Sprüche

___________________________________________________

8.

Cod. Pal. germ. 848, 419r

Universitätsbibliothek Heidelberg

Rat an, waz daz si, wol gelerter, wiser man,

hab' ie mer grozen dank, der ez geraten kan:

ez ist geborn nach rehtes menschen bilde,

ez ist mager unt lank, gar breit ist sin gewalt,

5

est an dem muote junk und an den jaren alt,

im ist diu (er)barmherzekeit vil wilde;

ez niuzet elliu Tiutschin lant,

unt lat doch weni[n]k ie man mit im niezen;

ez hat geroubet unt gebrant,

10

ez kunde ouch hoher eren [n]ie verdriezen;

swa ez sich dikke nider lat,

da wuestet('z) gerne, daz wil ich verwetten,

wan mir des maniger bi gestat,

unt ziuge ez an die burger in den stetten;

15

ez zürnet hie unt suenet dort, sin lachen ist gehiure;

(..............) ez reizet den,

ez weiz wol wen:

ich waene, daz ez ze raten si den toren allen tiure.