Das Liederbuch

Bl. 115r-115v (II, 41)

____________________________________________________________

Zum Neẅen Jar ym acht vnd viertzigisten

Mein fräd, mein wunn, höchstes hail,

Meins hertzen fraw, nym mich ze tail

Zu disem säligen Neẅen Jar.

So yedes des sein nymbt war,

5

So ruck mich vsz der gemain,

Verschliusz mich in dein hertz allain,

Bedenck, wie ich mit gantzer triu

Dir gedienet hab on re#7813;.

Desz gleich ich auch verharren will

10

Der dein bis vff meins endes zil

On alles arg, des bis gewis.

Deiner lieb ich nit vergisz,

Wann edlern schatz ich nye gewan,

Dann ain dein lieb, das wisz on won.

15

Daby mein hertz in stätt beleibt,

Als vns das ewangely schreibt:

Wa dein schatz ist, da ist dein hertz.

Das selbig halt ich vnuerchertz,

Den schatz will ich bewaren

20

Vnd darzů nichtz ersparen.

Leib, synn, můt vnd gůt

Hab ich gericlit zu deiner hůt,

Darumb, mein aller liebste fraw,

Mit rechter triu du vff mich paw.

25

Der grund sol dir nit weichen.

Die ich dir müg geleichen,

Der hab ich nye gesehen.

Ich můsz in wavrhait iehen,

Du bist meins hertzen spiegel glas,

30

Darein ich schaw on vnderlas,

Vnd vind, das mich erfräet,

Mein vnmůt sich zerstöret,

So ich gedenck dein lieplich güt.

Der Neẅ geporen dich behütt

35

Vor der claffer neid,

Auch das dich vermeid

Vngelimpffes gewalt.

Mein hertz in fräden schalt,

So mich dein rotter mund empfacht

40

Vnd dein stoltzer leib vmbfacht

Mit friuntlicher gepärdt.

Lasz mich heẅr, als fert

In deinem triuen dienst bestavn,

So bin ich aller sorgen on.

45

Mich mag chain vnmůt letzen,

Dein gunst tůt mich ergetzen,

Was zu triuen ziuchet sich.

Darumb, mein trost, so bitt ich dich

Halt vest, bis frisch vnd gail,

50

Vnd hütt wol aller höchstes hail!