Buch der Natur

IV. VON DEN PAUMEN.

A. VON DEN PAUMEN

IN AINER GEMAIN.

___________________________________________________

23.

Von dem hauspaum.

Laurex mag ain hauspaum haizen, wan lar haizt ain haus in ainer bedäutung, dannen kümt daz wort laurex, sam Isidorus spricht. wer auz des paums holz taveln macht und hæht die an diu häuser, die widertreibent die flammen von den häusern, ob ain feur auz kœm nâhent dâ pei. daz holz hât ain wunderleich art: wenn ez verprint an ainem feur, sô macht ez kainen koln.