal men nicht löven.

9.

Schęmel wôrde wyken der vulheit unde bôlschap.

10.

Dat swyn heft nicht to doen mit kosteler salve.

11.

Als it ręgent, so is de sne unde hagel vordorven.

12.

Als men't gode upgift, so ist wol half vorloren.

13.

Wan dat pęrt sat is, so truret dat.

14.

De eine hant klouwet de ander.

15.

Dęm leide is, dęn bit de duvel.

16.

Als de bûk vul is, so is dat hovet vrolik.

17.

Nârades en brak nymanne.

18.

De vorgunner en is nein poete.

19.

Als dat gût wesset, so wesset ôk de môt.

20.

Als sik de horen scheiden, so kumt de schande ut.

21.

Als de horen spinnen, so is de neringe klein.

22.

Och, wy hebben wol êr grôt gewest!

23.

Wo men den bûr mêr bidt,

wo em de hals wryger sit.

24.

Al vorloren dat men den undankbęren doet.

25.

Al lücht de munt, dat herte en doet des nicht.

26.

De arme behovet vele hulpe.

27.

Wan dat kint vordrunken is, so decket men den putte to late.

28.

Wan dat gelucke tôsleit, so is men vrolik.

29.

Sü wol tô, als de olde hunt blecket.

30.

Als de eine wulf den anderen it, so is grôt hunger in dem busche.

31.

Als de olde koje dansen, so klapperen ên de klouwen.

32.

De ryke is sal den armen helpen.

33.

De vake honnich it, de wert des âdrotich.

34.

Als dat gras wesset, so is dat pęrt vake dôt.

35.

Als dat yser heit is, so sal men't smeden.

36.

Als de katte jungen heft, so venkt se wol müse.

37.

De sunne vordrift de wolken.

38.

Als de spyse minnert, so vormêrt sik de hunger.

39.

Als gewalt kumt, so is dat recht dôt.

40.

Als de eine hant de andere weschet, so werden se beide reine.

41.

Twe mogen alle tyt mêr dan ein.

42.

Als dat spêl up dem besten is, so sal men aflaten.

43.

Als it wol wil, so kalvet de osse.

44.

Wan dat gelucke afsleit, so truret men.

45.

We kan dem hunde dat blecken vorbeden?

46.

De vele kleder heft, de tüt vele an.

47.

Alle slęge en doent nicht wê.

48.

So mannich lant, so mannige wyse.

49.

Men sal den lewen nicht wardéren na den klouwen.

50.

So mannich minsche, so mannige sede.

51.

De moder gift so guden kôp als de dochter.

52.

Men röpt so lange vastelavent dat de vaste kumt.

53.

Dat schip steit wol, dâr ein vorvaren scheper inne is.

54.

Also lange trit men den vorsch dat he quacket.

55.

De kruke geit so lange to water dat se brikt.

56.

Wan dat bedde gemaket is, so mach men dâr up slapen.

57.

By golde sal men de sinne der lude merken.

58.

Alst dem herden ovel geit, so geit it den schapen nicht wol.

59.

Bęter is ein bye dan dusent vleigen.

60.

Als it sik lyden mach, so sal men't loven.

61.

Dem logenęr kan nummant den munt stoppen.

62.

Wan it al gegetten is, so sint de schottelen leddich.

63.

Alle kleine water lopen in de groten.

64.

Alle rivierken lopen in de sê.

65.

Wedderslân en is nicht vorboden.

66.

Als dat hovet krank is, so is dat hele licham krank.

67.

Alle ammet smittet.

68.

Na drôfnisse komen vrouwede.

69.

Ût braden eieren en komen neine küken.

70.

Alle gewin helpet, wowol is it kleine.

71.

Als men ûtgift, so kricht men vake wedder.

72.

Alle vorgetten sunden quyt god.

73.

Alleman ein deif in syner neringe.

74.

Na dem ręgen schynt de sunne.

75.

Alle dinge laten sik seggen.

76.

Allemanne wat: is gude deilinge.

77.

Arme lude wêrden vake grôt.

78.

Alle lude kunnen nicht einen stein villen.

79.

Van ledderknagen lêrt de hunt dat ęten.

80.

Ein junk engelken wert wol ein olt duvel.

81.

Mit der tyt ein hâr, so wert dat hovet kâl.

82.

Alles dinges eine wyle.

83.

Tegen einen quaden ôst hôrt ein hart beitel.

84.

Arbeit wint dat vür ût dem steine.

85.

Arme lude koken dunne gorte.

86.

It süt wol eine katte up einen konnink.

87.

Ein arm man lecker en heft nicht synen willen.

88.

Arme lude en sullen nicht lecker węsen.

89.

Hestu ein korde, so hebbe ik einen daggen.

90.

Armôt socht nouwe liste.

91.

De arme wert vorsmadet.

92.

De synen meister nicht horen wil, de mot den bodel horen.

93.

Schęmede unde gude sede vorgân dorch armôt.

94.

Anxt unde vruchte maken den olden man lopen.

95.

Tegen wyve en sal sik nummant setten.

96.

An meinen en bint nummant syn pęrt.

97.

Al vysevase sunder gelt.

98.

Ein itlik lant holt syne wyse.

99.

To vele sunder mate is van neiner ere.

100.

Aller lude vrunt is manniger lude gek.

101.

Drôfnisse henkt al an der vrouwede.

102.

Alle wolken ręgen nicht.

103.

Als de lünink nestelen wil, so socht he vele gette.

104.

Dem gecken hangent syne kuse.

105.

Dem loien kêrle wert de tyt lank.

106.

Alle listicheit en batet alle tyt nicht.

107.

He vischet up dem drogen, de den vos bedreigen wil.

108.

He löpt so bolde als ein essel mit packen vorladen.

109.

Ik wil of nicht, ik mot sterven.