Vita

1851

______________________________________________________________________________

Vita.

Natus sum ego Albertus Bernardus Buechsenschuetz Berolini a. die VIII Idus Septembres anni MDCCCXXVIII patre Jacobo, quem jam ante hos decem annos morte mihi ereptum lugeo, matre Augusta e gente Seele, qua adhuc superstite gaudeo. Fidei addictus sum evangelicae.

Primis literarum rudimentis imbutus anno MDCCCXLII in gymnasium Coloniense, quod rectore E. F. Augusto viro maxime reverendo Berolini floret, receptus sum, atque inde, maturitatis testimonio accepto anno MDCCCXLVIII in hanc Universitatem Fridericam Guilelmam me contuli, cujus civibus adscriptus sum Joanne Muellero Rectore Magnifico. Ibi per triennium scholis interfui philologicis quas habuerunt Boeckh, beat. Zumpt, beat. Lachmann, beat. Franz, Heise, Geppert, Hertz, A. Benary, philosophici, quas habuerunt Trendelenburg, Beneke, historicis Rankei, geographicis Ritteri et E. Curtii. Seminarii philologici exercitationibus, quas moderabantur Boeckh, Lachmann, Hertz per tria semestria sodalia ordinarius interfui.

His omnibus viris illustribus optime de me meritis gratias ago quam maximas, eorumque in perpetuum pio animo recordabor.