Sprüche

___________________________________________________

24.

Cod. Pal. germ. 848, 420v

Universitätsbibliothek Heidelberg

Ich weiz wol, wenne min armuot ein ende haben sol:

swenne der herzoge Meinhart vermidet Kernd unt Tirol

unt swenn der giege uz Osterlant

umb ere git die guoten stat ze Wiene,

5

unt herzoge Heinrich von Beierlant niht me milte enpfliget,

unde der künik Ruodolf deme Soldan angesiget,

unde der Swarzwalt wirt verbrant,

unde daz mer gevüllet ist mit griene,

unt Würzeburk niht wines hat,

10

unt elliu wazzer werdent vische laere,

unt zukker wirt eins Juden kwat,

und alten hoverehten wibes minne vröudebaere,

unt der bischof von Strazburk Chuonrat blibet ane nit,

unt der edel vürste von Baden daz alte Gebzenstein durch vorhte uf git.