Der Ring

3. Teil:

Der Krieg der Dörfer

_________________________________________________________________________

 I Do nu dis geschehen was,

 I Schindennak hiet gsehen das;

6460

 I Es muot in ser und ward sich rimphen;

 I Er sprach: «es ist mir aus dem schimphen,

 I Her Eisengrein, daz schült ir wissen!

 I Mich düncht, îr habt die fröd verschissen.

 I Wes habt îr so mein niftel gzigen,

6465

 I Îr hend verwüestet und verstigen?

 I Die gest man erleich halten schol

 I Und nicht enschenden: daz stet wol.»

 I «Was chlaffst du?» sprach do Isengrein.

 I «Ich siert dir noch die muoter dein

6470

 I Mit sampt der niftel (hörstu das?),

 I Wilt sein nicht geraten bas.»

 I Schinddennak schre: «Eisengrein,

 I Und siertst du mir die muoter mein,

 I Ich siert dich selb und alz dein gschlächt.»

6475

 I Da mit so griet der dörpel prächt

 I Zuo einem rauffen, daz ist war:

 I Einr dem andern viel ins har.

 I Die frauwen machten sich ze flucht.

 I Die knecht derzaigten ire zucht:

6480

 I Ieder zuo seim freunde sprang,

 I Mit rauffen durch die andern drang.

 ! Fesafögili besunder

 ! Rauffet so – es was ein wunder.

 ! Er fasst der löken nur enchlain

6485

 ! Und zucht daz widersich so rain,

 ! Daz im die hand ward hares vol.

 ! Ditz vergalt im Dietreich wol:

 ! Er nam in pei seim langen part

 ! Und zucht in so, daz an der vart

6490

 ! Der kumpagg viel zer erden;

 I Des muosst er ieso sterben.

 I Daz tribens lang ie bas und bas,

 I Bis daz der löken nicht enwas

 I In dem haubt noch in dem part,

6495

 I Also daz das reissen wart

 I Geraten ze den feusten do.

 I Do schluogens umb so wercleich so,

 I Daz oft îr eim die nase pluot,

 I Daz maul dar zuo; daz was im guot

6500

 I Für daz ader lassen do.

 ! Snellagödel hielt sich so:

 ! Er want den taumen umb die faust

 ! Und schluog zum oren, daz es taust.

 ! Er spitzt der finger chnoden

6505

 ! Und stiess vil ungezogen

 ! Auf zuor nasen, gen dem hertzen,

 ! An die chröpf; daz schuoff in smertzen

 ! Und tet dem Scheubinsak vil ant,

 ! Der umb sein faust die gugel want

6510

 ! Und stiess ims in den weiten schlund,

 ! Daz er derstiket so ze stund.

 I Der feusten ward seu do verdriessen

 I Und griffen her zuo iren spiessen.

 I Seu wurden schirment her von tach

6515

 I Mit iren swingen ungemach,

 I Dar zuo mit den stangen grossen.

 I Söleich schlahen und ein stossen

 I Hiet sich auch von in derhaben:

 I Îr gsacht es nie pei ewern tagen.

6520

 ! Seurrenstorffer, Rützinger

 ! Sahend zuo von verrem her.

 ! Der andern schaden warens fro

 ! Und sprachent zuo enander so:

 ! «Die herren sind uns zstark gewesen;

6525

 ! Streiten seu, so sein wir gnesen.»

 I Die weil des vechtens vil geschach

 I Und Arnolt in den mülipach

 I Was geworffen an der stund.

 I Daz wasser gie im in den mund;

6530

 I Dannocht tätschet er her aus.

 I Er lieff in des müllners haus:

 I Der lech im ieso einen spiess.

 I Secht, do vacht er sam ein fiess!

 I Er stach den Chnotzen pei dem nabel

6535

 I Und sprach: «Nu se, da lig und zabel!»

 I Daz was hern Trollen do kain danch;

 I Der ward do vechtend, daz er stanch.

 I Mit seiner helmparten

 I Schluog er her ein scharten

6540

 I Dem Arnolten, daz im der mag

 I Unter seinen füessen glag.

 I Da mit so was der Chnotz gerochen

 I Und die helmpart auch zerprochen.

 I Wie schier der Troll einn mantel vand

6545

 I Und wand in dreistund umb die hand!

 I Er zucht ein braite swingen aus

 I Und facht sam in dem grind ein laus.

 ! Da hiet daz messer nicht sein zeit;

 ! Won daz velt was im ze weit:

6550

 ! Daz füeget speren stangen.

 ! Dar umb kam her gegangen

 I Mit einem spiess her Galgenswanch

 I Und stach in über seinen danch,

 I Daz er an dem ars gelag

6555

 I Bis an seinen lesten tag.

 I Juncher Troll der was verlorn.

 ! Do kam der Twerg vil hoch geporn

 ! Mit seiner list, ein chlainer wicht.

 ! Der stangen mocht er gtragen nicht;

6560

 ! Des muost er seine veinde zwingen

 ! Mit würgen, chretzen und mit ringen.

 ! Galgenswanken lief er an:

 ! Pei der mitt er in gewan

 ! Und huob in auf und warff in nider,

6565

 ! Daz er noch nie derstuond her wider.

 ! Dar zuo hiet dirr ander witz:

 ! Er tratt dem Harnstain auf die spitz,

 ! Die er an den schuohen truog,

 ! Und stiess in hin so ungefuog,

6570

 ! Daz er gelag an seiner stat.

 ! In den drüssel er in trat

 ! Und hielt in so (ich waiss nicht wie),

 ! Bis daz im die sel vergie.

 ! Des liess er sich benüegen nicht

6575

 ! Und lieff da her der selbig wicht:

 ! Hern Dietrichen, den grossen man,

 ! Er pei seinen painen gwan

 ! Und schwancht in umb also geswind,

 ! Daz er sich streket sam ein rind.

6580

 ! Doch so schiermpt er seinen chragen,

 ! Daz in der gfüeg nicht mocht gehaben;

 ! Des ward ein anders ghebet an.

 ! Wie schier er kam, der gaggelman,

 ! Und her über den vil grossen

6585

 ! Mit seinen henden also blossen!

 ! Woi, wie hiet er in so gswind

 ! Gemacht an einem augen plind!

 ! Mit schürpfen und mit kretzen

 ! Kond er die veinde letzen.

6590

 ! Das maul wolt er im reissen;

 ! Des huob dirr an ze peissen

 ! Und behuob in mit dem zan,

 ! Bis er im den gürtel gwan.

 ! Do stiess er den vil küenen Twerg

6595

 ! Mer dann dreistund widerd erd

 ! Und warff in über Pertschis tach,

 ! Daz man in niemer me gesach.

 I Der zorn hiet in begriffen.

 I Er zucht sein swert, daz gschliffen,

6600

 I Und schluog umb, daz von einem schlag

 I Ein michel diet vor im gelag.

 I Niemant gtorst im gnahen:

 I Ze fliehen muostens gahen,

 I Do ditz der preutgom so dersach,

6605

 I Es schuoff im laid und ungemach.

 I Er lieff hin in den wendelstain

 I Und laut die gloggen all gemain

 I Ze sturm; daz macht ein grossen schal

 I In dem pofel über al.

6610

 I Seu fuoren auf: «Wo schilt und sper?»

 I Mit ungewüschten ärsen her

 I Und chament ungezogen

 I Mit armbrusten und pogen,

 I Mit pöltzen und pfeillen.

6615

 I Mächtig was ir eillen

 I Auf die von Nissingen, die fiessen,

 I Mit stechen, schlahen und mit schiessen,

 I Mit werffen und mit stossen

 I Mit stainen, stangen grossen.

6620

 I Gablen und auch rechen

 I Sach man vil da brechen,

 ! Also daz die frömden geste

 ! Wurden innen des ze leste,

 ! Daz das schaiden was ze swar,

6625

 ! Ierem leben gar zgevar,

 ! Und huoben sich ze samen so

 ! Mit den ruggen chechleich do;

 ! Seu schluogen ire lantzen für.

 ! Des kam do einr, sam ich es spür,

6630

 ! (Der was der Fladenranft genant),

 ! Auf einem esel her gerant

 ! Und wolt sich an in rechen,

 ! Îr maur vil gar zerprechen.

 ! Do setzet einr dem esel an,

6635

 ! Der ander huob sich gen dem man,

 ! Also daz mein Fladenranft

 ! Viel da hin (im was nicht sanft)

 ! Und der esel sampt mit im:

 ! Tod daz was sein ungewin.

6640

 ! Do daz die andern sahen,

 ! Erst huob sich ein gahen

 ! Mit werffen und mit schiessen.

 ! Des ward die gest verdriessen

 ! Also ser, daz sei nicht wolten

6645

 ! Leiden me noch pleiben scholten.

 ! Des trosten seu sich hasenwer

 ! Und lieffent snell: daz was îr er.

 ! Do gsach man nie kain flieher

 ! An seinen nahezieher.

6650

 I Ze jöchen ward den andern gach;

 I Also ward in geeillet nach

 I Gen Nissingen bis an daz tor.

 ! So habt es wol gesehen vor,

 ! Daz ieder hund auf seinem mist

6655

 ! Für ander drei gehertzer ist:

 ! Der minst erbeisst den mersten.

 I So taten auch die ersten:

 I Die kerten sich hin umb ze wer

 I Und fachten wol und dannocht mer,

6660

 I Dann seu hiettin vor getan.

 I Da mit man schluog ze sturme an

 I Mit schlegen unverdrossen:

 I Die glogg was noch nicht gossen.

 I Mäncleich auf und an die prugg:

6665

 I Do ward der jäger macht ze lugg.

 I Hietens vor geeillet ser,

 I Des muostens gahen dreistunt mer

 I Wider umb auf halben weg,

 I Bis daz seu chament übern steg.

6670

 ! Den wurffens ab: do warens frei

 I Und kament haim gar gmach da pei.

 I Seu viengen pei den henden

 I Die mätznen ellenden

 I Ze sertenn und ze schenden;

6675

 I Daz chond in niemant gwenden.

 I Des warent doch von Seurrenstorff

 I Und von Rützingen dem dorff

 I Die diernen all gefüeret hin:

 I Daz was îr er und auch gewin.

6680

 I Die Nissinger auch wider umb,

 I Seu wuotten ser und machtens krumb.

 I Der purgermaister schre vil drat:

 I «Auf, îr herren, in den rat!

 I Wir schüllen wissen, wie im sei

6685

 I Und was ze schaffen auch da pei.»

 I Des chamen zwelff der gswornen

 I (Die allerpest gepornen)

 I In den rat gegangen –

 I Parfuoss hin und dannen.

6690

 I Den ersten hiess man Strudel so,

 I Der was îr purgermaister do;

 I Dem andern sprach man Pachenflaisch,

 I Dem dritten Egghart Rindtaisch,

 I Der vierd was Snegg, der fünft der Zing,

6695

 I Dem sechsten ruoff man Schilawingg;

 I Wüetreich und der Luodrer,

 I Pütreich und der Marner,

 I Eselpagg und Fülizan /

 I Machent auch wol sechs man.

