| |
|
-
- P u e c h l e i n d e r
f i a l e n g e r e c h t i k a i t
B l a t t 9 r e c t o
- ___________________________________________________
- jn dem riſen d(er) fialen vn(d) mach auf y(e)de ſeiten ain pu(n)ckt mit den pu(c)hſtab(e)n n.o. des gleich(e)n ſecʒ dj jeʒ gemelt weit auf das .k. jn dem riſen d(er) fialen vn(d) mach auf y(e)de
ſeit(e)n auch ain punckt mit den puchſtab(e)n .p.q. Darnach ʒuich ain linj vo(n) de(m) .o. pis ʒv dem .q. Darnach ſecʒ den ʒirkel auf daſ .c. auf den mittelriſ des riſens d(er) fialen vn(d) ʒuich den ʒirkel vberſich auf pis ʒv dem .k. dy ſelb(e)n
weit(e)n ſecʒ mit aine(m) ort auf das .f. jn de(m) ſelb(e)n mittelriſ vn(d) mach vnterſich ain punckt mit de(m) pu(c)hſtabe(n) .r. vn(d) mach ain riſ
vbe(r) ʒwe(r)ch durch das .r. Darnach nim wid(er) dy forig(e)n weit(e)n von de(m) .i. pis ʒv dem .k. jn dem riſen d(er) fiale(n) vn(d) ſecʒ mit aine(m) ort auf d(a)ʒ .r. vnd mach ain pu(n)ckt vnte(r) ſich auf den ſelben mittelriſ do mach ain .s. vnd mach auch ain riſ vbe(r)ʒwerch durch das .s. Darnach ſecʒ de(n) ʒirkel auf de(n) mittelriſſ an d(er) linj .e.h. jn de(m) gr(u)ntle(in) d(er) fial(e)n vn(d) ʒuich den ʒirkel auf pis ʒv de(m) .e. od(er) .h. wan das ain weit iſt dy ſelb(e)n weit ſecʒ auf das .r. an dem riſen d(er) fialen vn(d) mach auf j(e)de ſeiten ain pu(n)ckt mit den puchſtab(e)n .t.v. Des
gleich(e)n ſecʒ dy j(e)cʒ gemelt weit auf d(a)ʒ .s. jn dem riſen vn(d) mach auch auf j(e)de ſeiten ain
pu(n)ckt mit de(n) puchſtab(e)n .x.y. Darnach ʒuich ain linj vo(n) dem .t. piſ ʒv dem .x. Des gleich(e)n vo(n) dem .v. pis ʒv dem .y. Des ain exempel jn der figur
|
|
|