| |
|
-
- D a s n a r r e n s c h y f f .
C V I . A b l o s s ū g g u t t e r we r c k
- __________________________________________
- Wer hie anzündt syn ampel wol
Vnd brennen loßt syn liecht / vnd ol
Der selb sich ewig frœwen sol
- Ablossūg gutter werck
- Der ist eyn narr / der zů der zytt
So gott syn letzstes vrteyl gyt
Sich vrteyln můß vß eygenem mundt
Das er verschlagen hat syn pfundt
- 5
- Das jm entpfolhen hat syn her
Das er do mit soltt gwynnen mer
Dem wyrt das selb genomen hyn
Vnd er geworffen jnn die pyn /
Des glich ouch die jr ampell hant
- 10
- Verschüt / vnd nit mit œl gebrant /
Vnd went erst sůchen ander œl
So yetz vß farend ist die sel /
Vier kleyne ding sint vff der erd
Sint wyser doch dañ menschlich gberd /
- 15
- Die omeyß die keynr arbeyt schont /
Eyn hæslin das jm velsen wont /
Die hew stæff / die keyn künig hant
Vnd ziehen doch zů veld allsant /
Eyn aydes gat vff syn henden vß
- 20
- Vnd wont doch jn der kunig huß /
Wer hunig fyndt vnd wafen scharff
Der æß nit me dann er bedarf
Vnd hűt vor füllung sich der sűß
Das ers nit wider spüwen můß
- 25
- Ob joch eyn wyser gæhling stirbt
Sin sel doch nyemer me verdyrbt /
Aber der narr / vnd vnwis man
Verdyrbt / vnd müß syn husung han
Inn ewigkeit jn synem grab
- 30
- Den frœmden loßt er sel / vnd hab /
Keyn grœsser dor wart nie gemacht
Dann der das kunfftig nit betracht
Vnd zytlichs für das ewig acht
Es brennt manch boum jnn hellen glůt
- 35
- Der nit wolt tragen gůte frůcht
|
|