6700

 I Îr rathaus was ein scheur mit stro;

 I Da sassens ein und sprachen so:

 I «Wir schüllen senden nach den knaben,

 I Daz seu uns vil eben sagen,

 I Wie daz dinch sei an gevangen,

6705

 I Dar zuo, wie es sei dergangen.»

 I Des ruoffens so dem Deupenpain

 I (Der was do schreiber der gemain)

 I Und santten nach dem Chraimbolt.

 I Der cham vil endleich, sam er scholt,

6710

 I Und sait vil eben, wie im was.

 I Do nu Egghart ghöret daz

 I Und, wie Arnolt was derschlagen,

 I Secht, do huob sich jamers chlagen

 I Von dem vatter umb sein knaben,-

6715

 I Îr ghort es nie pei ewern tagen!

 ! Er sprach: «O we, du pitter tod,

 ! Du greuleichs end, du sende not,

 ! Wie hast du mir mein liebes kind

 ! Emphüeret hin gar so geswind?

6720

 ! Daz laid ich nimer mer verchlag,

 ! Die weil ich leb nür einen tag.»

 ! Da mit so vil er ieso hin

 ! Und lag, geswunden in dem sin.

 ! Er tett, sam vatters treuwe tuot,

6725

 ! Dem seins hertzen aigen pluot

 ! Vergossen ist so gar ze drat,

 ! Daz er so lang derzogen hat

 ! Mit grosser müe pei seinen tagen.

 ! Doch was im vil me ze clagen,

6730

 ! Daz sein sun (recht sam ein perg

 ! Ein man)derstarb von einem twerg,

 ! Lästerleich und ane peicht,

 ! Seiner er und sel unleicht.

 I Des hiet auch Snegg verhört daz ain,

6735

 I Daz sein vatter Harnstain

 I Hiet den seinen leib verlorn.

 I Do zittert er von rechtem zorn.

 I Daz wolt er ieso schiere rechen;

 I Des huob er an also ze sprechen:

6740

 ! «Îr herren, ich wisst langes wol,

 ! Wie sich einr bedenken schol

 ! Langeu zeit und schaffen drat,

 ! Des er sich so hat bedacht;

 ! Won zorn und eillen sint dem rat

6745

 ! Widerwärtig fruo und spat.

 ! Die regel fält (daz secht es wol),

 ! So einr seinn schaden rechen schol

 ! Mit schlahen, rauben und mit prennen.

 ! Des mügt îr euch da pei derkennen:

6750

 ! Hat mich einer ietz verwunt

 ! Und rich ich daz nicht so ze stund,

 ! So köment ander leut ze stett

 ! Und machent frid – so ist es wett.

 ! Seu sprechent nicht: «Stich in hin wider!»

6755

 ! Da mit so leit min er da nider;

 ! Min pluot verrert, daz flaisch gestochen

 ! Beleibt so gäntzleich ungerochen.

 ! Dar umb verhört! Daz ist mein rat:

 ! Die weil daz dinch sein zeite hat,

6760

 ! Daz wir gepieten auf ein puoss

 ! Iedem man ze ross und zfuoss

 ! Und tüegin zstetts ein rennen,

 ! Ze schlahen und ze prennen,

 ! Ze rauben und zschalmützen

6765

 ! Mit spiessen, feur und schützen,

 ! Auf die von Lappenhausen;

 ! Daz wirt ein erleich sausen.

 ! Und schol dis haben fürgang,

 ! So tuot es schier und machtz nit lang!»

6770

 ! Secht, daz wär geschehen so!

 ! Des gedacht im Pütreich do

 ! An sein tochtren Kützeldarmen;

 ! Er muost sich über sei derparmen

 ! Und sprach: «Her Snegg, daz tät ich gern;

 !

6775

 ! So muoss man sein umb sach enbern.

 ! Waist nicht, daz gevangen sind

 ! Unser tochtren? Pist du plind?

 ! Dar umb so volgt es meinem rat

 ! Und eillt nit zuo der rach so drat!

6780

 ! Lasst uns e mit cluogen sinnen

 ! Unsreu kinder wider gewinnen!

 ! Daz ist, wir schüllen trachten eben,

 ! Den veinten süesseu red ze geben,

 ! Und verhaissen wol mit sagen,

6785

 ! Bis daz wir daz unser haben.

 ! Dar nach, rüerens uns ein tahen,

 ! So schol man eins zum andern schlahen,

 ! Dar mit smutzen über seu her

 ! Ze ross und zfuoss mit schilt und sper

6790

 ! Mit schlahen, hawen und mit stechen

 ! Und also alten schaden rechen.»

 ! Do nu der das sein gesprach,

 ! Wüetreich auf gen himel sach.

 ! Er wolt sich zaigen erber sein

6795

 ! Und sprach: «Her freunt, die rede dein

 ! Ist wol nütz nach meinr versicht,

 ! Doch hat sei der eren nicht.»

 ! Des sprachent do die andern all

 ! Gemaincleich auf in lautem schall:

6800

 ! «Was nicht enhat der eren schein,

 ! Daz mag auch nimer nütz gesein.»

 ! Hie mit was des rates gswigen

 ! Und auch die sach in îr beliben.

 ! Strudel fragen do began,

6805

 ! Was noch wäre guot getan.

 ! Des antwurtent seu im gemain

 ! Und sprachent: «Herr, îr seits der ain,

 ! Der über uns gesetzet ist

 ! Ze rat und schirm ze aller frist;

6810

 ! Dar umb so schült ir heven an

 ! Und, was îr welt, daz sei getan!»

 ! Strudel rüspelt seinen chragen

 ! Und huob sein tädinch an ze sagen;

 ! Er sprach: «Der streit geschaffen was

6815

 ! Umb anders nichti dann umb das,

 ! Daz man an unzucht schon und eben

 ! Möcht mit gantzem frid geleben.

 ! Dar umb wir mügen vechten

 ! Mit got und mit dem rechten

6820

 ! Wider ieden, der uns tuot

 ! Ze kurtz an leibe oder guot.

 ! Nu dar, so habts vernomen wol

 ! (Des ich vil grossen chumber dol),

 ! Wie die Lappenhauser heut

6825

 ! Gemürdet haben unser leut,

 ! Gevangen, gschlagen gar unleis

 ! In îrem dorff nach schelcher weis,

 ! Etleich gflöhet uf der haid.

 ! Daz schol uns pilleich wesen laid;

6830

 ! Won besser ist nach weiser ler

 ! Fraischleich sterben umb die er

 ! Dann mit schanden leben, secht!

 ! Nu hat auch got die seinen knecht

 ! Moisen und Josue

6835

 ! Gehaissen in der alten ee

 ! Streiten wider falsche schar

 ! Und half in dar zuo gantz und gar;

 ! So mag ein volk auch streiten wol,

 ! So man daz sein beschirmen schol:

6840

 ! Den gwalt wir von dem kaiser haben.

 ! Doch so lat euch eines sagen!

 ! Des menschen grosser übermuot

 ! Vil oft eim sölhen schaden tuot,

 ! Daz einem wîrdet an gesiget,

6845

 ! Wie wol er süst des rechten phliget;

 ! Dar umb so schüllen wir die sach

 ! Güetleich heven an mit gmach.

 ! In gantzer diemuot wellen wir

 ! Daz end ersehen nach begir

6850

 ! Und senden unser boten hin

 ! Gen Lappenhausen in dem sin,

 ! Daz seu uns wider sendin schier

 ! Unser tochtren alle vier

 ! Und auch die Wasserschepferin,

6855

 ! Dar zuo allen ungewin

 ! Und schaden wider tüegin,

 ! Fürbas chainen müegin,

 ! Der von disem dorffe sei,

 ! Wollens wesen streites frei.

6860

 ! Daz rat ich euch und dunkt mich so

 ! Vil guot.» – Des wurdens alle fro.

 ! Des wurdens ieso aus derwelt

 ! Zwen der besten und gezelt

 ! (Daz was der weis her Albrecht Zingg

6865

 ! Und auch juncher Schilawingg)

 ! Zuo der potschaft in der sach.

 ! Daz gviel dem Zinggen nit und sprach:

 ! «Der häbch und spärwer vahen wil,

 ! Der schol mich des nicht bitten vil,

6870

 ! Daz ich der sein netzfogel sei!

 ! Hie so schült es merken pei,

 ! Daz ich nicht gecheren gtar

 ! Zuo einer ungeheuren schar,

 ! Die so schedleich ist und bös,

6875

 ! So ungeschlacht und auch so lös;

 ! Dar zuo sein seu trunken auch.

 ! Wänt îr, daz ich sei ein gauch,

 ! Daz ich so swäre botschaft werben

 ! Well und ane wer verderben?»

6880

 ! Des was do Schilawingg vil jung;

 ! Er macht sich auf und tett einn sprung

 ! Und sprach: «Schol ich der zag nu sein?

 ! Welt îr ichtz? Bedorft es mein?

 ! Ich tröst mich meiner süessen so,

6885

 ! Daz ich sein pin von hertzen fro,

 ! Ob ich die botschaft werben schol

 ! Alters ain.» – Daz gfiel in wol.

 ! Er hiet die schönen Gnepferin

 ! Ze einem lieb in seinem sinn:

6890

 ! Daz was die sach, dar umbe daz,

 ! Daz er so gar gehorsam was.

 I Des lieff er hin, der fröleich man,

 I Bis er gen Lappenhausen cham.

 I Da vand ers all noch pei dem tantz

6895

 I Springen höch von rechter schantz.

 I Er macht sich gen in zuo dem spil.

 ! «Hört, was ich euch sagen wil!»

 ! Sprach der bott zuon herren do.

 ! «Îr seit des ewern lasters fro,

6900

 ! Dunchet mich in meinem muot,

 ! Daz heut zo manger helde guot

 ! Verloren hat sein leben hie

 ! Und îr noch tuot, ich waiss nit wie.»

 I Secht, do liessens von dem tantz!

6905

 I Niemant hiet vernomen gantz,

 I Was der pott in hiett gesait;

 I Des waren seu da hie berait

 I Und sprachen: «Was wil diser gauch?

 I Sag uns, daz wirs hören auch!»

6910

 ! Schilawingg was unverzait;

 ! Sein botschaft huob er an und sait:

 ! «Îr habt vil recht, ich pins ein gauch,

 ! Ein chind dar zuo und tobig auch.

 ! Dar umb kan ich auch liegen nicht,

6915

 ! Die leut betriegen sam ein wicht;

 ! Won liegen daz wil haben list.

 ! Also sag ich, wie im ist,

 ! Gewärleich, in eim schlechten schein.

 I Von Nissingen die herren mein,

6920

 I Der purgermaister und der rat,

 I Enpeuten euch pei mir gedrat,

 I Daz îr die tochtren alle vier

 I Gebin wider also schier

 I Und auch die Wasserschepferin,

6925

 I Dar zuo allen ungewin

 I Und schaden wider tüegind,

 I Fürbas niemant müegind,

 I Der von irem dorffe sei,

 I Welt es wesen streites frei.»

