| |
|
-
- P u e c h l e i n d e r
f i a l e n g e r e c h t i k a i t
B l a t t 9 v e r s o
- ___________________________________________________
- Darnach wil dv dy poſſen an den riſen de(r) fialen mach(e)n auf de(m) gru(n)t ſo mach de(n) riſen wid(er) wy am negſt(e)n gemacht jſt abe(r) dv darfſt kain pu(c)hſtab(e)n nit ſecʒe(n) Nvr
vnt(e)n dy .e.a.f. vn(d) ob(e)n .c.d. wa(n) du wirſt and(er) puchſtaben ſecʒen wan(n) d(er) puchſtaben ſunſt ʒv vil wurd(e)n Darnach tail den riſ von dem .c. pis ʒv dem .e. jn .vj. gleiche tail Des gleich(e)n vo(n) dem .d. pis ʒv dem .f.
vn(d) leg ain winkelmaſſʒ auf j(e)de ʒal
beſ(o)nd(ers) auf d(er) linj .c.e. Un(d) des gleichen auf d(er) linj .d.f. vn(d) mach riſle(in) nag de(m) winkelmaſſʒ Darnach ſecʒ den ʒirkel auf den mittelriſ jn dem gru(n)tle(i)n d(er) fialen do dy firu(n)g d(er) poſſe(n) jngeriſſ(e)n ſtet vn(d) ʒuich de(n) ʒirkel auf pis auf d(a)ʒ .x. dj ſelbe(n)
weite(n) ſecʒ auf d(a)ʒ .a. an de(m) riſe(n) d(er) fiale(n) vn(d) mach auf y(e)de ſeit(e)n ain
pu(n)ckt auf d(er) linj .e.a.f. wan(n) dy punck(t)e werd(e)n weiter auf d(er) linj raich(e)n den das .e. od(er) .f. vn(d) dy ſelb(e)n pu(n)ckt ve(r)ʒaichnet mit den puchſtab(e)n .g. vn(d) .h. Darnach nim dy ſelben weiten an dem riſen d(er) fialen von dem .e. piſ ʒv dem .g. dy ſelbig weit ſecʒ ob(e)n auf d(a)ʒ .c. des gleich(e)n auf d(er) ander(e)n ſeiten ſecʒ auf d(a)ʒ .d. vnd mach auf y(e)de ſeiten ain punckt mit den puchſtaben
ve(r)ʒaichnet .i.k. Dar nach ʒuich ain linj von dem .i. pis ʒv dem .g. Des gleichen mach ain linj vo(n) dem .k. pis ʒv dem .h. Darnach ſecʒ den ʒirkel auf das .n. jn de(m) gru(n)tlein da dy firung der poſſen geriſſen ſten vn(d) ʒuich den ʒirkel auf vber dy linj a.d. ʒv dem negſten .n.
wa(n) dy ſelben cʒway .n. nohet pey ain and(er) ſte(n) da ſtet nur ain .e. da cʒwiſchen dy ſelben
dick oder weit ſecʒ auf j(e)de ʒal peſunde(rs)
vnd heb an vnten an dem .e. vnd mach puncktlein vberſich mit den puchſtaben becʒaichnet .k.l.m.n.o.p. vnd auſ den ſelben puchſtaben ʒuich ain linj pis auf dy linj .i.g.
Des gleichen auf d(er) andern ſeiten pis auf
dy linj .k..h. Des ain exempel neben der
geſchrift gemacht ſtet vnd das haiſt d(er)
riſen auf d(e)r fialen.
|
|
|