Buch der Natur

IV. VON DEN PAUMEN.

A. VON DEN PAUMEN

IN AINER GEMAIN.

___________________________________________________

48.

Von dem holær.

Sambucus haizt ain holær oder ain holder in anderr däutsch. der ist mit der kraft warm und trucken in dem andern grâd und der paum haizt ze latein lactis. des paums rind ist sunderleichen guot zuo erzneien und sein sâm und seineu pleter saubernt den leib von der fäuht, diu flegma haizt. wer der pleter saf mit honig nimt, daz tœt die würm in dem leib, die ze latein lumbrici haizent, und sô man ez in die ôrn tröuft, sô rainigt ez diu fliezenden ôrn von dem aiter und von der unsauberkait. des paums plüet sint kreizelot als ain korn und smeckent gar wol und sterkent des menschen kreft, wenn man muos dar auz macht.