| |
|
-
- D a s n a r r e n s c h y f f .
C V . H y n d e r n y s d e s g u t t e n .
- __________________________________________
- Wer wil der worheyt by gestan
Der můß gar vil durechter han
Die jnn abkeren vnderstan
- Hyndernys des gutten.
- Der ist eyn narr durch all syn blůt
Wer hyndern will eyns andern gůt
Vnd er zů wœren vnder stat
Do von er doch entphoht keyn schad
- 5
- Vnd sicht gern / das eyn ander sy
Im glich / vnd stæck jm narren bry
Dann narren allzyt hassen důnt
Die / so mit gůtem ding vmb gont
Eyn dor / den andern nit gern sicht
- 10
- Dem rechten doren doch geschicht
Das er jnn freüden sich nit spar
Das er alleyn nit sy eyn narr
Dar vmb er allzyt flisset sich
Wie yederman syg synen glich
- 15
- Vnd ratt das er nit sy alleyn
Der narr / der trag den kolben heyn
Wann man sicht eynen der do will
Recht důn / vnd syn jnn wißheyt styll /
So spricht mâ / schow den duckelmuser
- 20
- Er will alleyn syn eyn Carthuser
Vnd tribt eyn apostützer stodt
Er will verzwifflen gantz an gott
Wir went eben als wol erwerben
Das gott vns loßt jnn gnaden sterben
- 25
- Als er / wann er schon tag / vnd nacht
Lyt vff den knuwen / bæt / vnd wacht /
Er will vasten / vnd zællen buwen /
Er gdar weder got noch der welt truwē
Gott hat vns nit dar vmb geschaffen
- 30
- Das wir münch werden oder pfaffen
Vnd vor vß / das wir vnß entschlagen
Der welt / wir went keyn kutten tragen
Noch kapp / sie hab dann schellen ouch
Schow vmb den narren / vnd den gouch
- 35
- Er mœcht noch jnn der welt han gthon
Vil gůtts / vnd hett noch grœssern lon
Entpfangen / hett er vil gelert
Vnd vff den weg der sellikeyt kert
Dann das er do lyt wie eyn schwyn
- 40
- Vnd mϧst sich jn der zellen syn /
Oder bricht jm sunst so vil ab
Das er keyn freüd noch kurtzwil hab /
Solt / wie er důt / důn yederman
In der Chartuß die kutten an
- 45
- Wer woltt die weltt dann fürbas meren
Wer wolt die lüt wysen / vnd leren /
Es ist gotts will / noch meynnung nit
Das man der welt sich so abschütt
Vnd vff sich selb alleyn hab acht /
- 50
- Solch red důnt narren tag / vnd nacht /
Die jnn der welt hant als jr teil
Des sůchen sie nit selen heyl /
Hœr zů / wærst du joch wiß vnd klůg
Es weren dennaht narren genůg
- 55
- Wañ du schon hettest münchesch gberd
Es weren narren me vff erd /
Wer yederman gesyn din glich
Es wer keyn mensch jm hymelrich /
Wann du joch werst eyn witzig gsell
- 60
- Es fűren dannaht vil zůr hell /
Wann ich zwo selen hett jnn mir
Setzt ich lycht eyne den gsellen für
Aber so ich hab eyn alleyn
So můß ich sorg han vmb die eyn
- 65
- Got hat mit Belyal nüt gemeyn
|
|