6930

 I Do nu das verhöret was,

 I Der do schelten chondet bas

 I (Daz was îr maiger Rüefli do),

 I Der huob es an und sprach also:

 I «Her gsell, ich waiss nit, wer du pist;

6935

 I Doch gäb man umb dich nit ein fist

 I Noch umb dein herren von dem kat,

 I Den paurenmaister, der dich hat

 I Gesant so törisch zuo uns her,

 I Noch umb alle Nissinger.

6940

 ! Wiss, er was dir nicht gar holt,

 ! Der dich also her senden wolt!

 ! Und wär es nicht so gar ein schand,

 ! Botten fräveln, so ze hand

 ! Sterben müesist umb dein spil.

6945

 ! Des tröste dich (doch nicht ze vil)

 ! Und cher vil endleich wider haim,

 ! Ald dir wächst ein überpain!»

 I Schilawinggen ward so haiss

 I Ze fliehen – im enphuor ein schaiss;

6950

 I Daz was der segen, den er gab

 I Den leuten an dem sunnentag.

 I Daz wär im alles ein getrencht,

 I Hiet er sich enwench verrencht

 I An seinen löffern, den was gach:

6955

 I So veintleich eillten seu im nach.

 I Des cham er doch von inen haim

 I Und sagt die mär in allen gmain.

 I Da mit seu santten überal

 I Gen Aurach in Sweitzer tal

6960

 I Und zuo den von Gaigenhofen,

 I In Gadubri, zuo dem Ofen,

 I Gen Kenelbach und Leibingen,

 I Gen Hofen und gen Vettringen,

 I Gen Rützingen und Fützenswille,

6965

 I Gen Seurrenstorff und Wattwille,

 I Dar zuo abhin an den Rein,

 I Da îr freunde scholten sein,

 I Daz seu ze hilfe kämin in:

 I Won ze streitten stüend ir sin.

6970

 I Des waren so die botten bhend,

 I Daz bis morgens hiet ein end

 I Îr potschaft gwunnen: daz ist daz.

 I Die weil ze Lappenhausen was

 I Daz hochzeit schon begangen

6975

 I Von frauwen und von mannen.

 I Seu hietten ser gesprungen,

 I Getrunchen und gesungen,

 I Daz nachtmal wol gefressen.

 ! Man schol auch nicht vergessen

6980

 ! Des, daz Bertschi Triefnas

 ! Tet, do er pei Mätzen was

 ! In dem pett der selben nacht.

 ! Daz sag ich euch nach meinr vermacht:

 ! Er hiels sei mit den armen sin

6985

 ! Und küsst sei in das maul hin in

 ! Siben stund nach seinem lust

 ! Und trucht îr prüstli an sein prust.

 ! Des wolt er fürbas sein gevarn:

 ! Mätzli chond den weg verwarn

6990

 ! Und huob ze schreien an so vast,-

 ! Man hort es über ein halben rast.

 ! Die pain seu huob ze samen ser:

 ! Daz was der junchfrawen er.

 ! Des liess der preutgom von dem streit

6995

 ! Und gedacht im an der zeit,

 ! Wie mit spächten scholt der man

 ! Daz dinch den frauwen gwinnen an.

 ! Da mit so huob er an und sprach:

 ! «Wol mîr, daz ich ie gesach

7000

 ! Die stat, da mündel sich ze mund

 ! Gefüeget hat in süesser stund!

 ! Deineu prüstel zuo minr prust

 ! Getruket sind so gar mit lust

 ! In rechter lieb und auch so gleich:

7005

 ! Des lob ich got von himelreich,

 ! Der die wunn geschaffen hat

 ! Sunderleich mit seinem rat,

 ! Daz die menschait wachsen schol.

 ! Dar umb, mein lieb, nu tuo so wol,

7010

 ! Gedench, daz got gesprochen hat:

 ! «Ein mensche seinen vatter lat,

 ! Er tuot sich auch seinr muoter an

 ! Und haltet sich zuo seiner chan:

 ! So werdent zwai in einem flaisch»

7015

 ! (Nach der glos, die ich da waiss,

 ! Daz ist: ze einem chind zgeperen)

 ! Und geruoch mich des zgeweren,

 ! Daz die gens tuond in dem bach!

 ! Liebes lieb, daz ist ein sach,

7020

 ! Daz ich ewecleichen dich

 ! Halten muoss und wil sam mich.»

 ! Mätzli do mit ungemach

 ! Wainent zuo dem knechte sprach:

 ! «Ja, ich waiss wol, wie im ist:

7025

 ! Du pists ein gsell mit falscher list

 ! Sam einr, der vogel vahen wil:

 ! Der pfeiffet suoss und macht sein vil

 ! Und, so seu koment in sein hab,

 ! So würgt er in die chragen ab.»

7030

 ! «Näna, Mätzli!» so sprach dirr,

 ! «Mich dunkt, du seigist worden irr

 ! In disem bett, daz sag ich dîr.

 ! Waist nicht, daz von paider gîr

 ! Zwüschen uns geschehen ist

7035

 ! Die hailig ee an boseu list?

 ! So leist auch in dem prautpett:

 ! Dar umb so trachtin wir ze stett,

 ! Daz die ee werd vollepracht,

 ! Der so mit willen ward gedacht!»

7040

 ! Secht, do tett er sam ein man

 ! Und graiff sei chrefticleichen an!

 ! Wie schier er îr die pain auf kert,

 ! Sam in der schreiber hiet gelert,

 ! Und macht sich zwüschen seu enmitten!

7045

 ! Er tet nach seiner vordern sitten.

 ! Mätzli was auch nicht ze träg,

 ! Wie sei an dem ruggen läg:

 ! Sei hützret vast und zappelt ser

 ! Und bhielt auch wol des artzets ler.

7050

 ! Do nu daz erst vergangen was,

 ! Daz wisst man wol und machet das,

 ! Daz die pettstat was ze chranch

 ! Und hiet getan daz best gesanch,

 ! Daz man joch iemer mag gesingen.

7055

 ! Da mit der preutgom wolt verprinnen

 ! Von grossem durst; des rüeffet er:

 ! «Wasser her jo, wasser her!»

 ! Des pracht man in do von Venedi

 ! Ein suppen gmachet mit tragedi

7060

 ! Und auch von malvasei da mit:

 ! Daz was îr aller pester sitt.

 ! So assen seu und trunkend dar,

 ! Bis daz sei wider chamen gar;

 ! Da mit die geste bald hin für.

7065

 ! Die praut stuond auf und bschloss die tür

 ! Inrentalb vil gar ze stett

 ! Und legt sich wider in daz bett;

 ! Doch chond sei sich vil übel ghaben,

 ! Den pluomen in îrn fröden chlagen;

7070

 ! Des sprach der preutgom: «Wainn nicht mer,

 ! Gehab dich wol, daz ist mein ler!

 ! Hast du den pluomen nu verlorn,

 ! Da wider wirt ein chind geporn:

 ! Daz ist ein sälich dinch vil guot.

7075

 ! Dar zuo nim dir in den muot,

 ! Daz du in treuwen mainist mich

 ! Und tüegist, was ich haisse dich,

 ! Daz doch mit nützen sei und eren!

 ! Sich, so wil ich dir daz sweren,

7080

 ! Dich in rechter lieb ze halten,

 ! Von dir auch niemer mich geschalten.»

 ! Der rede danket sei im do

 ! Und verhiess auch tuon also.

 ! Des ward do lenger nicht gespart:

7085

 ! Er tett îrs noch ein ander vart.

 ! Des waren seu so müede worden

 ! Und schlieffend hin bis an den morgen.

 I Hiet die praut nür einen man,

 I Kützeldarm îr vier gewan.

7090

 I Annen ars der ward zerriben:

 I Sei hiet der gsellen mer dann siben.

 I Zehner phlag die Gnepferin,

 I Iecleichem nach seinem sin.

 I Ungemäss die hiet îr acht:

7095

 I Die veilten all die langen nacht.

 I Die wöscherin so reudich was,

 I Daz sei vor inen allen gnas.

 ! Do nu der liechte tag her prach,

 ! Der wachter an der zinnen sprach:

7100

 ! «Wer an lieben armen leit,

 ! Der mach sich auf! Won es ist zeit.

 ! Die sunne hat den morgenstreit

 ! Mit chreften überwunden.

 ! Der man entweicht, ich waiss nicht war,

7105

 ! Die sternen sein verblichen gar,

 ! Die nacht îr still ist worden bar:

 ! Daz brüef ich ze den stunden.»

 ! Et cetera. Daz sang er gar.

 ! Des ward fro Mätzli do gewar

7110

 ! Und gedacht îr in dem sin:

 ! «Wär, daz ich derweket in,

 ! So tät er mirs zuor dritten stund,

 ! E man uns in dem bette fund.»

 ! Des ward sei sich do rüeren,

7115

 ! Daz bettgwand alz durchfüeren,

 ! Bis er doch muosst derwachen do.

 ! Pertschi auf und sprach: «Wie so?»

 ! Ich hiet mein fingerli verlorn,»

 ! Antwürt sei, «daz tett mir zorn

7120

 ! Und han gesuocht bis an den tag:

 ! Der macht, daz ich es funden hab.»

 ! We, wie schier do ward vollpracht,

 ! Des so îr Mätzli hiet gedacht!

 I Dar nach die gsellen kament all

7125

 I Mit pheiffern und mit grossem schall

 I In daz gaden ze dem zil

 I Und wunschten in des glükes vil.

 I «Du scholt uns nicht versweigen:

 I Mocht sei es derleiden?

7130

 I Gevelts dîr an der sneiden?»

 I Sprachen seu zuo Pertschin do.

 I Des antwürt er und sprach also:

 I «Mîr geviel nie kaini bas.

 I Wisst, daz sei ein junchfraw was!

7135

 I Dar umb so gib ich ir vil drat

 I Ein par schuoch ze morgengab.»

 I Do huob mans von dem bette auf:

 I Secht, do was die hochzeit aus!

 I Won in waren chümen mär

7140

 I Nötleich gar und dar zuo swär,

 I Daz Nissinger ze denen zeiten

 I Hieten muot, mit in ze streiten,

 I Und wie îr botten in die land

 I Wärent hin umb hilf gesant.

7145

 ! Des machten sich die jungen fro

 ! Und die alten nicht also:

 ! Die wisten wol in iren sinnen,

 ! Was man möcht mit krieg gewinnen.

 I Also leutet man ze rat;

7150

 I Des chamen her der herren drat

 I Wol auf zwainzig und auch me.

 I Etleich seint genennet e;

 I Die andern warent Ruoprecht,

 I Gaggsimachs und Niemansknecht,

7155

 I Hilprand, Grämpler und der Gnaist,

 I Gumprecht und der Hellegaist,

 I Künchelstil und Ochsenchäs,

 I Futzenpart und Fleugenschäss,

 I Peter Stumph und Riffian

7160

 I Und der werd her Pilian,

 I Dar zuo Lienhart mit dem phlegel,

 I Simon Kegel, Jaudas Schlegel

 I Und der Höseller der gra.

 I Da mit so warens alle da

7165

 I In einem stadel auf dem tan.

