Sachsenspiegel

Prologus

______________________________________________________________________________

Das Sächsische Landrecht

Prologus

Oldenburger Bilderhandschrift (CIM I 410, fol. 6r, Landesbibliothek Oldenburg)

Des heiligen geistes minne, die sterke mine sinne. Dat ik recht unde unrecht der sassen besceide nach godes hulden unde na der werlde vromen. Des ne kan ik al eine nicht dun. Dar umme bidde ik to helpe alle gude lüde die rechtes geret, of in ienich rede bejegene, de min dumme sin vermide unde dar dit buk nicht af ne spreke, dat se dat na rechte besceiden na irme sinne, so sie't rechtes weten. Von rechte ne sal nemanne wisen lieve, noch leide, noch torn, noch gift. – Got is selve recht. Dar umme is eme recht lief. Dar umme sien se sik vore alle die, den gerichte von godes halven bevolen si, dat se also richten, alse godes torn unde sin gerichte gnedichlike over se irgan mute.