Sprüche

___________________________________________________

25.

Cod. Pal. germ. 848, 420v

Universitätsbibliothek Heidelberg

Ein tier in Normanie gat,

daz schone kunst so wunderlich erzeiget hat,

daz muoz des ersten trinken e, danne [ez] ezze(n);

dannoch so tuot ez wunder me,

5

ez muoz zem ersten ezzen, danne ez schizen ge,

der zweier tugende kan ez niht vergezzen.

bluot ez izt vor mittem tage, im zittert sin gebeine;

swanne ez kumt über den mitten tak,

so doenet ez, daz niht vor im gehoeren mak:

10

daz tier sich selten vinden lat aleine.