Buch der Natur

I. Von dem Menschen

in seiner gemainen Natur.

___________________________________________________

19.

Von dem hals.

Der hals ist ain säul, diu daz haupt aufhelt und veraint daz haupt mit dem leib. der hals ist auz kruspelischem flaisch gemacht aller maist inwendich, und stêt auch der hals ze næhst nâch der keln gegen dem ruck. der hals hât vil âdern, durch die vliezent die gaist und daz pluot von dem herzen und von der lebern in daz haupt und in die sideln aller sinnen und aller kreften der sêl.