 ! Des huob do Rüefli maiger an

 ! Und sprach: «Îr herren arm und reich,

 ! Es habt gesehen all geleich,

 ! Wie die von Nissingen die bösen

7170

 ! Mit îren faigen hertzen lösen

 ! Gestern schulten uns im gras

 ! Umb anders nichti dann umb daz,

 ! Daz Eisengrein gejuket hiet

 ! Greduln hand in gantzer lieb.

7175

 ! Nu lekt der hund den herren sein

 ! Von treuwen, im ze fröden schein:

 ! Dar umb so taten sei nicht wol

 ! Und namend, daz einr nemen schol,

 ! Der ane recht und ane sach

7180

 ! Wil im schaffen ungemach.

 ! Des wolt seu noch benüegen nicht

 ! Und santten uns einn argen wicht

 ! Mit böser taidinch und mit treuwen,

 ! Sam die mäuse tuond den leuwen.

7185

 ! Dar zuo habent seu gesant

 ! Umb hilf und rat in älleu land

 ! Und habend gîr, mit uns ze streiten.

 ! Wes schüllen danne wir gepeiten?

 ! Wisst, es ist uns nicht ze leiden,

7190

 ! Fürbas also lange sweigen!

 ! Dar umb so ist der rate mein,

 ! Daz wir die ersten schüllen sein,

 ! In des streites an ze muoten,

 ! Und warnen uns mit wappen guoten,

7195

 ! Ze reitten auf die meuse,

 ! Ze rüeren in die leuse,

 ! Sam die löwen unverzait.

 ! Die mär habt euch von mir gesait!»

 ! Die red geviel den jungen wol,

7200

 ! Won seu îrs gmüetes waren vol

 ! Dar umb, daz in gelungen was

 ! Des vordern tags auf irem gras,

 ! Und wanden, daz in iemant icht

 ! Geschaden möcht dehainer gschicht,

7205

 ! Und sprachent all: «Daz sei getan!

 ! Wer bessers wiss, der sag es an!»

 ! Dar zuo fuor do Riffian

 ! «Der was der alten einer do)

 ! Und sprach: «Dem ding ist nicht also,

7210

 ! Sam îr nu wänt nach euwer sag,

 ! Won ich oft daz vernomen hab,

 ! Daz niemant mag einn veldestreit

 ! Gefüeren recht pei seiner zeit

 ! Dann ein hoher fürst gestalt

7215

 ! Oder einr von seinem gwalt.

 ! Dar umb mügt es gestreiten nicht,

 ! Sam des kaisers rechte spricht.»

 ! Lienhart sprechent ward vil drat:

 ! «Sag mir eins, des ich dich frag!

7220

 ! War aus sein die fürsten gmacht?

 ! Von wannen chümpt die herschaft?

 ! Sein seu nicht als wol sam wir

 ! Adams kinder? Daz sag mir!»

 ! «Trauwen,» sprach do Riffian,

7225

 ! «Es ist wol war, daz iederman

 ! Chomen ist von Adams leib

 ! Und von Evan, seinem weib!

 ! Doch sein etleich sunderbar

 ! So from gewesen (daz ist war),

7230

 ! Daz seu von dem volk derwelt

 ! Sein ze herren und gezelt.

 ! Etleich warent tugenthaft,

 ! Etleich auch gar ungeschlacht.

 ! Die tugend die prach alweg für,

7235

 ! Die bosshait chrangelt vor der tür,

 ! Sam her Noes sünen gschach:

 ! Do einr sein vater trunken sach,

 ! Do huob er sein ze spotten an;

 ! Dar umb ward er ein aigen man;

7240

 ! Und die den vatter erten do,

 ! Die wurden erber frien so.

 ! Also sein wir nicht geleich:

 ! Einr ist arm, der ander reich,

 ! Einr ein gpaur, der ander edel.»

7245

 I Do sprach Lienhart mit dem phlegel:

 I «Nu dar, daz füegt uns allen wol!

 I Won wîr sein from und tugend vol.

 I Dar zuo wir haben auch ein gsäss

 I Allen dörffern mit übermäss

7250

 I Mit einem zaun gemauret wol,

 I Dar umb ein pach rint wassers vol.

 I Zwai tor und hütten vier

 I Mit einem teuffen graben zier

 I Hat daz dorff zuo seiner maur,

7255

 I Allen veinten gar ze saur.

 I So mächtig sein wir und so reich:

 I Nie kain volk ward uns geleich.

 I Dar umb so mag ich sprechen so,

 I Sind sein mein gsellen fro:

7260

 I Bis du, Rüefel Lechdenspiss,

 I Kaiser über all gewiss

 I Und du, Walther Fleugenschaiss,

 I Künig in der Grausner chraiss!

 I Dar zuo sei auch Futzenpart

7265

 I Hertzog zuo des streites vart

 I Und sunderleich zuo einem ruom

 I Hab er sein hertzogentuom

 I In dem &as anter tal dem –as land!

 I Daz macht in über all derkant.

7270

 I Und du, Pertschi Triefnas,

 I (Ich kan dîr nicht geraten bas)

 I Marchgraf bis von Nienderthaim

 I Über alz daz gpiet gemain!

 I Graf Purkhart ist gewesen vor

7275

 I Ein graf geporn von Nidrentor.

 I In Ungern ist sein grafschaft,

 I Da man vil der grafen macht.

 I Wîr andren seigin freige herren:

 I Secht, daz kan uns niempt derweren!

7280

 I Wer dann zritter werden wil,

 I Der chum zum streit! Da macht manr vil.

 I Unser diener seigin knecht!»

 I Die jungen sprachent: «Daz ist recht.»

 ! Ruoprecht des ward lachent do;

7285

 ! Er sprach: «Nu hin, dem sei also,

 ! Daz doch nicht gewesen mag,

 ! Die weil du lebest einen tag!

 ! Dennocht schüllen wir nicht streiten

 ! Mit Nissingern ze disen zeiten,

7290

 ! Wellen wir vil recht hie pei

 ! Sehen, was der streite sei,

 ! Und des streites manig vach,

 ! Des ungerehten krieges sach.»

 ! «Das sag uns!» sprach do Farindkuo;

7295

 ! «Wir hörren dir vil gerne zuo.»

 ! Do sprach Ruoprecht ze der frist:

 ! «Wisst, der streit ein chriege ist,

 ! Der an schlahen leit und stechen,

 ! An schiessen, müsten und auch brechen!

7300

 ! So ist der streit auch manigvalt:

 ! Etleichen man gaistleich halt,

 ! Etleicher ist leipleich gar.

 ! Gaistleichs streits sein zwo schar:

 ! Die erste ist daz himelher,

7305

 ! Die sich vil chrefteleich ze wer

 ! Stellet wider Lucifern

 ! Und alle, die im volgten gern,

 ! Also daz er muosset vallen

 ! In die hell mit seinen allen.

7310

 ! Die pein er billeich leiden scholt,

 ! Won er für got sich setzen wolt.

 ! So leit die ander gaistleich schar

 ! Des streites an den pfaffen gar,

 ! Die die leut an gottes stat

7315

 ! Pannend schedleich nacht und tag,

 ! Die kirchen in dar zuo verschlahent

 ! Und auf von nutz und eren habend.

 ! Der streit mag etswen wesen guot,

 ! Etswen böss, dar nach man tuot.

7320

 ! Leipleichs streits ist zwaigerhand:

 ! Der erst ist gmain in allem land;

 ! Gen dem andern daz geschicht,

 ! So der hohe fürste vicht

 ! Oder volk von seim gewalt.

7325

 ! Das ding ist auch also gestalt,

 ! Daz der streit mit recht bestet

 ! Oder nür von gwalte get.

 ! Der ander streit ist tailsam

 ! Und geschicht oft, so der man

7330

 ! Seines lebens sich dernert.

 ! Daz ist von glük und recht beschert.

 ! Tailsam streit auch hevet an,

 ! An dem seinen so ein man

 ! Geschadgot ist von eim allain

7335

 ! Und wil sich rechen an der gmain.

 ! Das mag auch nimer recht gesein;

 ! Won allain schol leiden pein

 ! Die sele, die auch sunderbar

 ! Hat gesündet, daz ist war.

7340

 ! Ze dem dritten man in sicht,

 ! So einer mit dem andern vicht

 ! Sunderleich in einem champf.

 ! Got geb im laid mit sampt dem rampf,

 ! Der in des ersten ie derdacht

7345

 ! Und so mangen man hat pracht

 ! Umb sein leben ane sünd!

 ! Doch ficht man, sam ich euchs künd,

 ! Daz der grechte ob geleit

 ! Ofter ze der selben zeit

7350

 ! Dan der schuldig umbe daz,

 ! Won er seins rechten gtruwet bas:

 ! Daz gibt im hertz und dar zuo sterk.

 ! Doch so hörr noch eins und merk!

 ! Ander sünd die machend dik,

7355

 ! Daz er beleibet in dem strik.

 ! So kumpt der streit von manger sach;

 ! Doch, daz ich es kurtzer mach,

 ! Die sach der sachen ist vil wol

 ! Fünfer lai, die man euch schol

7360

 ! Künden eben ze dirr frist.

 ! Dar umb so wisst, die erste ist,

 ! Daz man nicht bessert übeltat

 ! Nach dem, und seu verdienet hat.

 ! Die ander daz ist voller chast,

7365

 ! Die den chriege steuret fast.

 ! Die dritte ist (vernim mich eben!),

 ! Daz wir den zehenden nicht geben

 ! Wellen unserm pfarrer;

 ! Dar umb so nimpt der söldner.

7370

 ! Die vierd ist, daz wir nicht enwellen

 ! Uns dem tiefel widerstellen;

 ! Won wer umb die sele vicht,

 ! Der achtt des leibes streites nicht.

 ! Die leste sach, dar umbe wir

7375

 ! Habent zuo der tat begir,

 ! Die kriege schaffet und auch streit,

 ! Ist, daz wir nicht rechter zeit

 ! Wissen mügen allen schaden,

 ! Den man von dem krieg mag haben

7380

 ! An sel und leib und an dem guot.

 ! Also hab auch in dem muot

 ! Von dem varen über mer,

 ! Umb daz lant ze pauwen verr!

 ! Won wer daz leiden wisset eben,

7385

 ! Der liess es alles unterwegen.

 ! Hie so mügt es merken pei,

 ! Ob euch guot ze streiten sei.»

 I Daz verredt vil schiere do

 I Eisengrein und sagt also:

7390

 I «Lechspiss uns des ersten sprach,

 I Wie recht wir hietin zuo der sach.

 I Haben wir nu recht dar zuo,

 I So schol man trachten spat und fruo,

 I Daz wir es treiben an ein end.

7395

 I Da von uns auch niemand wend!

 I Won wir schüllen er bejagen.

 I Was schadens schüllen wir danne haben,

 I Die so mächtig sein und kek,

 I Daz seu umb niemant einen zwek

7400

 I Gäbind, so es not tuot?»

 I Die rede daucht die jungen guot.

 ! Da mit so huob her Pilian

 ! Auch sein widerrede an,

 ! Won er auch ein alter was,

7405

 ! Der sich verwisst auf kriege bas,

 ! Und sprach: «Wisst, daz niemant schol

 ! Im selb so gar getruwen wol,

 ! Won kainr so stark ist noch so reich,

 ! Er vinde dannocht sein geleich!

