Handschrift B

____________________________________________________________

XXXI

(HS A 36v, HS B 14rv, HS c 37rv, Klein 31)

I

D

Er oben ſwebt/ und nyden hebt/

der uor und hinden neben ſtrebt/

14v

und ewig lebt/ ye was an anefange/

Der Alt der iung und der uon ſprung/

5

triliczſcht gefaſſt inainlicz zung/

an miſſhellung/ mit unbegriffner ſtrange/

Der ſtrenklich ſtarb und was nicht tod/

der keuſchlich ward emphangn' und an alle not/

geboren rot/ weyſs durch ein junckfrow ſchöne/

10

Der manig wunder hat geſtifft/

die hell erbrach den tiefel dorjn ſer vergifft/

getült geſchifft/ All wurtz durch ſtammes tröne/

II

DEm offen ſein/ All herczen ſchrein/

grob tadelhäfftig ſwach güt uein/

15

das er dorjn/ ſicht allerlay gedenke/

Dem tün und lan/ iſt undertan/

die himel ſteren ſunn der man/

der erden plan/ menczſch tier all waſſer rencke/

Auſs dem all kunſt gefloſſen iſt/

20

uon dem der aller creatur durch ſpähen liſt/

zu yeder friſt/ ir zierhait würckt ſchon euſſet/

Dem alle tier zam und ouch wild/

hie danckber ſein das er den ſamen hat gebildt/

d' narung milt/ gar waidelich uergreuſſet/

III

DEr himel erd/ gar unuerſert/

hat underseczt an grundes herd/

das waſſer kert/ dorjn durch fremde rünſte/

Der wunder zal/ uil tusent mal/

wër mer ze ſingen ÿberal/

30

mit reichem ſchal/ ſo hindern mich die künſte/

Der mir die ſel klar geben hat/

leib er und güt uernufft und kriſtenliche wat/

der geb mir rat/ das ich jm alſo dancke/

Da mit ich All mein veind verpaw/

35

bayd hye und dort das mich jr kain' nicht verhow/

O keuſchlich frow/ dein hilff mir dorzu ſchrancke/

Amen.