Sangspruchdichtung

Die Göttinger Spruchsammlung

IV. Buch

___________________________________________________

[Vorrede im Göttinger Cod. philos. 21:]

Kalistenes der meister straffte Allexander:

den keyser Nero: darumb sich Seneca selber

muste toeten, Lucanius wart dy tzunge getzogē

5

durch den nacken. wie frvme die selben waren,

Sust sy yr leben enten. darumb der meister

hie straffet deses buches nach der poeten wise

by manchem thummen thire die seten mancher

lute, der namen er nicht nennet, die selber sich

10

wol kennen bie yren argen wercken.

[ . . . ]

56

Ein esel fant eins louwen hut und zoch sie an.

er sprach: «mich hat gelücke bracht uf dise ban.

     mins heren gunst han ich mich gar erwegen.»

die kleinen tier gemein und ouch der here sin,

5

die liten alle vor im großer forchte pin.

     da er des louwen sprünge solde phlegen,

wie tumm was da sin eseli!

sin übermut in großem zorne brante,

die oren uß der hüte fri

10

im wurden: dabi in der here kante.

er gab im einen külen slag.

er sprach: «du esel, woldstu mich betriegen?»

er bant im wider uf den sack.

da must er sich in großen schanden smiegen.

15

kint, gere falscher eren nicht nach eselischer wise.

du salt anzien dins vater wat, das ist min rat.

     nicht trit uf fremdes lobes zil, so stet din er in prise.

[ . . . ]

65

Es saßen frosche zinses fri und forchte ler,

die baten lange umb einen künig hern Jupiter.

     ir bet er lacht und solcher tummheit schimel.

der kroten schar rief unde schrei das ander mal.

5

dem se zu künige warf er einen tram zutal,

     als die poeten sagen, von dem himel.

des ser erschrak der frosche schar

und gunden sich durch forcht zu grunde laßen.

darnach si quamen wider gar

10

und uf des senften küniges achseln saßen.

umb einen künig si riefen me;

den hoen got erwegte zornes galle.

zu künige sante er dem se

den stork, der sie verslant in grimme alle.

15

ist senfte, gut der here din,        des in nicht laß entgelden,

das du icht komest sam der se        in jamers we.

     fritum und erste herschaft wirt        verbessert, hör ich, selden.

[ . . . ]