7410

 ! So spricht man auch nach harscher ler:

 ! Der veldstreit haben wil ein her

 ! Ze fuoss auf siben tausent man

 ! Und hundert, ob mans zellen kan.

 ! Und siben hundert schüllen sein

7415

 ! Geritten nach der zale mein,

 ! Dannocht mer auf neunzehen:

 ! Die schol man pei enander sehen

 ! Schon gewappent gantz und gar.

 ! Der schützen sei ein michel schar,

7420

 ! Die sich machin vor hin an,

 ! Die veint ze schlahen verr hin dan.

 ! Nu dar, daz habt ir alles nicht:

 ! Dar umb so ist der streit enwicht.»

 ! Juncher Haintz sprang auf von zorn

7425

 ! Und sprach: «Sim, siha, durch ein horn!

 ! Wil uns nu der gemessens geben,

 ! Wie man schol ze streitten leben?

 ! Ich han von reken streit gehört,

 ! Von Alexanders hie und dört,

7430

 ! Der Trojaner gantz und gar

 ! Mit den Kriechen hin und dar

 ! Und der Römer dort und hie:

 ! Ich vernam des zellens nie.

 ! Dar umb so wisst und ist mein rat:

7435

 ! Der nicht auf zehen tausent hat

 ! Gewappenter zuo seinem streit,

 ! Der chüm gegangen mit eim scheit,

 ! Mag er nicht gevaren bas,

 ! Und schlach die veinde in das gras!

7440

 ! Ein pfefferchorn vil rässer ist

 ! Dann ein grosser hauffen mist.»

 I Da mit so kam fro Laichdenman

 I Für die tür und chlochet an;

 I Des ward sei in gelassen do.

7445

 I Sei gie hin für und sprach also:

 ! «Vorhin wisst ich alweg wol,

 ! Daz chain weiser chomen schol

 ! Von im selber zuo dem rat,

 ! Dar man in nicht gepetten hat.

7450

 ! So waiss ich nu hin wider daz:

 ! Ob einer mag geraten bas

 ! Dann ein andrer zuo der gschicht,

 ! Die in an so grössleich trifft,

 ! Des hat er recht und dar zuo er.

7455

 ! Dar umb so pin ich chomen her

 ! Und sag euch auch die taiding mein

 ! Mit manger clag von grossem pein,

 ! Den ich an meinem hertzen trag.

 ! Unser maiger ist ein knab

7460

 ! Und der rat von jungen leuten;

 ! Daz mag uns anders nichtz beteuten,

 ! Dann sam ich es geschribens vind:

 ! We dem lande, daz ein kind

 ! Haben muoss ze einem herren!

7465

 ! Won das wil ich ieso sweren:

 ! Schol daz streiten fürsich gen,

 ! Diss dorff vil wenich mag besten

 ! Einen tag, daz waiss ich wol.

 ! Es wirt verprent zuo einem kol,

7470

 ! Dar zuo daz guot geraubet gar

 ! Und, ob ich es gesprechen gtar,

 ! Daz kind in seiner muoter leib

 ! Dermürdet wirt mit sampt dem weib,

 ! Die man derschlagen und gevangen,

7475

 ! Dar zuo höch embor derhangen.

 ! Daz hab ich allessampt gelesen

 ! In der gschrift und muoss auch wesen;

 ! Won die Nissinger die sind

 ! Des planeten Marten kind.

7480

 ! Das mügt es dar an spüren wol,

 ! Won îr dorff ist smiden vol;

 ! Der fläschhaker seu habent vil,

 ! Die der sterne haben wil.

 ! Da mit so wîrts am eritag:

7485

 ! Der ist auch sein, sam ich euch sag.

 ! So ist dar zuo der selbig stern

 ! In seinem haus (da stet er gern),

 ! Daz ist in dem himelstier:

 ! Da ist er auch wol sterker zwier,

7490

 ! Trun, dann ob des nicht enwär.

 ! Dar zuo so sag ich euch die mär:

 ! Dem sternen Venus ist gegeben

 ! Sunderleichen unser leben.

 ! Daz mügt es sehen also drat,

7495

 ! Won diss dorff nür weber hat

 ! Und auch sneider über all;

 ! Die schätzet man in seiner zall,

 ! Daz seu sein kinder schüllen sein.

 ! So hat der sterne auch den pein,

7500

 ! Daz er widersinnigs get

 ! Und in dem himeltarant stet.

 ! Er hat ein böseu angesicht:

 ! Daz saumpt euch zuo der geschicht.

 ! Dar umb, vil lieben kinder mein,

7505

 ! Daz îr vil sälich müessin sein,

 ! Massent euch des streites

 ! Und wartent bessers zeites,

 ! Wolt îr behalten leib und sel,

 ! Chinder, weiber, guot und er!»

7510

 I Do nu diseu red geschach,

 I Wie greuleich Niggel gen îr sach

 I Und sprach: «Get aus, îr alteu hüer!

 I Daz euch der übel gaist enphüer

 I Mit ewerm sternensehen!

7515

 I Ich wil dir des verjehen:

 I Wär ein stieg in disem haus,

 I Du müessist vallen ab und aus.»

 I Laichdenman die lieff da hin

 I Und liess den jungen iren sin.

7520

 ! Colman was ein weiser &a pach –a,

 ! Dar umb er haisse wainend sprach:

 ! «Nu dar, vil lieben herren guot,

 ! Sagt, wes habt îr noch ze muot?»

 ! Des sprachen do die jungen gmain:

7525

 ! «Wir wellen streiten umb daz ain,

 ! Daz wir der alten ketzern tant

 ! Mügin pringen zeiner schand.

 ! Das seu der haher müesse streken,

 ! Schüllens uns also derschreken!»

7530

 ! Colman sprach: «So tuot so wol

 ! Und sent umb hilfe, sam man schol

 ! Tuon in sölher grossen not!

 ! Daz ding ist nicht ze verr dem tod:

 ! Es ist nicht umb einn riem allain,

7535

 ! Wisst, es gilt die haut gemain!

 ! Secht, das mag euch schaden nicht!

 ! Won die weishait also spricht:

 ! Den freund man in den nöten mag

 ! Versuochen bas dann ander tag.

7540

 ! So tuot uns bitten auch nicht vil;

 ! Ob einr uns nicht herhören wil,

 ! Dar umb so tuot er uns kain we

 ! Und wissent dar zuo bas dann e,

 ! Wer uns getreuw ist oder nicht,

7545

 ! Daz man sich auch dar nach verricht.

 ! Dar zuo ist des streites recht,

 ! Daz man den veinten send ein knecht

 ! In einem rosenvarwen tuoch

 ! Mit swert und auch mit hantschuoch,

7550

 ! Gesprenget ser mit rotem pluot.

 ! Daz ist ze einem zaichen guot,

 ! Daz man vechten mit in well.

 ! Dar zuo widersait der gsell

 ! Irem leib und irem guot,

7555

 ! Daz seu sich dester bas in huot

 ! Haben schüllen: so tuot îr,

 ! Welt ir haben streites gîr!»

 I Diss geviel den jungen allen

 I Und schreuwen auf mit grossem schallen:

7560

 I «Sim, daz wär joch uns ein gnad,

 I Daz Colman so gesprochen hat!»

 I Und santten drat den mesner hin

 I Zuo den veinten in dem sin,

 I Daz er die märe scholte sagen

7565

 I Und daz er von in würd zerschlagen;

 I Won sei truogen hass gen im.

 I Das cham im alles ze gewin,

 I Won er gen Nissingen do kam

 I Und huob also sein rede an:

7570

 ! «Mein herr, der maiger, und der rat

 ! Von Lappenhausen ieso drat

 ! Haben mich zuo euch gesant,

 ! Daz ich euch machen schol bekant

 ! Iren gruoss nach dem, und îr

7575

 ! Verdienet habt: daz glaubent mîr!

 ! Dar zuo ich euch widersag,

 ! Ewerm leib und euwer hab,

 ! Von meinen herren allen sampt.

 ! Den häntschuoch nempt in ewer hand

7580

 ! Und auch daz pluotig swert dar zuo,

 ! Ze weren euch des morgens fruo!

 ! Auf dem Nissvelt pei der linden

 ! Da wellen seu sich lassen vinden.»

 ! Do die potschaft was gesagt,

7585

 ! Strudel der was unverzagt

 ! Und sprach: «Du macht ein gselle sein:

 ! Se hin den esel, der sei dein!

 ! Ze pottenprot den gib ich dir

 ! Von meinen purgern und von mir;

7590

 ! Won du hast uns wol gemuot

 ! Gemacht mit deinen mären guot.

 ! Trag hin swert und hantschuoch

 ! Und sag in auch den unsern fluoch!

 ! Won mit unsern aignen swerten

7595

 ! Wellen wîr seu all zerserten,

 ! Kämin seu nür an die stat,

 ! Da seu uns hin habend gladt.»

 I Der rache ward der botte fro.

 I Gieng er vor, des rait er do

7600

 I Gen Lappenhausen wider haim

 I Und sait die antwürt allen gmain.

 ! Des wurden seu von fröden springend,

 ! Wüetend ser und dar zuo singend

 ! Und santten hin von gmainem rat

7605

 ! Also schier und auch gedrat

 ! In die pesten stete so,

 ! Die man vinden mocht aldo.

 ! Rom die erste was genant,

 ! Gelegen in Campanier lant.

7610

 ! Venedi sei die ander

 ! Und dar zuo Prugg in Flandern.

 ! Galitzi hat Compostellan,

 ! Navarr allaine Pampilon,

 ! In Cathaloni Barsalon;

7615

 ! Die gröst in Spangen ist Sibili

 ! Und in Provincia Marsili,

 ! Palerm der insel ze Scicili,

 ! Napels in dem chüngreich;

 ! Parr litt in Püllen: die geleich

7620

 ! Ligend alle an dem mer;

 ! Daz selbig tuond auch Januer

 ! Mit ainer statt, die haisst Schavon,

 ! Dar zuo in der March Ancon:

 ! Die ligend auch dar an vil schon.

7625

 ! Constantinopol sei derkant

 ! Den kindern dört ze Chriechenland.

 ! Ze Zippern in der inseln ist

 ! Famagost ze aller frist.

 ! Majorica mit seinem strich

7630

 ! Hat ein insel auch für sich.

 ! Das ertreich ker ich wider an:

 ! Es ist Florentz in Tuscan,

 ! Paraus und auch Asseis,

 ! Laugg, die Hohe Sien und Peis.

7635

 ! Boloni, Pern und Mailan

 ! Ein Lamparter dir zaigen chan,

 ! Dar zuo Padaw und Ferrär,

 ! Ist dir fragen nicht ze swär.

 ! In Freiaul ist Weiden:

7640

 ! Der was auch nicht zfersweigen.

 ! Peuschendorff an underlass

 ! Phligt der besten lantstrass.

 ! Potzen daz leit an der Etsch,

 ! Tirol dar zuo, die herrenfest.

7645

 ! In Sophoi ist Losan;

 ! Pareis in Franchreich wol getan,

 ! Tolosen und auch Montpalier

 ! Sein der steten drei vil zier.

