Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

86.

Wie man die stain widerpringt an iren kreften.

Ez ist ain puoch, daz haizt daz puoch der ding, daz sagt der alten väter red und spricht alsô. Ain iegleich crêatûr ist belaidigt mit der sünd des êrsten menschen, aber allermaist die edeln stain, die got zuo menschleichem nutz hât geschepft sam diu kräuter und vil ander ding. auch werdent die kreft der edeln stain belaidigt von dem handeln und von dem angreifen der unrainen sündigen menschen. iedoch sam der mensch widerkümt mit der tauf und mit rew, daz er an daz êrst wesen kümt seiner êrsten machung, die Adam enpfieng, alsô widerkoment die edeln stain zuo irn kreften mit weihen und mit hailigem segen, und diu weis ze weihen und ze segenen die edeln stain ist geschriben in dem selben puoch. man schol die edeln stain des êrsten pinden in ain leinein tüechl und legen auf den alter, unz man die hailigen mess volprâht hat. dar nach, ê der priester daz messgewant abziech, schol er die stain segenen und sprechen als hie nâch geschriben stêt.

Dominus vobiscum. oremus. Collecta. Deus omnipotens pater, qui eciam per quasdam insensibiles creaturas virtutem tuam hominibus ostendisti, qui famulo tuo Moysi inter cetera vestimenta sacerdotalia racionale iudicii duodecim lapidibus preciosis adornari precepisti nec non et Johanni ewangeliste celestem civitatem Jerusalem virtutibus eosdem lapides significantibus construendam essencialiter ostendisti, maiestatem tuam humiliter deprecamur, ut hos lapides consecrare et sanctificare digneris per sanctificationem et invocationem sancti nominis tui, ut sint sanctificati et consecrati et recipiant effectum virtutum, quas eis te dedisse sapientum experiencia conprobavit, ut quicumque illos super se por taverit virtutem tuam per illos sibi adesse sentiat donaque tue gracie et tutelam virtutis accipere mereatur per Jesum Ghristum filium tuum, in quo omnis sanctificatio existit. Qui tecum vivit et regnat deus per omnia secula seculorum. Amen.