Konrad von Megenberg
1309 - 1374
|
Buch der Natur
I. Von dem Menschenin seiner gemainen Natur.
|
___________________________________________________
| |
17.Von der luftrrn.
Diu luftrr ist ain grôziu âder und haizt ze latein trachea, und haizent si die wundertzt die lungrr, dar umb, daz si vorn in dem hals gêt von der zungen ursprinch unz an die lungen und tregt den luft auz und ain von des menschen mund zuo der lungen. die rrn bedeckt diu nâtûr oben, daz ihts von ezzen oder von trinken dar in vall, wan ez geschicht oft, daz etwaz dar in velt von ezzen oder von trinken: sô huost daz mensch als lang unz ez her wider auz kümpt. beleibt aber ez dar inn, sô stirbt der mensch. diu pest hilf dâ wider ist, daz man den menschen mit der faust vast hinden auf den hals slach, unz daz daz ezzen her auz var. dar umb redent witzig läut wênig ob dem tisch, daz si daz behüeten wellent. |