Buch der Natur

V. VON DEN KRÄUTERN

IN AINER GEMAIN.

___________________________________________________

88.

Von dem zukker.

Zuccara haizt zukker. der ist an kraft warm und fäuht, sam Platearius spricht, aber der weiz zukker ist pezzer und löbleicher wan der gelvar und ist auch kelter. er ist guot wider der prust smerzen und hilft auch für den durst und macht fäuht die dürren prüst. wem daz haupt wê tuot von haizen sachen und der seinen leib vertig well machen von dem twang, der nem zukker und wazzer gesoten mit viol und misch daz zesamen und trink ez.