Buch der Natur

III. HIR HEBT AN DAZ DRITT

STÜCK DES PUOCHS

VON DEN TIERN

IN AINER GEMAIN

F. VON DEN WÜRMEN.

___________________________________________________

24.

Von dem raubær.

Spoliator haizt ain rauber. der wurm ist goltvar, sam daz puoch spricht von den dingen, und hât die art, wâ er ain slangen vint ligen in aim schaten, dâ steigt er ir des êrsten auf den zagel und kläuselt si sänfticleich und zeletst durchnegt er ir daz hirn und tœtt si. alsô tuot diu sünd des êrsten wol und tœtt den sünder zeletst mit dem êwigen tôd.