Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

59.

Von dem periten.

Perites oder pirites oder piridonius ist ain stain, der kümt von den läuten, die Perse haizent, und ist goltvar. iedoch ist etleicher gevar sam der chrisolit, ân daz er ain klain grüener ist. der stain ist guot wider die âdersuht, diu ze latein artetica haizt, und ist daz dû in vast in der hant druckst, sô prennt er dich an die hant sô sêr, daz dû sein niht geleiden maht, und dar umb wil er, daz man in senfticleich hab und zärtleich. des staines schein nimt auf und ab mit dem mônn.