| |
15.
Der Papigay, hat ein groß geschray
daz Küninglin war der Kammerling,
die Sprenze, die sprenze,
die gab auß schöne Krenze.
|
16.
Der Pfau mit seinem langen schwanz,
der fuert die Braut wol Zu dem danz,
die mayse und der Aurhan,
danzten hüpsch vor der Braut hinan.
|
17.
Der falke, der falke,
wolt Der fledermauß abwalken,
der faßhan, der faßhan,
der fieng vil krumme Händel an.
|
18.
Die wachtel die wachtel,
gab ihm gar baldt ein Dachtel,
Da machet ihr daz gschößle,
ein grausam lustigs bößle.
|
19.
Daz Zeußle, daz Zeußle,
daz duckt sich wie ain meußle,
der gümpel, der gümpel,
der hat aber ein groß Krümpel.
|
20.
Der gruenling frisch, der gruenling frisch,
sezt sich widrumb an den Tisch,
Krumschnabel frech, Krumbschnabel frech,
dummelt sich waidlich bey der Zech.
|
21.
Den rothkropf, den rothkropf,
fült man Voll wie ein Hafners Dopf,
der Kramet Vogel Klug und weiß,
bracht abermahlen newe speiß.
|
22.
Der Koppe faist, der Koppe faist,
sie allsam frölich lachen haist,
der süttich gruen, der süttich gruen,
war bey ihn Über die maßen schön.
|
23.
Die schwalbe, die schwalbe,
blieb bey der hochzeit halbe,
der Strausse, der Strausse,
halpf ihm haimlich hinausse.
|
24.
Die Kreen, die Kreen,
die thet man auch ausspehen,
die Alster, die Alster,
den Kranich fragt wie gfälst mir.
|
25.
Die nachtigal, die nachtigal,
die saß auf einem stauden,
sie sang der Braut den Hott Vom Zaun,
sie dacht sie selber Z brauten.
|
26.
Den wündenhalbs, den wündenhalbs,
man laden thet her Zu oftmahlß,
Daz rephun, daz rephun,
wolt Zu der Hochzeit gar nichts thun.
|
27.
Also must man den schwahnen,
auch zu der Hochzeit mahnen,
die Hennen, die Hennen,
die thet man gar hart brennen.
|
28.
Den taucher und den speyren,
ließ man bey der Hochzeit nit feyren,
der wannenwäher, d[er] wannenweher,
der leget ein gar schlechte ehr.
|
|
