Buch der Natur

I. Von dem Menschen

in seiner gemainen Natur.

___________________________________________________

23.

Von den henden.

Die hend an dem menschen sint an der vordern füeze stat gemacht, alsô Aristotiles spricht. seind der mensch vernuoft hât und witz über alliu tier, sô hât im diu nâtûr die hend geben, dâ mit er vil gewürken mag, und dar umb sprechent die weisen, daz man des menschen sin aller maist brüef an den augen und an den henden. Plinius spricht, daz man der rehten hant wünsch in angsten und in nœten und daz man si raich in trewen.