 ! Leuden in Prabanden,

7650

 ! Köln in Niderlanden,

 ! Wurms und Speir, Triel, Mäntz und Ach

 ! Die ligend all enander nach

 ! Pei dem Rein, sam Basel tuot.

 ! Dar zuo Costentz die vil guot

7655

 ! Liget in dem land ze Swaben

 ! (Von Ulme schol man dar zuo fragen

 ! Und von Augspurg auch da pei,

 ! Welheu da die beste sei)

 ! Und Zürich auf der Lintmag,

7660

 ! In der Steirmarch Neuwenstat,

 ! In Elsäss Rastet, Strasspurg

 ! Und in Türing Erdfurt.

 ! In Franchen vint man Wîrtzpurg

 ! Und den markt ze Frankenfurt.

7665

 ! Pabenberg schol man da kiesen

 ! Und Münster suochen pei den Friesen,

 ! In Spenvelden Nürenperg.

 ! Prag daz leit auf Pehmer erd,

 ! Prünn in Märhern an der March,

 !

7670

 ! In Paiern Regenspurg die starch,

 ! Saltzpurg, München die vil reich;

 ! Passaw ist doch îr geleich.

 ! Wien in Osterreich ist gwachsen,

 ! Halberstat daz stet in Sachsen.

7675

 ! Meichsen ist ein stat allain

 ! Und hat ein march für sich gemain.

 ! Ofen, Gran und Prespurg

 ! Ligent auf der Ungern furt.

 ! Chrakaw ist in Polner reich

7680

 ! Und auch Presslaw sein geleich.

 ! In Kärndern vint man Villach

 ! Nicht gar verr von Friesach.

 ! Preussen und auch ändreu land

 ! Sein mir nicht so wol bekant;

7685

 ! Dar umb ich nicht genennen chan

 I Îr stett und ker hin wider an,

 I Da ich der gpauren botten liess,

 I Chürtzleich, daz euch nicht verdriess.

 I Die stett die brief vernament.

7690

 I Wie schier sei zemen kament,

 I Ze bedenken sich vil eben,

 I Wem man scholte hilfe geben!

 I Und do der taiding vil geschach,

 I Der senador von Rom der sprach:

7695

 ! «Lamparter sein weis genuog,

 ! Die von Franchreich sunder chluog,

 ! Teutscher man ist auch gelert;

 ! Dar umb sei in die er beschert:

 ! Was der priol von Florentz

7700

 ! Und der amman von Costentz,

 ! Von Pareis der haubtman

 ! Sprechent, daz sei alz getan!»

 ! Der priol «Des ist mir ze vil»

 ! Sprach, «doch nicht, sam ich da wil,

7705

 ! Sunder, was îr wellt, daz sei!

 ! Und leg ein wörtli aus da pei,

 ! Daz ein weiser sprach, daz ist:

 ! Besser ist ze aller frist,

 ! Ze rechten zwüschen veintten zwain

7710

 ! Danne zwüschen freuntten gmain;

 ! Won der freunden ich verleur

 ! Ainen: des chüm ich ze teur;

 ! Der veintten mag ich gwinnen ain

 ! Ze freunt: daz ist, daz ich da main.

7715

 ! Also mag ich sprechen hie:

 ! Iederman der waiss wol, wie

 ! Unser freunt sein Nissinger

 ! Also wol sam Lappenhauser;

 ! Die schol man nicht also verliesen

7720

 ! Und den andern tail derchiesen

 ! Zuo unserm grossen ungewin:

 ! Das dunket mich in meinem sin.»

 ! Der haubtman auch gefraget ward;

 ! Der äntwürt ze der selben vart

7725

 ! Und sprach: «Her priol hat geredt

 ! Also weisleich hie ze stett,

 ! Daz ich nicht bessers han ze sin;

 ! Dar umb so wil ich volgen im

 ! Und bewären sein geticht

7730

 ! Mit andrer red, die also spricht:

 ! Ist ein man auf hälem eis,

 ! Der ge vil gmach, so ist er weis,

 ! Und hab sich auf entwedern tail,

 ! So vert seine strass mit hail!

7735

 ! Also rat ich ze der sach,

 ! Daz wir beleiben mit gemach.

 ! Daz mügen wir auch sanft getuon,

 ! Won wir weder frid noch suon

 ! Prechent an den dorffgesellen,

7740

 ! Ob wîr in nicht envolgen wellen,

 ! Und behalten ane schuld

 ! Den andern tail in gantzer huld.

 ! Doch so leg ich eins dar zuo,

 ! Daz man da sprichet spat und fruo:

7745

 ! Verfluochet sei die maisterschaft,

 ! Die chupfer aus dem silber macht!

 ! Dar umb so schüllen wîr die botten

 ! Schon enphahen ane spotten

 ! Und in es auch derbieten wol,

7750

 ! Sam man frömden gesten schol

 ! Und voll, die also sein gesant

 ! Mit botschaft in ferreu lant,

 ! Da mit so Lappenhauser sag

 ! Züchticleichen sagen ab

7755

 ! Und sprechen, wie îr alteu treuw

 ! In unsern hertzen ist so neuw,

 ! Daz wir tätin an gevär

 ! Alles das, das billeich wär;

 ! So ist der edeln leuten muot

7760

 ! So haiss auf unser leib und guot,

 ! Daz wir von unsern stetten nicht

 ! Varren mügen ze der gschicht.

 ! Dar umb wir bitten ire huld,

 ! Daz seu uns halten ane schuld.»

7765

 ! Dar nach man vil sere batt

 I Den glerten amman von der stat

 I Ze Costentz an dem Podemse,

 I Ob er ichzit wisset me

 I Für die andern, daz er das

7770

 I Saget wol und rieti bas.

 ! Des huob der amman an und sprach:

 ! «Die vorhin rieten zuo der sach,

 ! Sein so gerechte an îr sag,

 ! Daz ich es nicht verbessern mag

7775

 ! Von nataur in meinem sin;

 ! Doch, sam ich geleret pin

 ! Von einem, der was ein jurist,

 ! Sprich ich, daz die hilfe ist

 ! Zwivaltich nach rechter chunst:

7780

 ! Daz ist der schîrm und auch der gunst.

 ! Ze schirmen sein wir alle gpunden

 ! Einen cristan ze den stunden,

 ! So man im vil unrecht tuot

 ! An leib, an er ald an dem guot;

7785

 ! Doch geschech das in der mass,

 ! Daz man allermänchleich lass

 ! Ungeschlagen und –gestochen:

 ! Won daz würd an uns gerochen,

 ! Ob der so geschlagen man

7790

 ! Wär eins andern undertan.

 ! Des gunstes vint man dreier lai:

 ! Des sein der rat, der gwalt die zwai,

 ! Mitwürchen ist daz dritt.

 ! Rates schol man helfen mit

7795

 ! Iedem man, der sein begert,

 ! Ist sein sache rates werd.

 ! Tuot dann einer, daz er schol,

 ! Dem schüllen wir mithellen wol

 ! Und im geben also bald

7800

 ! Unsern gunst und unsern gwalt.

 ! So mügen wir auch würchen mit

 ! Einem, phligt er guotter sitt

 ! Und schafft es wol ze rechten stunden.

 ! Doch sein wîr sein nit gepunden,

7805

 ! Wen die hilfe haben wil

 ! Müe und auch der zerung vil,

 ! Es wär dann, daz der selbig man

 ! Uns ein söleichs hiet getan

 ! Oder tät von hertzen gern,

7810

 ! Woltin wir sein nicht enbern.

 ! Die täding schol man doch versten,

 ! Ob sich das dinch mag so vergen,

 ! Daz wir auch weder er noch leben

 ! Müessin mit der hilfe geben,

7815

 ! Ald daz ainer nicht da pei

 ! Wolt der pfaffhait werden frei,

 ! Oder ob das helfen wär

 ! Unsern freunden nicht ze swär;

 ! Den schüll wir missevallen nicht,

7820

 ! Sam die tugent uns vergicht.

 ! Wärind aber paideu tail

 ! Unser freunt ze gleichem hail,

 ! So schüllen wir daz schaiden

 ! Zwüschen inen paiden.

7825

 ! Mag mans dann nicht untersten,

 ! So schol man zuo dem ermern gen

 ! Und in schîrmen, hat er recht.

 ! Secht, das duncht mich alles schleht!

 ! Sein seu aber baid geleich

7830

 ! An irem willen gar ze reich,

 ! So lassen wir seu also rüeg,

 ! Bis seu selber werden müed!

 ! Und was ich von den freunden sprich,

 ! Daz macht du merken hintersich

7835

 ! Von den veinten nach der welt,

 ! Die die sel verkauft um gelt.

 ! Also wisst, daz ist mein rat,

 ! Daz wir senden ieso drat

 ! Mit îr potschaft unser zwen,

7840

 ! Die mit worten untersten

 ! Schüllen güetleich, ob seu mugend,

 ! Iren streit mit gantzer tugend.

 ! Und ob ir täding nicht enklek,

 ! So lassin wîr die spreuwersek

7845

 ! Vechtens werden übervol,

 ! Ob es euch gevellet wol!»

 I Der hertzog von Venedi sprach:

 I «Besser red noch nie geschach.»

 I Dar zuo sagt der potestat

7850

 I Von Padaw: «Daz ist mein rat.»

 I Von Prag der schepfen warend drei;

 I Die sprachen all: «Daz sei, daz sei!»

 I Also ward ieso ze hand

 I Îr erber potschaft hin gesant

7855

 I Gen Lappenhausen zuo dem rat.

 I Ir taidinch huobens an vil drat

 I Umb den frid ze reden do.

 I Des ward geantwürt in also:

 I «Sagt den ewern von den steten,

7860

 I Wir haben seu umb hilf gepetten

 I Und nicht umb frid ze machen!

 I Dar umb wir in den sachen

 I Zuo allen heiligen sweren,

 I Îr gpiet auch nicht ze eren.»

7865

 ! Die botten hin was scholtens sagen?

 ! Seu möchten vor gewisset haben,

 ! Daz ein gpaur vil selten tät,

 ! Wes man in mit züchten pät,

 ! Dem daz haubet grosset gar,

7870

 ! So man in gebitten gtar,

 ! Und tuot allaine, daz er muoss;

 ! Gewalt der ist sein rechteu buoss.

 ! Daz ward dem Höseller ze swär

 ! Und gedacht, wie besser wär

7875

 ! Im auf frömder erde leben

 ! Dann da haim des todes phlegen;

 ! Des macht er haimleich sich dar von,

 ! Sam noch die weisen sein gewon.

 I Die andern santen ieso hin

7880

 I Zuo den dorffen in dem sin,

 I Daz man in ze hilfe chäm.

 I Daz erste dorff was Narrenhäm:

 I Da hiettens mangen ohaim inn.

 I Daz ander dorff hiess In-der-Chrinn.

7885

 I Seu santen hin zuom weiler,

 I Den hiess man Rupfengeiler,

 I Gen Torenhofen in dem tal

 I Zuo iren freunden über al,

 I Gen Leusaw unterm Höperg:

7890

 I Da sassen häxen und auch twerg.

