Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

31.

Von dem dyadochen.

Dyadochos ist ain stain, wer den in wazzer wirft, sô pringt er mangerlai pœser gaist pild, alsô daz si antwurt gebent dem, der si frâgt; und legt man in auf ains tôten leichnam, sô verleust er sein kraft und erschrickt scheinpærleichen von dem tôde. der stain geleicht ainem berillen.