Handschrift B

____________________________________________________________

XXIX

(HS A 37v, HS B 14r, HS c 36r, Klein 29)

I

D

Er himel fürſt uns heut bewar/

got und ſein liebe mütter klar/

die engel ſchar/ vnd all gots heilgn' werde/

Allmächtikait ÿber alle macht/

5

und der als weſen hat bedacht/

künſtlich uolbracht/ jnhimel und auf erde/

Der ſey unſer ſchilt uor aller not/

beſchierm uns durch ſein mart' und den bittern tod/

das blüt hailg rot/ walt unſer ſünd abläſſe/

10

Laß herr dein zoren nicht ergän/

nach unſer ſchuld wie wol wir dick verſchrotn' han/

mit tün und län/ dein huld durch ſündlich räſſe/

II

GEſegen uns hewt Altiſſimus/

dartzu der mīnikliche fluſs/

15

den Longinus/ mit ſeinem ſpieſs hett funden/

Daſſelbig ſper kron nagel drey/

ſte uns vor ſchaden ſchanden frey/

frid won uns bey/ und die heilgen fünf wunden/

Verlewſs dein bitters gallen getranck/

20

herr nicht an uns wie wol wir ſein der ſünden kranck/

kreuczlicher hanck/ erlös uns ewikleichen/

Jch beuilch uns heut dem heilgen grab/

und dem der ſich unſchuldig toten darjn gab/

Maria hab/ hilff An dem letzten keichen/

III

TRiualtikait ſun heilger gaiſt/

uerſlozzen jn ains uatters laiſt/

ſeyt du nu traiſt/ die macht kron aller fürſten/

So tail dein barmung köſtlich groſs/

mit unſer ſel wenn ſy gar bloſs/

30

nach Abrahams ſchoſs/ tut ſeniklichen dürſten/

Verheng dem tiefel nicht gewalt/

das er uns trieg vorlait durch grauselich geſtalt/

wenn er ſich ſpalt/ gen unſerm kranken leibe/

So wir hye raumen ditzs ellend/

35

freuntlos und ſtimlich uechten mit des todes hend/

O got das end/ uns gnediklich uerſchreibe/

Amen.