 I Vil nach da pei auf grüenen wisen

 I Sassen reken und auch risen.

 I Do hietens umb und umb gesant,

 I Dar zuo in der haiden land.

7895

 ! Die Juden und die Chriechen

 ! Hielten sei für siechen

 I Und für nunnen zuo der gschicht;

 I Dar um so wolten seu îr nicht.

 I Des dauchten sich die häxen gmait:

7900

 I We, wie schier seu waren brait!

 I Iecleicheu sass auf ein gaiss

 I Und flog da her, daz ich nicht waiss,

 I Weder tiefel in îr wär,

 I In einem phät, daz was nicht swär,

7905

 I Dar an ir gmaines zaichen was:

 I Pelsabuken chrumbe nas.

 I Ze Lappenhausen fuorens ein

 I Mit langen pürsten von dem swein

 I Und mit püchsen vol mit salb:

7910

 I Das muostens haben allenthalb.

 I Daz wissten nu vil wol die twerg,

 I Gesessen in dem Höperg,

 I Und wolten mit den häxen nicht

 I Wesen ze der selben gschicht;

7915

 I Won seu mainten sei nicht wol.

 I Des warens auch der sinnen vol

 I Und ieder mit seim mantel veh

 I Ward sich setzent auf ein reh.

 I Die sprungen höch, den häxen zdratz,

7920

 I Bis gen Nissingen ann platz.

 I Die wappen fuort man in vil gach

 I Auf hohen chämeltieren nach.

 I Îr zeichen was ein chronter löw

 I Mit einem spruch: «Mir niemant tröw!»

7925

 I Vor inen farnder leuten vil

 I Mit pfeiffen und mit saitenspil

 I Dönten sunderleichen wol;

 I Die freunt seu machten fröden vol.

 I Hie mit und auch die risen her

7930

 I (Ieder fuort ein isensper)

 I Und mit irem chlainet schön:

 I Daz was ein drake also hön.

 I Des dratten seu in siben schritten

 I Gen Lappenhausen bis enmitten

7935

 I Auf den plan; des was man fro.

 I Daz sahent so die reken do,

 I Den die risen truogend hass,

 I Und bedachten sich auch bass,

 I Ze Nissingen ze varen ein.

7940

 I Secht, daz gschach und scholt auch sein!

 I Iecleichs swert was lang und prait,

 I Dar an des stahels vil gelait.

 I Daz seu do fuorten zuo eim schein,

 I Daz was einr maget bild so vein.

7945

 I Die haiden wisten auch vil wol,

 ! Mit we der man sich rechen schol,

 ! Und do sei hieten so gehört,

 ! Wie der cristan minn zerstört

 ! Was, des wurden seu vil fro

7950

 ! Und sprachen gen enander so:

 ! «Veint mit veinten temmen schol

 ! Ein man, der sich wil rechen wol.»

 I Des zoh îr her ein michel diet

 I Bis in Lappenhauser gpiet,

7955

 I Etleich zfuoss, die andern zross,

 I Mit iren krölen und îrm gschoss,

 I Mit einem sternen sampt dem man:

 I Der wappen wurdens selten an.

 I Wes scholten do die Sweitzer warten?

7960

 I Mit îren gschliffenn helmparten

 I Cham îr her ein michel tail

 I Nür den Nissingern ze hail.

 I Etleich do ze fuosse giengend,

 I Die andern auf den sätteln hiengend.

7965

 I Seu waren frais und dar zuo übel.

 I Îr paner hiet einn melchkübel

 I Von dem dorff ze Aurach,

 I Daz allweg für die andern prach.

 I Narrenhaimer auch da hin

7970

 I (Gen Lappenhausen stuond îr sin)

 I Mit iren oren von dem esel:

 I Der dauchtens sich nicht wenig edel.

 I Hakken truogen seu ze wer:

 I Die schluogen vast und heuwen ser.

7975

 I Torenhofner auch hin zuo.

 I Den zagel fuortens von der kuo

 I Und kamen her gegangen

 I Mit eim und dreissig mannen,

 I Iecleicher mit seinem stab,

7980

 I Mit dem er grosse peullen gab.

 I Fünfzig waren chomen dar

 I Von Narrenhaime sunderbar.

 I Der haiden tausent was und me

 I Chomen auf der cristan we

7985

 I (Ir haubtman hiess her Mägeron),

 I Gewappent all mit leder schon.

 I Der risen warend siben:

 I Den ersten hiess man Sigen,

 I Den andern namp man Egge,

7990

 I Der dritte was der Wegge,

 I Der vierd Golias was genant,

 I Dem fünften sprach man Ruolant-n;

 I Reimprecht und der schön Siren

 I Warend do die lesten zwen.

7995

 I Hächel zaubermaisterein

 I Hiet der faigen fräwelein

 I Einlfhundert gzöhet dar.

 I Do was der Lappenhausner schar

 I Zwelff und dreu hundert

8000

 I So grad, daz mich des wundert,

 I Was seu hietin gessen.

 I Seu waren unvermessen

 I Ieder mit seinr lantzen hie

 I Ze ross und zfuoss, ich waiss nicht wie,

8005

 I Also daz ir über al

 I Warend da nach meiner zal

 I Zwai tausent streiter frei

 I Und fünf hundert auch da pei.

 ! Die ander dörffer koment nicht

8010

 ! Und sprachent, daz zuo der geschicht

 ! Besser wär ein luogen zuo

 ! Rüewecleichen spat und fruo

 ! Also schlaffent pei der want

 ! Dann selber spilen mit der hant.

8015

 I Doch so ward in zuo gesant

 I Von In-der-Crinn, dem teuffen land,

 I Ein alter man und dar zuo gra;

 I Nicht mer so vand man îr auch da.

 I Der wolt auch sein ze ritter worden:

8020

 I Also wol gfiel im der orden.

 I Des ward verworffen er ze stund.

 I «Sim, was schol uns der schebig hund?»

 I Sprachen seu. «Ker wider häm!

 I Du pist den jungen ungenäm.»

8025

 I Des wär auch chomen her Gawan,

 I Ein ritter werd von Montalban,

 I Lantzelott und her Tristan,

 I Stolff und ander herren gmain:

 I Do muosten seu îr schlosse retten

8030

 I Und andreu güeter vor den steten.

 I Her Büggel doch von Ellerpach,

 I Den man nie verligen sach,

 I Hiet ze streiten im derkorn:

 I Do was er dannocht ungeporn.

8035

 I Des waren chomen in der zeit

 I Den Nissingern zuo irem streit

 I Mätzendorffer ungebetten.

 I Die sach man grimmeleichen tretten

 I Sam die zieren fiessen

8040

 I Mit baslern und auch spiessen.

 I Ieder auf seim wappenroch

 I Fuort einn igel auf eim stok.

 I Seu waren chomen umb ein sach,

 I Die vor hundert jaren gschach;

8045

 I Daz was ein schad und ein verratten,

 I Daz die Lappenhauser taten

 I Iren vordren umb ein stro:

 I Daz wolten die erst rechen so.

 I Der andern dörffern kainer cham

8050

 I Dan von Leibingen ein man

 I Vil jägerleichen mit eim horn;

 I Er hiet der veinten tod gesworn.

 I Ein rostigs pantzer truog er an,

 I Ein furggen auch, da mit der man

8055

 I Gab, so er wolt rüeren sich,

 I Wunden drei in einem stich.

 I Mätzendorffer der was vil

 I Und, sam ich euch es sagen wil,

 I Wol auf neun und sibentzig do:

8060

 I Daz wurden eben achtzig so.

 I Der Sweitzer was auf hundert knecht,

 I Dannocht zwäntzich: daz macht recht

 I Zwirent hundert als ein har.

 I Do was der reken sunderbar

8065

 I Vier allain; die nenn ich dir:

 I Es was der der Perner (glaub es mir!)

 I Und sein maister Hiltprant,

 I Dietleib von Steirland

 I Und der werd Wolffdietreich.

8070

 I Secht, do was der twergen gleich

 I Tausent neuntzig und auch acht!

 I Nu secht vil eben, waz daz macht!

 I Der von Nissingen man hiess

 I Rechter harscher sechtzig spiess

8075

 I Reiten auf den platz da her.

 I Da zellet man ze iedem sper

 I Dreu phert beraitet wol,

 I Sam ein lantze haben schol.

 I Secht, do hiet ein man gesehen

8080

 I Ze hundert malen dreizehen

 I Und sechzig erbrer über al!

 I Der andern warent ane zal

 I Ze paiden tailen komen dar

 I Von sakman und preganten schar,

8085

 I Von schützen und schiltknechten:

 ! Die hulfend auch ze fechten.

 I Die geste wurden schon enphangen

 I Von den frauwen und den mannen.

 I Man hiess in allen zdrinken geben.

8090

 I Wes scholten seu do fürbas pflegen?

 I Der wein in zuo den stirnen schluog;

 I Des wüstens auf vil ungefuog

 I Und wolten ze der selben stund

 I Die veint erwürgen sam die hund.

8095

 I Trun, daz wär leicht do getan!

 I Da zugen seu die alten von.

 ! Die Nissinger mit grossem schall

 ! «Her zuo, îr herren!» schreuwens all,

 ! «Seit ze streitten nicht so gäch!

8100

 ! Wir schüllen haben ein gespräch

 ! Und auch kümen über ain,

 ! Was uns sei ze tuon gemain.»

 ! Des waren seu gehorsam do.

 ! Strudel macht sich aufhin so

8105

 ! Übersich bis auf ein tach;

 ! Er huob sein rede an und sprach:

 ! «Hört, îr herren arm und reich,

 ! Chlain und gross und all geleich!

 ! Got, der alleu ding tuot

8110

 ! Uns ze hail und auch ze guot,

 ! Geit dem sünder oft ein pin

 ! An dem leib und an dem sin,

 ! Daz er sich dest e beker.

 ! Dar umb so wisst, es ist mein ler,

8115

 ! Daz wir alle cristan gmain

 ! Peichtig werdin gantz und rain!

 ! Das pin ich nicht ze sagen worden,

 ! Daz wîr die veinde schüllen bsorgen,

 ! Die so lös sein und so zag,

8120

 ! So bös und närrisch alle tag;

 ! Ich sprich es nür allain umb das,

 ! Daz wir got behagin bas;

 ! Won ist er mit uns allain,

 ! Niemand zeucht uns umb die pain.

8125

 ! Dar nach schüllen wîr auch all

 ! Fröleich essen und mit schall

 ! Prot und flaisch von einem swein,

 ! Dar zuo trinken roten wein:

 ! Daz git uns chraft und dar zuo macht.

8130

 ! Nach dem schol man gen der nacht

 ! Ziehen auss hin auf daz veld,

 ! Ze richten hütten auf und zelt.

 ! Da schüllen wir auch all beleiben,

 ! Die nacht vil rüewechleich vertreiben,

8135

 ! Doch mit guoter wart und feur,

 ! Bis an den liechten tag geheur.

 ! Dar nach so mach sich ieder man

 ! Auf und leg sein härnäsch an

 ! Und segen sich; er sauff ein ai,

8140

 ! Dreu ald viereu oder zwai

 ! Mit einem glas von guotem wein:

 ! Das hilft im zuo den nöten sein!

