| |
|
-
- D a s n a r r e n s c h y f f .
X C I I . V b e r h e b u n g d e r h o c h f a r t
- __________________________________________
- Wer hochfart ist / vnd důt sich loben
Vnd sytzen will alleyn vast oben
Den setzt der tüfel vff syn kloben
- Vberhebung der hochfart
- Der furet vff eym strowen dach
Der vff der welt rům / setzt syn sach
Vnd all ding důt / vff zyttlich ere
Dem würt zů letst nüt anders me
- 5
- Dann das syn won / jnn hatt betrogen
So er buwt vff eyn rægenbogen
Wer wœlbet vff eyn dænnyn sul
Dem wűrt ee zyt / syn anschlag ful
Wer rům vnd weltlich ere hie bgerdt
- 10
- Der wart nit / das jm dort me werdt /
Manch narr halt sich gar hoch dar vmb
Das er vß welschen landen kum
Vnd sy zü schůlen worden wiß
Zů Bonony / zů Pauy / Pariß
- 15
- Zůr hohen Syen jnn der Sapientz
Ouch jnn der schůl zů Orlyens
Vnd den roraffen gsæhen hett
Vnd Meter pyrr de Conniget /
Als ob nit ouch jnn tütscher art
- 20
- Noch wer vernunfft / synn / houbter zart
Do mit man wißheyt kunst mœcht lerē
Nit not / so verr zů schůlen keren
Weller will leren jnn sym land
Der fyndt yetz bűcher aller hand
- 25
- Das nyeman mag entschuldigen sich
Er well dann liegen læsterlich
Man meynt ettwan es wer keyn ler
Dann zů Athenas über mer
Dar noch man sy / byn walhen fandt
- 30
- Jetz sicht mans ouch jn tütschem land
Vnd gbræst vns nüt / wer nit der wyn
Vnd das wir tütschen voll wennt syn
Vnd mœgen keyn recht arbeit thůn
Wol dem / wer hat eyn wisen sůn
- 35
- Ich acht nit / das man vil kunst künn
Vnd stell do mit noch hochfart gwynn
Vnd meynt dar durch syn stoltz / vñ klůg
Wer wis ist / der kan kunst genůg
Wer lert durch hochfart / vnd durch gelt
- 40
- Der spiegelt sich alleyn der welt
Glich als eyn nærrin die sich mutzt
Vnd spieglen důt der welt zů tutz
So si vff spannt des tüfels garn
Vnd macht vil selen zůr hellen farn
- 45
- Das ist das kützlin / vnd der klob
Do durch der tüfel sůcht groß lob
Vnd hat gefüret manchen hyn
Der sich bedunckt vor witzig syn /
Balaam gab Balach eynen rott
- 50
- Das Israhel erzürnet gott
Vnd nit mœcht jn dem stritt beston
Das es durch frowen zů műst gon /
Hett Judith sich nit vff gezyert
Holofernes wer nit verfűrt /
- 55
- Iesabel streich sich varben voll
Do sie meynt jhehu gfallen wol
Der wis man spricht / ker dich geschwynd
Von frowen / sie reytzt dich zůr sünd
Dann nærrin vil sint also geil
- 60
- Das sie jr gsiecht bald biettent feil
Vnd meynen / es sol schaden nüt
Ob sie eyn blick dem narren gytt
Worlich gesicht / bringt bϧ gedanck
Vnd setzt eynen vff den narrenbanck
- 65
- Der dar noch lychtlich nit abstat
Biß er den hæher gfangen hatt /
Hett Bersabe jrn lib bedeckt
Sie wer durch ee bruch nit befleckt /
Dyna wolt schowen frœmde man
- 70
- Biß vmb jr jungfrowschafft sie kam /
Eyn deműtig frow ist eren wert
Vnd würdig / das sie werd geerd
Aber welch hochfart nymbt für hend
Deren hochfart ist ouch gantz on end
- 75
- Die will ouch allzyt vornen dran
Das nyeman mit jr gstellen kan /
Die grœsßst wißheyt vff aller erdt
Ist / künnen thůn das yeder bgerdt
Vnd wo man das für gůt nit nymbt
- 80
- Doch künnen thůn / das yedem zymbt
Wer aber frowen thůn will recht
Der můß syn ettwann me dann knecht
Dann sie gar offt durch blœdikeyt
Me thůn / dann durch jr lystigkeit
- 85
- Der hochfart die do hant gotts haß
Stigt stætes vff / ye baß vnd baß
Vnd fellt zů letst zů boden doch
Zů Lucifer jnns hellenloch /
Hœr hochfart / es kumbt dir die stundt
- 90
- Das du sprichst vß dym eygnen mundt
Was bringt myn hoher můt mir freüd
So ich hie sitz jnn trűbsal / leid /
Was hilfft mich geltt / gůt / vnd richtům
Was hilfft der welt ere / lob / vnd rům
- 95
- Es ist nůt dann eyn schætt gesyn
Ougenblicklich ist es do hyn
Wol dem der diß als hat veracht
Vnd hatt alleyn ewigs betracht /
Nüt dunckt eyn narren hie so hoch
- 100
- Es felt mit jm zů letzsten doch
Vnd vor vß / die schæntlich hochfart
Die hat an jr natur / vnd art
Das sie den hœchsten Engel stieß
Vom hymel ab / vnd ouch nit ließ
- 105
- Im paradiß den ersten man
Sie mag noch nit vff erd bestan
Sie můß ye sůchen jren stůl
By Lucifer jn hellen pfůl
Sůcht sie den / der sie hat erdacht
- 110
- Hochfart ist bald zůr hellen bracht
Agar durch hochfart wart von huß
Mit jrem kynd getriben vß /
Durch hochfart Pharao verdarb
Chore mit syner gselschafft starb
- 115
- Der herr gar grœßlich des erzürn
Do man jn hochfart macht den turn
Als Dauid det jn hochfart zelen
Das volck / műst er eyn plag erwelen
Herodes kleydt jn hochfart sich
- 120
- Als ob syn wesen wer gœttlich
Vnd wolt ouch haben gœtlich ere
Vnd wart vom Engel gschlagen sere
Wer hochfart tribt / den nydert got
Demůt er allzyt gehœheret hat
|
|