 ! Des mach er sich ie so hin an

 ! Zuo seinem rechten haubtman,

8145

 ! Der hie fünfe schüllen sein!

 ! Der erste sei her Laurein,

 ! Ein künich lobesam und werd,

 ! Gewaltig über alle perg.

 ! Der ander ist her Dietreich

8150

 ! Von Pern, dem nie kain man geleich

 ! Ward an tugend und an macht;

 ! Des haben auch die reken acht!

 ! Doch sein seu all so wol getan,

 ! Daz ieder möcht ein haubetman

8155

 ! Über all die welt gesein:

 ! Das sprich ich auf die treuwe mein.

 ! Der dritte haubtman ist gerait

 ! Der fraidigest der cristenhait;

 ! Er ist ein fiess vil wol derkant:

8160

 ! Her Paggenzan von Sweitzer land,

 ! Der von Aurach hie mein herren

 ! Hat gefüeret so von verren.

 ! Der vierde haubtman ist der stark

 ! Von Mätzendorffe aus der March,

8165

 ! Der des streitens gar vil phligt

 ! Und in allen an gesigt.

 ! Der von Leibingen der sei

 ! Sein selbers herr, ein degen frei!

 ! So pin ich auch dirr purger hie

8170

 ! Haubt und maister – got wiss wie!

 ! Gar unwirdig ich sein pin,

 ! Sam mich dunkt in meinem sin.

 ! So müess meim nefen auch gelingen!

 ! Der ist der best von Nissingen

8175

 ! Und ist gehaissen Fülizan.

 ! Des rüem ich nicht: er ghört mich an.

 ! Man mag es sehen an seinr tat,

 ! Was der man im hertzen hat.

 I Der ist von uns dar zuo derwelt,

8180

 I Ist, daz es euch auch gevelt,

 I Daz er durch ewer nutz und er

 I Füerer sei und weis daz her

 I Mit unserm paner an daz zil,

 I Da man des morgens streiten wil,

8185

 I Won er der strassenkunst ist vol.»

 I Seu sprachen all: «Daz gfelt uns wol.

 I Wer schol aver pilleich haben

 I Den vorstreit? daz schült îr uns sagen!»

 I Trun, des antwürt Strudel do:

8190

 I «Unser ordnung sei also:

 I Hie sind cristan, twerg und reken;

 I Die schüllen sich ze velde streken

 I Ze ross und fuosse gantz und gar

 I Sunderleich, auf fünf schar,

8195

 I Als vil sam auch der haubtleut.

 I Dar zuo wisst, sam ich euchs bteut:

 I Der veinten gsind daz ist geschaiden

 I In häxen, risen und in haiden,

 I Dar zuo habens cristan her,

8200

 I Wol auf sechse schar und mer.

 I Nu sagt mir an (daz wisst îr bas):

 I Wen habt es allermaist in hass?

 I Dem schült îr auch des streites geben:

 I Das ghört dar zuo und füegt euch eben.

8205

 I Ich waiss wol, daz ze aller zeit

 I Der Sweitzer ist der vorstreit

 I Von îren alten rechten,

 I Wann seu mit cristan vechten.

 I Der twergen gwonhait waiss ich nicht

8210

 I Noch der helden, so man vicht.

 I Seu sein aller eren vol;

 I Got geb, was in füegi wol!»

 I Der rede wurdens alle fro;

 I Des sprachen do die twerg also:

8215

 I «Kain häxe noch kain unhold

 I Ward uns nie mit trüwen holt.»

 I «Nu dar, so macht euch an den streit,

 I Wan seu chöment welher zeit!»

 I Sprach do Strudel an der vart.

8220

 I Der reken tail auch schreient wart:

 I «Die risen mainen wir nicht wol;

 I Won seu sind aller bösshait vol.»

 I «Der schült îr auch gepeiten,

 I Bis daz seu werden streiten,»

8225

 I Antwürt Strudel ze der stund.

 I Die Sweitzer ruoften aus dem mund:

 I «So wisst, wîr seigin cristan leut

 I Und lust uns wol der haiden heut!»

 I «So nemps auch hin!» sprach Strudel do.

8230

 I «Doch so rat ich euch also,

 I Daz iecleicher ein segen hab

 I Und sneid die pain den kätzern ab.»

 I Mätzendorffer auch hin zuo:

 I «So wisst, wir hassent spat und fruo

8235

 I Lappenhauser, daz ist war!»

 ! Do sprach Strudel offenbar:

 ! «Die schüllen werden uns ze tail:

 ! Seu sind uns umb kain gelte vail.

 ! Doch so mag ich also sprechen:

8240

 ! Wolt es euch an inen rechen,

 ! So greifft die Narrenhaimer an!

 ! Won es spricht der weise man:

 ! Wer die diener füeret hin,

 ! Der füert den herren sampt mit in.»

8245

 ! Mätzendorffer sprachent do:

 ! «Das selbig schült es tuon also,

 ! Sam îr von uns halten welt:

 ! Daz haben wir für recht gezelt.»

 ! Strudel der hiet weisen muot.

8250

 ! «Daz wär vil pilleich und auch guot,»

 ! Sprach er, «so ist îr ze vil;

 ! Dar umb man euch nicht lassen wil

 ! So verderben noch enschol;

 ! Won wir wissen alle wol:

8255

 ! Wer euch schlüegi auf den tod,

 ! Der prächt uns in die selben not.»

 ! Des liessen seu sich auch benüegen.

 I Fülizan der ward sich rüegen

 I Und sprach: «Vil lieber vetter mein,

8260

 I Daz du sälich müessist sein!

 I Du sprichst, ich schüll das paner tragen

 I Und dem her den wege sagen;

 I Ghört daz nicht einn haubtman an,

 I Dem das gesind ist undertan?»

8265

 ! «Nain du,» sprach her Strudel do,

 ! «Du pists der panermaister so

 ! Und hast ze schaffen anders nicht

 ! Dann den sturmfan, so man vicht,

 ! Tragen vestecleich hin an

8270

 ! Hoh embor: so bist ein man;

 ! Und tracht, daz du nicht kerest wider

 ! Oder daz mans truk da nider!

 ! Da geit man dir auch hilffen zuo,

 ! Die dein gaument spat und fruo.

8275

 ! Ein anders ghört einn haubtman an.

 ! Der schol des ersten sein ein man

 ! Frei des gmüetes, unverzait,

 ! Daz er ze trösten sei berait

 ! Das ander volk und pring auch an

8280

 ! Mit hetzen, so er beste kan;

 ! Won der fröd in im nicht hat,

 ! Der tröst die andren gar ze spat.

 ! Daz ander ist, daz er schol sein

 ! Listig in den sinnen sein,

8285

 ! Daz er sich halt recht sam der man,

 ! Der schaffzagel spilen kan,

 ! Mit greiffen an und hüeten sich

 ! Vor schaden nemen: merkst du mich?

 ! Dar umb so tuo des ersten das

8290

 ! Ze frides zeit (daz füegt im bas)

 ! Und haiss sein gsinde tag und nacht

 ! Üeben sich in ritterschaft

 ! Mit stechenn und turnieren

 ! Und anderm jubilieren;

8295

 ! Won der ungelert den glerten

 ! Mag so wenig überherten

 ! Sam der bloss mag einen man,

 ! Der gantzen härnesch füeret an.

 ! Dar umb des ersten künnen schol

8300

 ! Iecleicher vil sunder wol

 ! Schon und sauberleichen reiten.

 ! Auf und ab zder tenchen seiten

 ! Sitz der man an underlass!

 ! Dar zuo sei der stegraiff mass,

8305

 ! Daz sich so einer müg derheben

 ! In dem sattel, daz man legen

 ! Möcht ein kugel unter in!

 ! Die paine schol man streken hin

 ! Und die knie doch zemen haben,

8310

 ! Die sporn nicht gen dem phärde tragen.

 ! Den zaume hab in seiner gwalt,

 ! Sitz aufrecht in schlechter gstalt!

 ! Der dann mit dem sper wil reiten,

 ! Der trachti, daz zder andern seiten

8315

 ! Der stegraiff umb ein halbeu spang

 ! Für den andern stegraiff hang!

 ! Smukt er sich ein tail hin an,

 ! Dest minr man im geschaden kan.

 ! Des ersten schol er stapfen hin,

8320

 ! Dar nach bald: daz ist der sin;

 ! Und wil er treffen alle zeit,

 ! So nem den lauffe nit ze weit!

 ! Pei frid so schol man wappen chauffen,

 ! Der nicht enwelle nakend lauffen

8325

 ! Vor dem veinde an der zeit,

 ! So derhaben ist der streit.

 ! In den selben sachen

 ! Der haubtman schol auch wachen,

 ! Nicht enschlaffen: daz ist recht.

8330

 ! Er schol die ritter und die knecht

 ! Nicht so füeren gar verwegen.

 ! Des gsindes leben muoss er phlegen

 ! Und zühen sich ze velde so,

 ! Da man haber vind und stro,

8335

 ! Holtz und wasser: des ist not,

 ! Daz die phärt nicht ligen tod

 ! Noch der mensche gpresten hab,

 ! Das er an creften neme ab.

 ! Das wasser, das man trinken schol,

8340

 ! Schol man vor credentzen wol

 ! Und auch die frömden speis da pei,

 ! Wil man wesen giftes frei.

 ! In chaim wald schol er beleiben

 ! Noch pei mos die nacht vertreiben.

8345

 ! Dar zuo schol er speher haben,

 ! Die im tägleich mügin sagen

 ! Der veinten willen und îr macht:

 ! Secht, daz geit die besten craft!

 ! Und ist der veinten gar ze vil,

8350

 ! So wiss, daz ich im raten wil,

 ! Daz er haimleich seu derschleich,

 ! Wil er werden siges reich;

 ! Oder, mag daz nicht gesein,

 ! So tuo noch nach der lere mein

8355

 ! Und warti îr an sölcher stat,

 ! Da ers am ertreich bessers hab!

 ! Sein seu krencher oder geleich,

 ! So mag ein haubtman gmüetes reich

 ! Freileich lassen lauffen dar,

8360

 ! Schlahen, rumpeln in die schar.

 ! Doch sag ich: ob eins geschäch,

 ! Daz man an dem lesten säch

 ! Anders nichtzit dann den tod,

 ! So mag er fliehen in der not.

8365

 ! Daz ist der aller beste streit,

 ! Den man da vindet ze der zeit.

 ! Der seu aver haben wolt

 ! Ze gfangen, sam man billeich scholt,

 ! Doch an töten, so rat ich,

8370

 ! Daz ieder geb ze gfangen sich

 ! Lieber, dann im werd gesant

 ! Hasenswantz ze seiner schand.

 ! Sunderleichen, daz er werd

 ! Überhaben des auf erd,

8375

 ! So schol er sich ze streiten heben

 ! Mit dem rossvolk auf die eben,

 ! Mit dem fuossvolk auf die perg,

 ! Daz im der obertaile werd.

 ! Ist, das gpirgig sei daz land,

8380

 ! Die schützen schik er doch ze hand